खास चेलन 9से लोकप्रिय बाइबिल छंद

शेयर

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

अउर ऊँ भुँइ माहीं गिर परें, अउर इआ बोल सुनिन, कि “हे साऊल, हे साऊल, तूँ हमहीं काहे सतउते हया?” ऊँ पूँछिन; “हे प्रभू, अपना को आहेन?” तब ऊँ कहिन; “हम यीसु आहेन; जेही तूँ सतउते हया।

तब हनन्याह उठिके उआ घर माहीं गें, अउर उनखे ऊपर आपन हाँथ धइके कहिन, “हे भाई साऊल, प्रभू यीसु जउन उआ गइल माहीं जउने से तूँ आए हया, तोंहईं देखाई दिहिन रहा हय, उँइन हमहीं पठइन हीं, कि तूँ पुनि देखँइ लागा, अउर पबित्र आत्मा से भर जा।” अउर हरबिन उनखे आँखी से छिलका कि नाईं कुछू गिरा, अउर ऊँ देखँइ लागें, अउर उठिके बपतिस्मा लिहिन; ओखे बाद खाना खाइन तब उनखे देंह माहीं बल आबा।