Mateo 16से लोकप्रिय बाइबिल छंद

शेयर

Ne zutun migkag̵i si Jesus diyà te menge sumusundan din te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan ke iyan ibpatey zin. Ne human ebpekesunud kedì.

Ne tenged kayi egeraran ku sikew ki Pedro, he ke và dà egkeg̵iya, batu. Ne iring te vatu is edtukuzan ku te iglisya ku, he ke và dà egkeg̵iya, is menge etew he edtuu kediey. Ne minsan is gehem te kemetayen, ne kenà ebpekezaag kandan.

Ne idsarig ku kenikew is kebayàbayà emun edhadì is Megbevayà he ziyà te langit. Ne kinahanglan he is idawey nu zini te kelibutan, indawey en he zaan te Megbevayà he ziyà te langit; ne is idtug̵ut nu zini te tanà, intug̵ut en he zaan te Megbevayà he ziyà te langit.”

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he edsunud kedì, minsan ke ibpatey zin pa, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Minsan ke maangken pa te etew is tivuuk he kelibutan, wazà pulus diyà te kandin ke kenà sikandin egkeveg̵ayan te untung he wazà pidtemanan, su wazà minsan hengkey he azen he igkeliwè din wey zin maangken is untung he wazà pidtemanan.

Ne ke si Jesus te, “Ne sikiyu zaan, hentei e man sumalà te ked-isipa niw kediey?” Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Ne migkag̵i si Jesus te, “Simon, anak ni Juan, midtuvazan ka te Megbevayà su wazè nu metueni heini pinaag̵i te etew, kekenà, impinted kenikew te Amey ku he ziyà te langit.