ମାତ୍ତିଉ 5से लोकप्रिय बाइबिल छंद

शेयर

ହୋଡ଼ୋକୋ ବାତୀ ଜୁଲ୍ କେତେ ପାଇଲା ଲାଥାର୍ ରେ କାହା ମେନ୍ଦୋ ପାଖା ଚେତାନ୍ ରେ ମାଣ୍ଡାଅୟାକୋ, ଏନାତେ ଏନା ଅଡ଼୍ଆଃ ରେନ୍ ସବେନ୍ କୋକେ ମାସ୍କାଲ୍ ସେଟେର୍ ୟାଏ। ଏନ୍‍ଲେକାଗି ଆପେୟାଃ ମାସ୍କାଲ୍ ହୋଡ଼ୋକୋୱାଃ ଥାଲା ରେ ଯୁନୁଲୋଃକା ଚି ଇନ୍‍କୁ ଆପେୟାଃ ବୁଗିନ୍ କାମି କୋକେ ନେଲ୍‍କେତେ ଆପେୟାଃ ଆବା କେ, ଯେ ସିର୍ମାଦିଶୁମ୍ ରେ ମେନାଇଜା, ମାନାରାଙ୍ଗ୍ ରିକା ୟାକୋ।

ଆପେ ଅତେଦିଶୁମ୍ ରେନ୍ ହୋଡ଼ୋକୋ ଲାଗିନ୍ ମାସ୍କାଲ୍ ଲେକା ତାନ୍‍ପେ। ଅକନ୍ ନାଗାର୍ ବୁରୁ ରେ ବାଇକେତେ ମେନାଃ ଏନା କା ଲୁକୁଅଗା।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ମୋନ୍ ରେ ପାର୍ମେଶ୍ଵାର୍ କେ ମାନାତିଙ୍ଗ୍ ନାଙ୍ଗ୍ ସାନାଙ୍ଗାକୋ, ଚିୟାଃଚି ଆକୋ ପାର୍ମେଶ୍ଵାର୍ କେ ନେନେଲ୍ ଧାଡ଼ିୟାକୋ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ଧାରାମ୍-ହୋରା ରେ ଜିହୀଦୋ ଲାଗିନ୍ ରେଙ୍ଗେଃ ଆଡୋଃ ତେତାଙ୍ଗ୍ ତାନ୍‍କୋ, ଚିୟାଃଚି ପାର୍ମେଶ୍ଵାର୍ ହିନ୍‍କୁକେ ସୁକୁ ଏମାକୋୱାଏ।

ମେନ୍ଦୋ ଇଙ୍ଗ୍ ଆପେକେ ନେୟା କାଜିତାନିଙ୍ଗ୍ ଚି, ଆପେୟାଃ ବାଇରୀ ଲୋଃ ଦୁଲାଡ଼୍ ଦହଏପେ, ହାର୍ ଆପେୟାଃ ସାତାଅ ଏହେମ୍ ନିଈ ଲାଗିନ୍ ବିନ୍ତି ରିକାଏପେ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ମୋନ୍ ରେ ସାରିଧାଡ଼ିୟାକୋ ଯେ ଇନ୍‍କୁୱାଃ ଆତ୍ମିକ୍ ଦାର୍‍କାର୍ ପାର୍ମେଶ୍ଵାର୍ ଏତେ ନାମୋଗା, ଚିୟାଃଚି ସିର୍ମାଦିଶୁମ୍ ରାଃ ରାଇଜ୍ ହିନ୍‍କୁୱାଃ ଗି ତାନାଃ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ଶାନ୍ତି ବାଇ ତାନ୍‍କୋ, ଚିୟାଃଚି ଇନ୍‍କୁ ପାର୍ମେଶ୍ଵାର୍ ରାଃ ହୋନ୍ କାଜିଅଃୱାକୋ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ମୋନ୍ ରେ ଦୁକୁୱାକୋ, ଚିୟାଃଚି ହିନ୍‍କୁ ପାର୍ମେଶ୍ଵାର୍ ଏତେ ଶାନ୍ତି ନାମେୟାକୋ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ଧାରାମ୍-ହୋରା ରେ ଜିହୀଦୋ ଲାଗିନ୍ତେ ସାତାୱାଟ୍ କୋ ନାମେୟା, ଚିୟାଃଚି ସିର୍ମାଦିଶୁମ୍ ରାଃ ରାଇଜ୍ ଆକୋ ଲାଗିନ୍ତେ ଗି ତାନାଃ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ଦାୟା ତେ ଫେରେଃ କାନାକୋ, ଚିୟାଃଚି ପାର୍ମେଶ୍ଵାର୍ ଆକୋ କେହ ଦାୟା କୋୱାଏ।

