Hixkaryana - Brazil; 1976 WBT Non-Drama (NT)

Hixkaryana - Brazil; 1976 WBT Drama (NT)

<div class="version vid587 iso6393hix" data-vid="587" data-iso6393="hix">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s1">&#192;me rye rma t&#224;mryenon komo yowakryehe Khoryenkomo katxh&#224;r&#224; on ha.</div><div class="p"> 1Kuknonano me n&#224;rwon&#224;mye xarha t&#224;, Txesusu. &#192;sok hana akayaryet kom me nay ha, Khoryenkom ha, kekon hat&#224;. Anotomano ynye wyaro nay ham&#224;. On&#224; wyaro nehxakon hat&#224;, horykomo, tanoto kom hoko. Enmahr&#224; ro toy hat&#224;, tanoto kom hor&#224;, t&#224;nat&#224;r hokon kom hor&#224;, kekon hat&#224;, Txesusu. 2T&#224;wya nyamoro yonyetxhe, n&#224;nyahtxown&#224; hat&#224;, t&#224;nat&#224;r waka, &#224;hoko ehtxoho menye. Ronat&#224;r hoko atamohtxoko, amnye rma, kekon hat&#224;. &#192;kokmam&#224;txhe, 1 txenyeru w&#224;myaha, owyanye, ayatamoketxhet komo, kekon hat&#224;. &#192;na ham&#224;, 1 txenyeru m&#224;myan ham&#224;, amna wya, ketxkon hat&#224;, nyamoro ha, kekon hat&#224;, Txesusu. 3&#192;ro rma ho, kam&#224;m&#224; yasawnuknutoko rma, anar komo yonyey hat&#224;. Owto rakatawo nehxatxkon hat&#224;, &#224;hokohra mak hat&#224;. 4Omnyam xarha, ronat&#224;r&#224; waka &#224;totxoko, &#224;hoko oyehtxoho menye, kekon hat&#224;, &#224;wyanye. &#192;kokmam&#224;txhe, ayatamoketxhet komo w&#224;myaha, owyanye, kekon hat&#224;, horykomo. &#192;ro ke totxown&#224; hat&#224;, kekon hat&#224;, Txesusu. 5Kam&#224;m&#224; thataw ehtoko, anar komo yanotomay xarha t&#224;. &#192;ro wyaro rma rha, kokonye ehtoko, anar komo xarha yanotomay hat&#224;, kekon hat&#224;, Txesusu.</div><div class="p"> 6Awanaka haxa anar komo yonyey hat&#224;. &#192;hokohra nehxatxkon hat&#224;. &#192;sok tawro &#224;hokohra mahtxoko, amnye rma, kekon hat&#224;, &#224;wyanye. 7Amna yanotomahra nahtxoko, anar komo, ketxkon hat&#224;. &#192;ro ke &#224;hokohra amna nahko, ketxkon hat&#224;. Omnyam xarha, ronat&#224;r&#224; waka &#224;totxoko, &#224;hoko oyehtxoho menye, kekon hat&#224;, &#224;wyanye, kekon hat&#224;, Txesusu.</div><div class="p"> 8Kokmamt&#224;hkay hat&#224;. &#192;kokmam&#224;txhe rma, on&#224; wyaro nkekon hat&#224;, horykomo, tanoto komo yoh&#224; wya. Atamohxemotho komo anyehko, owya &#224;txenyerun komo y&#224;mtoho me, kekon hat&#224;. Wahoro htxero, mahtukme atamohxemotho komo wya ehemako, atamoketxhet komo. Mahyakanye, wahoro atamohxemotho komo wya ehemako, kekon hat&#224;, horykomo, kekon hat&#224;, Txesusu.</div><div class="p"> 9&#192;ro ke nehemay hat&#224;, &#224;wyanye. Awanaka omohxemotho komo wya htxero nehemay hat&#224;. 