NASEPTE 1से लोकप्रिय बाइबिल छंद

शेयर

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

Isu’n a kawm u ah, “Pa’n a hun leh a ni chuh amah thu thu a a guot a hi a, nanguh het ding ei puoi.

A kawm u a a um sung chun, hiti hin thu a pie a: “Jerusalem khuo taihsan kiu inla, Pa thil tiem, na kawm u a ka gen kha na ngak zing un. Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

Zie sawlchakte kawm achun dahum chuh a thuok nung in hetna tamtak in hing in a ki-etsak a, ni sawmli zet a kawm u ah a kilak a; Pathien gam thu a gen sek.

Chun, zie thu haw chuh a gen zawhin, a muh zing sau in van a puih toh in a um ta a, tichun, meipi’n a muhphak loh u ah a puito ta a.

A kal toh laia van lam en a a din pet un, mi nih puon vam silh in a kieng u ah a hung ding u a; zie mi nih te chun, “Galili gama mite haw, bang dinga van lam en a ding zing na hiu hi? Zie Isu, na kawm u apat van a puih toha um hi, van a kal na muh guol mah u hin, amah mawng hi hungkit ina,” a tiu a.