luka 14से लोकप्रिय बाइबिल छंद

शेयर

ḏa gwete mila lugwi gwate madonye babaŋ gwuŋun na nanaŋ na gwa, na nyaɽe na lɩmegin lun liro la na lun liro ləmɩnyo na gwulo gwuŋun dino no, gwate gwəṯi ŋɩma gwaro ṯalɩmis ḏinyi no.

na gwun gwate gwaɽe luɽi luŋun lun lɩmalɩḏo ganu nilgwujane no, gwate gwəṯi ŋɩma gwaro ṯalɩmis ḏinyi no.

gi gwune gwun gwaṯɩbuḏi gwula gwuŋun gwadujini gwɩti, na gwun gwaṯɩtiene gwula gwuŋun gwabuḏane elo.

na dino gwate gwete lagalo, ḏa gwate mawalane ŋɩdi ŋuŋun wei no, gwate gwəṯi ŋɩma gwaro ṯalɩmis ḏinyi no.

na əḏi gwiro lagalo, na ŋu gwəmɩnyu gwuṯe ḏimɩlia gwate gwajiga gwerre ŋulḏuɽo ŋəri ŋəṯulo ŋun ŋeṯɩmijo na? na kaja gun gugiŋele jama nuate nuəṯi ŋɩma nuṯɩmi no, na wei lun laŋəḏi gwalaki jumo. nuleicɩno, gwiji kweno gwiḏeijo ga gwuṯe numɩni ate nuəṯi ŋɩma gwuṯɩmi no.

namɩni ḏa ŋa maŋele gɩmuri ŋaləmɩḏe lun late ləṯi ŋɩdio no, na ŋwuḏan na jɩbɩjo na lun lɩrimə gi jei; na ŋa gwəṯi ḏɩmoreḏa gi gwune late ləṯi ŋɩma ŋaŋalwəɽəṯɩjo no; na ŋalape gi lamon le ḏidiɽo gi ḏaiya ḏeḏi liji lun liŋir.

ŋwuco ŋiŋir; namɩni ḏa ŋɩmaicɩwe namɩni ŋanyalḏinyi a gwugwe? ŋate ŋiŋir minu no, na ŋate ŋiŋir kwɩnyəm i ŋɩɽaḏa ganu no. ŋaliḏeije kɩluḏo. gwun gwəṯi nəni neḏi diŋɩna nudiŋɩni.