Jenesis 9से लोकप्रिय बाइबिल छंद

शेयर

Mo hem i talem se, “Promes ya blong mi we mi mekem long yufala, bambae hem i no save finis samtaem, mo saen blong hem bambae i olsem. Bambae mi putum renbo blong mi i stap long klaod, mo renbo ya bambae i saen blong promes ya blong mi, we mi mekem long yufala.

Sipos renbo i kamaot long klaod, bambae mi luk, nao mi save tingbaot promes ya blong mi we mi mekem long yufala. Promes ya blong mi bambae i no save finis samtaem.”

Man we i kilim narafala man i ded, ol man ples blong hem oli mas kilim hem i ded, from we mi mi mekem we man i tekem fasin blong mi, i olsem mi.

Nao God i blesem Noa wetem trifala pikinini blong hem, mo i talem long olgeta se, “Yufala i mas gat plante pikinini, blong bambae wol ya i kam fulap long olgeta.

Fastaem, mi mi givim ol kakae nomo long yufala blong yufala i kakae, be i stat naoia, mi givim ol samting ya tu long yufala, blong oli kam mit blong yufala blong kakae.

Olgeta anamol blong wol ya, wetem olgeta pijin mo olgeta fis bambae oli fraet long yufala. Olgeta samting ya oli stap long han blong yufala.

“Yufala i mas gat plante pikinini blong yufala, mo ol pikinini blong yufala oli mas gat plante pikinini blong olgeta bakegen, blong oli kam fulap long wol ya.”