ଧାନ୍ୟା ଆପେ ତାନ୍‍ପେ, ଚିମ୍ତା ହୋଡ଼ୋକୋ ଇଙ୍ଗ୍ଆଃ ଚେଲା ତାନ୍‍ପେ ମେନ୍ତେ ଆପେକେ ନିନ୍ଦା ପେୟାକୋ ଆଡୋଃ ସାତାଅ ପେୟାକୋ ହାର୍ ଲୋଗୋ କାଜି କାଜିକେତେ ଆପେୟାଃ ବିରୋଧ୍ ରେ ସବେନ୍ ରାକାମ୍ ରାଃ ବୁରାଇ ବାକାଣ୍ କୋ କାଜିୟାକୋ। ଏଣ୍ଡେ ରାଶିକାଅଃ ପେ ଆଡୋଃ ପୁରାଗି ସୁକୁଅଃ ପେ, ଚିୟାଃଚି ଆପେଲାଗିନ୍ ସିର୍ମାଦିଶୁମ୍ ରେ ମାରାଙ୍ଗ୍ ଯଅ ଦୋହୋକାନା। ଏନାଲାଗିନ୍ ଚି ଇନ୍‍କୁ ହେନ୍ ନାବୀ କୋକେ ଅକନ୍‍କୋ ଆପେ ତେ ସିଦାରେ ତାଇନ୍ ତାଇକେନାକୋ ନେକା ଗି ସାତାଅ ଲେଃକୋୱାକୋ।

ଧାନ୍ୟା ହିନ୍‍କୁ ତାନ୍‍କୋ, ଅକନ୍‍କୋ ମୋନ୍ ରେ ନାରାମ୍ ତାନ୍‍କୋ, ଚିୟାଃଚି ହିନ୍‍କୁ ଅତେ ରେନ୍ ଆଧିକାରୀ ହୋବାୱାକୋ।

ଆପେ ହୋଡ଼ୋକୋ ଲାଗିନ୍ ଆପେୟାଃ ରେ ଅତେ ରାଃ ବୁଲୁଙ୍ଗ୍ ଲେକା ଗୁନ୍ ମାଣ୍ଡାଅ ପେ; ମେନ୍ଦୋ ଆଗାର୍ ବୁଲୁଙ୍ଗ୍ ରାଃ ଶିବିଲ୍ ବାଗ୍‍ଡ଼ାଅ କେନୋଃ ରେଦୋ, ଏନା ଆଡୋଃ ଚିକାନ୍ ଜିନିଷ୍ କେ ବୁଲୁଙ୍ଗ୍ଅଗା? ଆଡୋଃ ହେନା ଜେତାନ୍ କାମି ରାଃ ହ ନାହାଲା, ବାହାରି ରେ ଦୁଡ଼ିଙ୍ଗ୍ ୱା ଭାଇର୍ ଆଡୋଃ ହୋଡ଼ୋକୋୱାଃ କାଟା ଲାଥାର୍ ରେ ତିକାୱା।

