LUKA 14से लोकप्रिय बाइबिल छंद

शेयर

Mũndũ angĩũka harĩ niĩ, na ndathũũre ithe na nyina, na mũtumia na ciana, na ariũ a nyina na aarĩ a nyina, o naguo muoyo wake mwene-rĩ, ndangĩhota gũtuĩka mũrutwo wakwa.

Mũndũ o wothe ũtegwĩkuuĩra mũtĩ wake wa kwambĩrũo anũmĩrĩre, ndangĩhota gũtuĩka mũrutwo wakwa.

Nĩ gũkorũo o mũndũ ũrĩa wĩtũũgagĩria nĩakanyihio; nake ũrĩa wĩnyihagia-rĩ, nĩwe ũgatũũgĩrio.

Hakĩrĩ ũguo-rĩ, mũndũ o wothe wanyu ũtangĩrekia indo ciothe iria arĩ nacio, ndangĩhota gũtuĩka mũrutwo wakwa.

Nĩ ũndũ-rĩ, nĩ mũndũ ũrĩkũ wanyu, akĩenda gwaka nyũmba ndaya na igũrũ, ũtangĩamba gũikara thĩ, agatare mbia iria cia kũmĩakithia, amenye kana arĩ na cia kũigana cia kũmĩrĩkia? Ekaga ũguo, gũtikae gũtuĩka atĩ, aarĩkia gwaka gĩtina kĩayo na aremwo nĩ kũmĩrĩkia, andũ arĩa othe marĩmĩonaga maitĩke kũmũthekerera, makiugaga atĩrĩ, Kaĩ mũndũ ũyũ nĩaambĩrĩirie gwaka nyũmba, akĩremwo nĩ kũmĩrĩkia-ĩ!

No rĩrĩ, waruga iruga-rĩ, ĩtaga ngĩa, na cionje, na ithua, na atumumu: nawe nĩũkarathimwo; nĩ gũkorũo matirĩ na kĩndũ gĩa gũgũthukĩra nakĩo: amu nĩũgathukĩrũo hĩndĩ ĩrĩa andũ arĩa athingu makariũkio.

Na rĩrĩ, cumbĩ nĩ mwega: ĩndĩ kũngĩkorũo o na cumbĩ nĩũthirĩte mũcamo waguo, wacoka gũcamithio ta cumbĩ na kĩ? Ndũrĩ bata, o na gwĩkĩrũo mũgũnda kana kĩara-inĩ, no gũteo ũteagwo nĩ andũ. Ũrĩa wĩ na matũ ma kũigua nĩakĩigue.