यूहन्ना 16से लोकप्रिय बाइबिल छंद

शेयर

ई सोब बोक मेईं तुसी जे तोउं बोली कि में बेलि तुसी शान्ति मेईंयेल। इस मतोक अन्तर तुसी दुख भुन्ता, पर हिम्मत रखे, किस कि मेईं ई मतोक जीतो असा।”

पर जपल से मतलब सच्चे परमेश्वरे आत्मा एन्ती, से तुसी पूरी सच्चाई बथ हरालती। किस कि से अपफ कुछ ना बोती, पर जे बि बोउ केआं शुणती तस बतान्ती त एणे बाड़ी बोकी बतान्ता।

अभेईं तकर तुसी में नओं पुठ कुछ नेईं मगो। मगीण दिए त तुं धे दीइन्तु, ताकि तुस सुआ सुख मेईंयाल।”

तोउं बि अउं तुसी जे बोता कि में घेणे बेलि तुं भलाई भुन्ति, किस कि अगर अउं ना घेन्ता त से मदत करणे बाड़ा शुची आत्मा तुसी केईं ना एन्ती। पर अगर अउं घेन्ता त तस अउं तुसी केईं लंघान्ता। त से एई कइ धरती मेह्‍णु के पापे घाड़ु फुटाणता, परमेश्वरे औजो कम त तसे न्याये बारे बि मेह्‍णु के अगर उगाही दी कइ तेन्हि चुप करान्ता।”

त तुसी अभेईं त दुख भुन्ता, पर जपल अउं तुसी दुबारी मेता, त तुस सुआ खुश भोई घेन्ते त कोई बि तुं खुशी खराब कइ ना बटते। तेस रोज तुस मोउं केईआं कुछ ना पुछते। अउं तुसी जे बोता कि अगर तुस बोउ केआं मगते, से में नओं पुठ तुं धे दी छता।

अउं तुसी जे बोता कि तुस मगिरि चठ दी दी कइ बक भोई घेन्ते, पर धरती मेह्‍णु खुशी घेन्ते। तुसी दुख भुन्ता, पर पता तुस खुश भोई घेन्ते।