LUKA 7से लोकप्रिय बाइबिल छंद

शेयर

Nĩ ũndũ ũcio ngũkwĩra atĩrĩ, Ũyũ-rĩ, nĩoherũo mehia make, namo nĩ maingĩ; tondũ nĩendanĩte mũno: no ũrĩa woheirũo manyinyi, nĩwe wendanaga o hanini. Agĩcoka akĩĩra mũndũ wa-nja ũcio atĩrĩ, Nĩwoherũo mehia maku.

Nake agĩcoka akĩĩra mũndũ-wa-nja ũcio atĩrĩ, Nĩ gwĩtĩkia gwaku gwatũma ũhonoke; thiĩ na ũhoro.

akĩrũgama na thutha wake, o nyarĩrĩ-inĩ ciake, akĩrĩraga-rĩ, agĩitĩka kũmũihũgia nyarĩrĩ na maithori make, agĩcoka agĩcirihũra na njuĩrĩ yake, akĩimumunya mũno, ningĩ akĩihaka maguta macio manungi wega.

o na nĩkĩo nyonire atĩ ndiagĩrĩirũo nĩ gũũka harĩ we niĩ mwene; no kiuge kiugo, nayo ndungata yakwa nĩĩkũhona. Nĩ gũkorũo o na niĩ ndĩ mũndũ wathagwo, na ndĩ na athigari njathaga; na ndera ũmwe, Thiĩ, nĩathiaga; na ndera ũngĩ, Ũka, nĩokaga; na ndera ngombo yakwa, Ĩka ũũ, noguo ĩĩkaga. Nake Jesu aaigua mohoro macio, akĩgega nĩ ũndũ wa mũndũ ũcio, akĩĩhũgũrĩra kĩrĩndĩ kĩrĩa kĩamũrũmĩrĩire agĩkĩĩra, Ngũmwĩra atĩrĩ, ndirĩ ndona gwĩtĩkia kũnene ũũ Isiraeli guothe.

Na thaa o ĩo, akĩhonia andũ aingĩ mĩrimũ yao, na ndũari iria ciamatuuragia mwĩrĩ, akĩingata ngoma njũru ciume andũ; o na agĩtũma andũ aingĩ atumumu macoke kuona. Nake akĩmacokeria akĩmera atĩrĩ, Thiĩi mũkere Johana maũndũ macio muonete, na marĩa mũiguĩte: atĩ arĩa atumumu nĩmacokete kuona; nao arĩa mathuaga magacoka gwĩtwara; nao arĩa marĩ na mangũ makahonio magathera; nao arĩa mataiguaga magacoka kũigua, nao arĩa makuĩte makariũkio; o nao andũ athĩni makahunjagĩrio Ũhoro-ũrĩa-Mwega.