Luqaas Mishiraachcha 14से लोकप्रिय बाइबिल छंद

शेयर

«Ayyim i beyyo waarookkok ixxi anniinsi, ixxi amaansi, ixxi areensi, ixxi oosiinsi, ixxi abbaayyuwwiinsi, ixxi aayyuwwiinsii ixxi gagiinsii lonsaa eese iittubeelas eese awwoneena xanooyyo.

Odim ayyi manchim ixxo lehonne afisoo hawwo iyyaa ballina ballina eese awwonoobee'ek i awwonaanchi iheena xanooyyo.

Mashka'oomim ixxi gaga iimiimaa'ookkok hundim sholle'ookko; ixxi gaga hoffiisookkok hundim lomba siixxookko» yukko.

Ee'isam ki'nnuwwiinsi ayyim ixxena yoo luwwi hundam urubeelas eese awwoneena xanooyyo.

Ki'nnuwwiinsi mat manchi kininne qeeraa'l mine baxeena hasuta'n hinkaa'n diinat ee minina hasisooda'e gaassaa shallagoobee'ek ayyette? Eehid issubeelas minooma baxeena amadaa lasage guullimma hoogoohaare moo'u manni hundim ‹Ku manchi mine baxeena asheerukko. Ihukkaarem baxaa guulleena xanukkoyyo› yukkuuyyi gadookko.

Ihukkaarem at maadda gudissoo ammane buxa, angi te'im lokki muramu keeno, shiihuwwaa qooqquwwaa weeshe. Ixxuwwi eekka kiina dabatta'a miqqeena xantambee'i bikkina at maasse'antootto. Eekka xummaan keen lehiinsi ki'llam ayyaamo Waa'i kiina miqookko» yukko.

Odim Yesuus ixxuwwina «Sooqid xee'oohane; ihukkaarem sooqixxek xee'n bi'uta'n hinkid issitakka'a xee'oo'isa issitakkamo? Eehido'i sooqid uulla harshiseenam awwaadoobee'i bikkina manni uunjookko. Qoossaa macceesoo macci yookkok macceesona» yukko.