Lukka 3से लोकप्रिय बाइबिल छंद

शेयर

Anakka ul wocceret mamuthie appik oIeccuo poccathe mamuthie cakuruk. Anakka kwokat cik akwaꞌra ngaꞌrama arothiꞌrot anyat. AKanang ikupupure uat ntan naak kungkot cülükkür. Apoꞌre akkakat ntoKapik apiꞌre itti, “Oung ukul win ia mpongothe ana mpopiranet noka.”

AIuanna iꞌrekat kin appik itti, “Mpethet non mamuthie ngngꞌri, anaruk okkwi iponu puꞌran cannan nnaun panthan, mpakannekko nan manna itti mpakꞌro loꞌrak lowok wung. Kwethet non mamuthie ngKanang ikupupure ana nthik thothakkma.

Nokkot ngre iakene itti onon thopaꞌrinet lon ilokithak cik. Nokorronno omet kakon itti, ‘Onïn nyukul nyAprein.’ Mpiꞌret non itti Kapik kina oprtto mothok emmi cik amokakat nyukul nyAprein.

Nantoccïkot, pul ipathio ponekkethe kïnyït kocemeke nolaka lokira. Ana pira ipakorronno okwono nyukul nyoporot, pakeccat cik aporrettakat icꞌrot.”

Ammakka lokurrakot iatham wolon loIccaia pul pothernte lon loKapik itti, “Poꞌre popul paik pakkakkaro nti ithampang itti, ‘Nokuccenthet Ili kathar noceꞌrenthok athar cik. Lupuꞌru lonu itti laꞌruntettat ana moꞌrong arppippithietta ana cik ica thorokokkok opeꞌriccakot cik Athar iompaꞌrot cik wanceꞌriettat cik ana athar ionu muꞌrol tit wapekietta. Ana thoꞌret thoKapik thaul ionyi imma appik.’”