युहुन्‍ना 17से लोकप्रिय बाइबिल छंद

शेयर

खे़ङ्‌हाॽ से़क्‍खाःल्‍ले़ सेसेसाङ्‌साङ् चोगे़से़ॽओ॥ खे़ने़ॽ पेलिगे़न् के़बाःन्‍जाक्‍किङ्‌ग से़क्‍खारो॥

खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥

इङ्‌गाॽग खे़ङ्‌हाॽरे़ खुनिॽ लागिरक् मेःन्, कर खे़ङ्‌हाॽरे़ इङ्‌भन्‌ मे़जोगुबालाम् इङ्‌गाॽओ नसान् के़जोःक्‍पाहाॽरे़ खुनिॽ लागिआङ् तुवा चोःक्‍कारो॥ पानुदिङ् आम्‍बे, खे़ङ्‌हाॽ काक् थिक्‍हुप् मे़बोङ्‌ल फाॽआङ् तुवा चोःक्‍कारो॥ इङ्‌गाॽ खे़ने़ॽओ हे़क्‍क्‍याङ् खे़ने़ॽ इङ्‌गाॽओ के़वाॽबा कुइसिक् खे़ङ्‌हाॽआङ् आन्‍छिॽओ मे़वाॽररो॥ हे़क्‍क्‍याङ् इक्‍सादिङ् खाम्‍बेःक्‍मोबा मनाहाॽरे़ इङ्‌गाॽ के़बाङ्‌घाङ्‌बा फाॽआङ् नसान् मे़जोगुररो॥

खे़ङ्‌हाॽ इक्‍सादिङ् खाम्‍बेःक्‍मोलाम् तेॽरे़से़ॽ फाॽआङ् पेलिगे़न् तुवा मे़जोक्‍कान्, कर कुॽइगे़भे़ॽबा माफे़न्‍साम्‍मोलाम् खे़ङ्‌हाॽ ताङ्‌से़ःप्‍ते़से़ॽओ॥

आन्‍छिॽ कुइसिक् खे़ङ्‌हाॽ थिक्‍हुप् मे़बोङ्‌ल फाॽआङ् खे़ने़ॽ के़बिराङ्‌बा मिमिदिङ्‌ङिन् खे़ङ्‌हाॽ पिरुङ्‌सिङ्‌ङाङ् वाॽआरो॥ इङ्‌गाॽ खे़ङ्‌हाॽनु थिक्‍हुप् वाॽआबा कुइसिक् हे़क्‍क्‍याङ् खे़ने़ॽ इङ्‌गाॽनु थिक्‍हुप् के़वाॽबा कुइसिक् खे़ङ्‌हाॽ कुजे़क् थिक्‍हुप्‍पो मे़दाररो॥ खे़ल्‍ले़चोगुल्‍ले़ इक्‍सादिङ् खाम्‍बेःक्‍मोबा मनाहाॽरे़ इङ्‌गाॽ के़बाङ्‌घाङ्‌बा नु लुङ्‌माॽ के़दुक्‍ताङ्‌बा कुइसिःक्‍के खे़ङ्‌हाॽ लुङ्‌माॽ के़दुक्‍तुसिबान् कुसिङ् मे़निःत्तुररो॥