Lii Lolo dhu Uru Tèka 12से लोकप्रिय बाइबिल छंद

शेयर

Èèna na, Jaꞌa hia mèngi-nale mi èu. Aa ana-èpu èu, èèna na, bèba-kacanga, jꞌajꞌi suku dhu kapai, toke dhèu tadhe kolongara èu. Ho bèli-camèdꞌa, èu jꞌajꞌi berkat hia dhèu leo kahèi. Èèna na, Jaꞌa hia berkat mi dhèu dhu hia berkat mi èu. Te ngaa Jaꞌa huku dhèu cee dhu dhoo èu. Nanene paie! Pe èèna na, dhèu aaꞌi-aaꞌi ètu rai-haha ne abhu berkat lula èu.”

Lodꞌo èèna, LAMATUA peka le dènge Abram, peka na, “Abram! Èu pakèdꞌi nèti era èu ne, tèke eele ina-ama èu, èmu ina-ama mu, dènge rae-lesa èu. Lamu asa era èci, dhu pe Jaꞌa peka dènge èu.

Lodꞌo èèna, umur Abram 75 (pidhu nguru lèmi) tèu. Na nèti dhèu èmu na Sarai, aa dènge ana ari na, Lot, dènge mèdha-panyau ra aaꞌi-aaꞌi, aa dènge dhèu sabꞌa na aaꞌi-aaꞌi dhu na abhu ètu kota Haran. Hèia Abram si lasi ka, tèke eele kota Haran, asa era dhu LAMATUA peka le dènge ne. Ka ra kako taruu, dꞌai rai èci, ngara na Kanaꞌan.

Ètu era èèna ka, LAMATUA padꞌelo iisi Na mi Abram, peka na, “Èèna na, Jaꞌa hia ana-èpu èu rai neꞌe ne.” Ka Abram pudhi hadhu tao mei korban hia LAMATUA dhu padꞌelo iisi Na dènge nèngu ètu era èèna.