1 txenyeru y&#224;mye hat&#224;, &#224;wyanye, kekon hat&#224;. 10Enmahr&#224; ro omohxemotho komo nomohtxown&#224; haxa hat&#224;. On&#224; wyaro nehutwetxkon hat&#224;, nyamoro ha. Tkokmamnohtxow&#224;, &#224;ro ke eho nyhe nehemen ham&#224;, k&#224;wyanye, ketxkon hat&#224;, t&#224;wyanye rma. 1 me rma rha n&#224;mye hat&#224;, &#224;wyanye xarha, kekon hat&#224;, Txesusu. 11&#192;ro ke n&#224;rwonatxkon hat&#224;, nyamoro ha, horykomo hoko. On&#224; wyaro nketxkon hat&#224;, &#224;wya. 12Anar komo wya ehematxho wyaro rma rha meheman ham&#224;, amna wya xarha, ketxkon hat&#224;, &#224;wya. Nyamoro ryhe, mexehra natamohtxow&#224;. Amna haxa ryhe, enmahr&#224; ro amna natamoknyo, tkokmamnohso ro. Kam&#224;m nawo rma haxa amna nahko, tamotohso ro. &#192;sok tawro eho nyhe t&#224;mp&#224;ra mahko, amna wya, ketxkon hat&#224;, kekon hat&#224;, Txesusu.</div><div class="p"> 13On&#224; wyaro nkekon hat&#224;, horykomo, ukukur komo wya. Hoymo y, oyonkuhtohra ro mak wahko, kekon hat&#224;, &#224;wya. 1 txenyeru w&#224;myaha, owyanye, &#224;kan haxa hawe, owyanye, kekon hat&#224;. &#192;na ham&#224;, 1 txenyeru m&#224;myan ham&#224;, amna wya, m&#224;katxow&#224;, rowya. &#192;ro wyaro kahra kat mahtxoko, kekon hat&#224;, horykomo, kekon hat&#224;, Txesusu. 14-15Ahohtxoko rma, ayatamoketxhet komo, 1 txenyeru rma, kekon hat&#224;. &#192;me rye rma t&#224;mr&#224; xe wehxaha, owyanye, nyamoro wya xarha, kekon hat&#224;. Rano me rohra kat w&#224;myano, rotxenyerun hoye, kekon hat&#224;. Thenyehra rowya t&#224;mn&#224;toko, ohxehra kat wehxano, owyanye, kekon hat&#224;. Ahohtxoko rma. Owyanye ahos&#224;txhe rma, &#224;totxoko, kekon hat&#224;, horykomo, kekon hat&#224;, Txesusu.</div><div class="p"> 16&#192;ro wyaro rma rha, &#224;me rye rma t&#224;mryenon komo yowakryehe, Khoryenkomo, kekon hat&#224;. &#192;ro wyaro rma rha, anar komo yosnakan uro kany komo ryhe, wahoro htxero towakryexem me natxhe hamp&#224;n&#224;. Anar komo yohon uro kany kom haxa ryhe, mahtuk me towakryexem me natxhe hamp&#224;n&#224;, kekon hat&#224;, Txesusu.</div><div class="s1">Txesusu wya twayehtoho yokarymatxh&#224;r&#224; on ha.</div><div class="p"> 17Xerusaryen hona tetxkon hat&#224;, Txesus komo. T&#224;ton&#224;r kom me, t&#224;nhanan&#224;hr&#224; ro komo yar&#224;y hat&#224;, Txesusu, toto komo hyaye. 12 komo rma yar&#224;y hat&#224;. Asama yarye t&#224;tontokonye rma, on&#224; wyaro nkekon hat&#224;, &#224;wyanye.</div><div class="p"> 18Xerusaryen hona t&#224;tetxow ham&#224;, kekon hat&#224;. Tahohsosom me mp&#224;n&#224; naha ha, Toto me Enusaho, Xuknewyana yoh komo wya, Khoryenkom m&#224;n yonye ro yoh komo wya, &#224;yweron&#224;hyamano ynye ro komo wya xarha. Nyamoro ryhe, twayehkahorye naha ketxhe hamp&#224;n&#224;, noro hoko, kekon hat&#224;, Txesusu.