ଏନାମେନ୍ତେ ହୋବାଅଃ ଚାହି ଚି ଆପେ ସବେନ୍ ଇମ୍ତା ବୁଗିନ୍ କାମି ରିକାଏପେ, ଜେଲେକା ଆପେୟାଃ ସିର୍ମାଦିଶୁମ୍ ରେନ୍ ଆପୁ ସବେନ୍ ଇମ୍ତା ବୁଗିନ୍ କାମି ରିକାୟାଏ।

ମେନ୍ଦୋ ଆପେୟାଃ ବାକାଣ୍ ହାଁ ରାଃ ହାଁ, ୟାଦୋ କାହା ରାଃ କାହା ହୋବାଅଃକା; ଚିୟାଃଚି ଅକନାଃ ନେୟାତେ ଥିମ୍ବା ହୋବାୱା ଏନା ଦୁଷ୍ଟ ଶାଏତାନ୍ ଏତେ ହୋବାୱା।

ଆପେ ଆୟୁମ୍ ଛାବା କାଦାପେ, ଚି ମୁଶା ନାବୀ ରାଃ ଆଇନ୍ ରେ କାଜିକାନ୍ ତାଇକେନା, ମେଏଃ ରାଃ ବାଦ୍‍ଲି ରେ ମେଏଃ, ଆଡୋଃ ଡାଟା ରାଃ ବାଦ୍‍ଲି ରେ ଡାଟା। ମେନ୍ଦୋ ଇଙ୍ଗ୍ ଆପେକେ ନେୟା କାଜିତାନିଙ୍ଗ୍ ଚି, ଏତ୍କାନ୍ ହୋଡ଼ ରାଃ ସାମାନାଙ୍ଗ୍ ଆଲୋପେ ରିକାୟା, ମେନ୍ଦୋ ଜାହାଁଏ ହ ଆପେୟାଃ ଜୋମ୍ ଯୋୱା ରେ ଚାଟ୍‍କାନ୍ ପେ ରେଦୋ, ହୀନିଜାଃ ପାଡ଼୍ ଏଟାଃ ଯୋୱା କେହ ଦେଖାୱିପେ।

ଆଗାର୍ ଆମାଃ ଜୋମ୍ ମେଏଃ ତେ ଆମ୍‍କେ ପାପ୍ ରିକା ସାନାଙ୍ଗ୍ ରେଦୋ, ଏଣ୍ଡେ ଏନାକେ ଅଡୋଙ୍ଗ୍ ଦୁଡ଼ିଙ୍ଗେମେ, ଚିୟାଃଚି ଆମାଃ ଲାଗିନ୍ ନେୟା ବୁଗିନ୍ ତାନାଃ ଚି ଆମାଃ ହୋଡ଼ମୋ ଏତେ ମିୟାଃ ଆଙ୍ଗ୍ ନାଷ୍ଟ୍ ହୋବାଅଃଚା, ହାର୍ ଆମାଃ ପୁରା ହୋଡ଼ମୋ ନାରାକ୍ ରେ ଆଲୋ ଦୁଡ଼ିଙ୍ଗୋଃ ଚା। ଆଗାର୍ ଆମାଃ ଜୋମ୍ ତିଈ ତେ ଆମ୍‍କେ ପାପ୍ ରିକା ସାନାଙ୍ଗ୍ ରେଦୋ, ଏଣ୍ଡେ ଏନାକେ ମାଆ ଦୁଡ଼ିଙ୍ଗେମେ, ଚିୟାଃଚି ଆମାଃ ଲାଗିନ୍ ନେୟା ବେଶ୍ ତାନାଃ, ଚି ଆମାଃ ହୋଡ଼ମୋ ଏତେ ମିୟାଃ ଆଙ୍ଗ୍ ନାଷ୍ଟ୍ ହୋବାଅଃ ଚା ଆଡୋଃ ପୁରା ହୋଡ଼ମୋ ନାରାକ୍ ରେ କା ଦୁଡ଼ିଙ୍ଗୋଃ ଚା।”