Suku-saakị 17से लोकप्रिय बाइबिल छंद

शेयर

Ebiramụ sịḅị gbọrụ kụra ofori kụra sọnọa si ḅọrọ tẹso, KỊNỊNYANAḄỌ ḅe amịna ḅụụ pakama Ebiramụ ḍiem, tẹ ọ̀ ḅẹẹm, “Yẹrị anie Kụrọmamgba Nyana Tamụnọ ḅẹ. Ị̀nịna gbọrụ ḅụ mẹnjị tẹ ị̀ ḅịḅị pokii, tẹ sakị mamgba karakara mịẹẹ.

Ị́ ẹrẹ ḅarị jen-maaịn kẹ Ebiramụ sọ ḅịa, kụma ị́ fị ḅarị ẹrẹ anie Ebira-amụ; kẹ gotẹ ọkọ ḅẹẹarị, àrị ị́ kẹ ḍaḅọ mịẹ opu asịẹ ogbo pịrị tẹ.

“Àrị ị̀ ọḅọkụ mịẹ pakama ḅa yẹrị na ị́yẹrị na í furo-ḅẹ-apụ na ogboku, anị sime gbamaso ọḅọkụ ḅara ḅụ sime ịna ḅụọ-ḅẹ-atomi pịrị ḅa. À Tamụnọ sọ ị́yẹrị na í furo-ḅẹ-apụ na pịrị ḅa.

“Ḍikii, ị̀ ọḅọkụ mẹ ị́ na emi, anịsakị ị́ ḍaḅọ sọ opu asịẹ ogbo pịrị ḅa.

Tamụnọ nwẹnị Ebira-amụ ḅẹẹ, “Ẹn-ẹn. Ị́ ta Sera gbọrụ owiḅọtụḅọ iyi ị́ pịrị ḅa, tẹ ị́ kẹ ọ̀ sịn ḅarị ẹrẹ Ayịzịkị. Àrị ị̀ ọḅọkụ mẹ mịẹ pakama ori na ò furo-ḅẹ-apụ na pịrị ḅa, anie sime gbamaso ọḅọkụ mẹ.”

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Anịtẹso Ebira-amụ nwẹnị ọ̀ tọrụkuḅu kẹ ḅịkị kiri-ḅio koro tẹ ḍẹrị, tẹ amịna ḅụụ ḅẹẹ, “Owiḅọ tẹ kụra sọnọa si sịḅị ḅụ ḅọrọtẹ owiḅọ ịn pịkị tụḅọ iyi ọ̀ pịrị ḅẹ? Sera ma tẹ kụra inia si oyi finji sịḅị ḅụ ḅọrọtẹ ẹrẹḅọ ma pịkị fura ḅẹ?”

Tamụnọ nwẹnị Ebira-amụ ḅẹẹ, “Ị́ ta Sẹrayị kụma, ị́ ḅarị Sẹrayị kẹ ẹrẹ kẹ á sịn ḅịa, kụma Sera mie á fị ḅarị ẹrẹ.

Ọmịna oju meni ḅụ ọmịnị ọmịna tarị-ḅụụ sin ḅa, anịsakị anị yẹrị na, ọmịnị na ogboku ḅẹ ọḅọkụ mẹ ḅẹ elekima sọ ḅa.

Kụma Ayịzịkị ori ḅe tẹ Sera jen kụra nwẹn pembe sakị ḅụ iyi ị́ pịrị ḅarị ḅọ ḅe ḅụụ mie àrị ị̀ ọḅọkụ mẹ mịẹ-pakama ḅarị ye.”

Ọmịna ogbo-ḅio, ḅụọ-fa-ḅụọ-paka, iyi tẹ nine aḍin sịḅị ḅụ ḅọrọtẹ owiḅọtụḅọ goḅọ-goḅọ tarị ḅụụ sin ḅa, í warị ḅio iyi ḅọ, anịanịa igoniḅọ tẹ ị́ ḅụụ ḅụ paka-ḅo-a tẹ ị́ igbigi kẹ fẹẹ ḅọ sọ, ori ḅe tẹ ị́ warị ḅio iyi ḅọ ḅe na, ori ḅe tẹ í igbigi kẹ fẹẹ ḅọ ḅe na, tarị-ḅụụ sin ḅa. Mị-ḅara mie ị̀ ọḅọkụ mẹ ọmịna meni ḅụ sime-gbamaso ọḅọkụ sọ ḅarị ḅara.