</div><div class="p"> 19Nahohsetxhe xarha hamp&#224;n&#224;, Xuknewyanahn&#224; komo wya. Nyamoro rma newnohyatxhe hamp&#224;n&#224;. N&#224;hpokyatxhe xarha hamp&#224;n&#224;, kekon hat&#224;. Yahkotohen hona namoyathetxhe xarha hamp&#224;n&#224;. Twayh&#224;txhe, nasan&#224;myaha harha hamp&#224;n&#224;, noro ha. Osorwawo ro enmah&#224;txhe, nasan&#224;myaha harha hamp&#224;n&#224;, kekon hat&#224;, Txesusu.</div><div class="s1">Txaku komo yon&#224; wya uro enytxako katxh&#224;r&#224; on ha.</div><div class="p"> 20Txesusu hyaka nomokye hat&#224;, Txaku yon&#224;, Xowaw yon&#224; rma. Sekmeknew muru komo rma nyamoro ha, Txaku komo. Nyamoro yakoro rma nomokye hat&#224;, &#224;yon komo, Txesusu hyaka. Noro yakrataka neryewtay hat&#224;, tosoknar ho, ehonomn&#224; me t&#224;wya xeny&#224;r ke. N&#224;rwon&#224;mye hat&#224;, akoro. Uro enytxako, kekon hat&#224;, &#224;wya. 21Eten xe manaye, kekon hat&#224;, Txesusu, &#224;wya. Eten xe manaye. On&#224; wyaro neyukye hat&#224;, wos&#224;. Toto komo kayaryet me mosonyhen hat&#224;, amnye ha, kekon hat&#224;. Ehonomn&#224; me xaxa mosonyhen hat&#224;. Ehonomn&#224; me rma rha romryer&#224; komo yeny&#224;r xe wehxaha, owya, kekon hat&#224;. Toto komo kayaryet me harha oyehtoko, on&#224; wyaro kasko, moxamo wya, romryer&#224; komo wya. Rohanaka eryewtatxoko, omoro howehehra, omoro xarha howehe, kasko, &#224;wyanye, owyaro rma rha ehonomn&#224; me ehtxoho menye, kekon hat&#224;, Txaku komo yon&#224;, Txesusu wya. 22On&#224; wyaro haxa neyukye hat&#224;, Txesusu. &#192;na mat&#224;, rohanawo toto yehtxoho hutwahra ro mak manaha ha, kekon hat&#224;. Rowyaro rma rha eryewhamnohxemo komo ryhe, ehonomn&#224; me harha natxhe hamp&#224;n&#224;, rohanaw harha, kekon hat&#224;, wos&#224; wya. Ryeryewhamtoho wen&#224;mt&#224;hkehe hamp&#224;n&#224;, kekon hat&#224;, Txaku komo wya. Toto wya twokru yont&#224;hkantokono wyaro, ryeryewhamtoho wen&#224;mt&#224;hkehe hamp&#224;n&#224;. Rowyaro rma rha kat&#224; men&#224;mt&#224;hketxow&#224;, oyeryewhamtoho komo, kekon hat&#224;. &#192;h&#224;, amna nen&#224;mt&#224;hkehe, ketxkon hat&#224;, Txaku komo. 23Yaworo m&#224;ketxhe, kekon hat&#224;, Txesusu. Rowyaro rma rha oyeryewhamtoho komo men&#224;mt&#224;hketxhe hamp&#224;n&#224;. En&#224;mt&#224;hkanyenh&#224;r&#224; rma yeryhera mak wehxaha, uro, ehonomn&#224; me harha, rohanaka harha, kekon hat&#224;. &#192;sok tawro hana. Roy&#224;m&#224; nwahanonkatxho komo ryhe, rohanaka texem me natxhe hamp&#224;n&#224;, kekon hat&#224;, Txesusu, Txaku komo wya.