Suku-saakị 22से लोकप्रिय बाइबिल छंद

शेयर

Mie ḅụ Ebira-amụ ẹrẹ kẹ anịanga mẹ sịnm, Jihova-Jirẹ — anị fiearị ye “KỊNỊNYANAḄỌ Ḅe Pịrị Ḅa.” Paa mịmgba sọ tomi ḅẹẹarị, “KỊNỊNYANAḄỌ Ḅe tụndụ ọgọnọ ḅụ ọ̀ pịrịarị.”

Ọ̀ nwẹnị ọ̀ ḅẹẹ, “í owiḅọtụḅọ ḅe ọkịị, ị́ kpọkpọ gbọrụ owiḅọtụḅọ Ayịzịkị oriḅe tẹ ị́ ḅẹlẹma ḅọ ḅe, tẹ so Moraya ama mẹ mu tẹ anịjụ ọ̀ kẹ gbọrụ tụndụ tẹ à ḍuko ị́ pịrị ḅarịye ọgọnọ dọkịma-agba mịẹ.”

Tẹ enjẹlị ḅe nwẹnị ḅẹẹ, “Ị́ ḅara, anịanịa gberie-sọ kẹ tụḅọ ḅe lama ma, kẹ gotẹ ọkọ ḅẹẹarị, mẹkịnẹ à nimi tẹ mịnẹ ị́ Tamụnọ ḍiki-ḅalafarị, tẹ tọrụ-gelegele í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ọ̀ kẹ ị̀ pịrị ḅụ.”

Ebira-amụ nwẹnị pakịrị, “Tamụnọ ḅara na gbọrụ asambịrịma anana kẹ wa pịrị tẹ wa kẹ dọkịma-agba mẹ mịẹ ḅa, ị̀ tụḅọọ.” Mie ḅụ ini maa apụ ma gbọrụ ḅụọ kẹ mum.

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa, tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

Mịna aị ma ḅọrọ fama tẹso, Tamụnọ Ebira-amụ daaḍikim, tẹ ọ̀ ḅẹẹm, “Ebira-amụ!” Ọ̀ nwẹnị pakịrị, “Mie yẹrị mịanga.”

Kụma KỊNỊNYANAḄỌ ḅe enjẹlị nwẹnị So-ḅio sime tẹ ọ̀ sịn, “Ebira-amụ! Ebira-amụ!” Ọ̀ nwẹnị pakịrị, “Mie yẹrị mịanga.”

Tẹ KỊNỊNYANAḄỌ ḅe enjẹlị nwẹnị So-ḅio maaịn karama sakị kẹ Ebira-amụ sịn, tẹ ḅẹẹ, “KỊNỊNYANAḄỌ ḅe ḅarana ḅẹẹm, í miemẹ mịẹm, tẹ í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ẹrẹsị

Ịn ḅo anịanga mẹ tẹ Tamụnọ ḍuko ọ̀ pịrị anga mẹ la tẹso, Ebira-amụ nwẹnị gbọrụ agbamịẹ-anga nama tẹ pakịrị ma kẹ fịnị tọnọ ḅara tẹlẹma anị ọgọnọ, tẹ nwẹnị ọ̀ tụḅọ Ayịzịkị fịna tẹ kẹ edeni mẹ ọgọnọ dẹẹ wararị pakịrị ma ọgọnọ gbana.