MARIKI 7से लोकप्रिय बाइबिल छंद

शेयर

Miiriyajuguw bɛ bɔ mɔgɔ dusu le la. Olu le b'a to mɔgɔ bɛ kakalaya kɛ, a bɛ sonyali kɛ, a bɛ mɔgɔ faga. Olu le b'a to fana a bɛ nyamɔgɔya kɛ, a tɛ wasa, a ka jugu, a bɛ mɔgɔ nigɛ ka don koo la, a bɛ mɔgɔkolonya kɛ, a nyaa bɛ bɔ mɔgɔ ka fɛɛn fɛ, a bɛ mɔgɔ tɔgɔ cɛn, a b'a yɛrɛ bonya, a tɛ miiri. Kojugu nunu bɛɛ bɛ bɔ mɔgɔ dusu la, olu le b'a nɔgɔ.”

Mɔgɔ bɛ fɛɛn o fɛɛn don a daa la, o tɛ se k'a nɔgɔ, nga min bɛ bɔ a dusu la, o le b'a nɔgɔ. [

Yezu y'u jaabi ko: “Ezayi ye kiraya kuma min fɔ aw filankafɔw koo la, o bɛnna kosɛbɛ. A y'a sɛbɛn ko Ala y'a fɔ ko: ‘Mɔgɔ nunu bɛ ne bonya n'u daa dɔrɔn ye nga u dusukun yɔrɔ ka jan ne la.

U bɛ ne bato gwansan, bari u bɛ nyɔgɔn kalan koo minw na, o ye mɔgɔw ka sariya ye, ne ta tɛ.’ ”

Yezu y'a fɔ u ye k'u bɛ Ala ka sariyaw to yen ka mɔgɔw ka landaw labato.