Johana 15से लोकप्रिय बाइबिल छंद

शेयर

“Nĩ niĩ mũthabibũ, na inyuĩ mũrĩ honge. Ũrĩa wothe ũgũikara thĩinĩ wakwa, na niĩ thĩinĩ wake, nĩarĩciaraga matunda maingĩ, amu mũtirĩ ũndũ mũngĩhota gwĩka mũtarĩ hamwe na niĩ.

Ikaragaai thĩinĩ wakwa, na niĩ nĩndĩrĩikaraga thĩinĩ wanyu. O ta ũrĩa rũhonge rũtangĩhota gũciara matunda rũtarĩ mũthabibũinĩ, ũguo noguo o na inyuĩ mũtangĩhota gũciara matunda mũtaikarĩĩte thĩinĩ wakwa.

No mwaikara thĩinĩ wakwa nacio ciugo ciakwa ciikare thĩinĩ wanyu, nĩmũrĩĩkagĩrwo ũndũ o wothe ũrĩa mũrĩhooyaga.

Ti inyuĩ mwathuurire; nĩ niĩ ndamũthuurire na ngĩmũtũma mũthiĩ mũgaciare maciaro maingĩ marĩa magũtũũra. Naake Awa nĩarĩmũheaga kĩrĩa gĩothe mũrĩmũhooyaga thĩinĩ wa rĩĩtwa rĩakwa.

Gũtirĩ mũndũ wĩ na wendani mũnene gũkĩra ũyũ atĩ mũndũ no arute muoyo wake nĩ ũndũ wa araata aake.

Rũhonge o ruothe rwĩ thĩinĩ wakwa rũtaciaraga matunda arũtinagia akarute, naruo rũrĩa ruothe rũciaraga nĩarũceehaga nĩ geetha rũciarage matunda maingĩ.

Narĩo rĩathani rĩakwa nĩ rĩĩrĩ: Endanagaai mũndũ na ũrĩa ũngĩ o ta ũrĩa niĩ ndĩmwendeete inyuĩ.

Ũndũ ũrĩa ũngĩgoocithia Awa no mũciarage matunda maingĩ, naguo ũndũ ũcio nĩũrĩonanagia atĩ mũrĩ arutwo aakwa.

“Niĩ nĩ niĩ Mũthabibũ ũrĩa wa ma, naake Awa nĩ we mũrĩmĩri.

Ũrĩa wothe ũtegũikara thĩinĩ wakwa nĩegũteeo, oome o ta rũhonge; honge ta icio ciũnganagio igaikio mwakiinĩ ikahĩa.

“Ndamwĩra maũndũ macio nĩguo mũgĩe na gĩkeno ta kĩrĩa ndĩ nakĩo, na nĩ geetha gĩkeno kĩanyu gĩkinyanĩre.

Na rĩĩrĩ, mwathĩkĩra maathani maakwa, nĩmũrĩikaraga wendoinĩ wakwa o ta ũrĩa niĩ njathĩkĩire maathani ma Awa ngaikara wendoinĩ wake.

Ndakĩmwatha atĩrĩ: Endanagaai mũndũ na ũrĩa ũngĩ.

Korwo mũrĩ a thĩ, andũ no mamwende. No tondũ inyuĩ mũtirĩ a thĩ, na nĩndĩmũthuurĩĩte kuuma gũũkũ thĩ, nĩkĩo andũ a thĩ mamũmeneete.