</div><div class="p"> 24T&#224;wyanye Txaku komo rwon&#224; yonytxatxhe rma, ewakh&#224;ra nehxatxkon hat&#224;, ukukur komo. Txesusu nhanan&#224;hr&#224; ro komo rma rha nyamoro ha, 10 komo rma. Tkukur kom hoko, 2 kom hoko rma, ewakh&#224;ra nehxatxkon hat&#224;. Kohonye nyhe ehonomn&#224; me tesn&#224;r komo xe natxow ham&#224;, moxamo, ketxkon hat&#224;, Txaku kom hoko.</div><div class="p"> 25T&#224;hyaka haxa nanyehtxown&#224; hat&#224;, Txesusu. On&#224; wyaro nkekon hat&#224;, &#224;wyanye. &#192;sok hana natxow ha, toto kayaryet kom ha, anaro rha yana kayaryet kom ha, kekon hat&#224;. Ehonomn&#224; me rma haxa natxow ham&#224;, t&#224;mryenon komo yoho rma haxa mak ha. T&#224;mryenon&#224;th&#224;yamo rma yanotometxow ham&#224;, ehonomn&#224; komo. Tan&#224;hnohso ro nanotometxow ham&#224;, kekon hat&#224;, Txesusu, t&#224;nhanan&#224;hr&#224; ro komo wya. 26-27Omnyam haxa ryhe, nyamoro wyarohra mp&#224;n&#224; ehtxoko. Ehonomn&#224; me oyesn&#224;r komo xe oyehtokonye, okukur komo yanoto me xaxa mp&#224;n&#224; ehtxoko, kekon hat&#224;. 28&#192;ro wyaro rma rha wehxaha, uro, Toto me Enusaho. Anotomano ynye mehra mak komokye. Toto komo yanoto me haxa ryhe komokye, kekon hat&#224;. Toto komo yonyhoryeny me ryhe komokye. Rano me ro rma kwayehyaha hamp&#224;n&#224;, rowya enyhoryetxho menye. Anh&#224;n komo hyaye towtoho komo wehemehe, rowayehr&#224; ke, kekon hat&#224;, Txesusu, t&#224;nhanan&#224;hr&#224; ro komo wya.</div><div class="s1">Enhunu rotho komo yontan&#224;h&#224;th&#224;r&#224; on ha.</div><div class="p"> 29Taa. Xeryko hoye tetxkon hat&#224;, Txesus komo. Akoronye tetxkon hat&#224;, toto komo, thenyenohn&#224; komo.</div><div class="p"> 30Asama yahetawo nehxatxkon hat&#224;, toto, asako. Enhunu ro rma mokyam nehxatxkon hat&#224;. T&#224;hyahanye Txesusu ton&#224;r&#224; yonytxatxown&#224; hat&#224;. &#192;ro ke n&#224;rwon&#224;mtxown&#224; hat&#224;, teryewrye ro. Ha y, ketxkon hat&#224;, Dafe heno yoham&#224;tho omoro hat&#224;. Amna hn&#224;n yawo exko, ketxkon hat&#224;. 31Neytxown&#224; mak hat&#224;, toto komo. Tat&#224;knye ehtxoko, ketxkon hat&#224;, &#224;wyanye. Tat&#224;knye ehtxoko. Thenyehra n&#224;rwonatxkon hat&#224;, enhunu ro komo, teryewrye ro rma haxa mak hat&#224;. Amna yoh&#224; y, Dafe heno yoham&#224;tho omoro hat&#224;. Amna hn&#224;n yawo exko, ketxkon hat&#224;.</div><div class="p"> 32Kr&#224;k, horohye hat&#224;, Txesusu. Nanyehtxown&#224; hat&#224;, t&#224;hyaka. &#192;sok oyny&#224;r komo xe manatxow&#224;, rowya, kekon hat&#224;, &#224;wyanye. 33Amna yoh&#224; y, amna yontan&#224;hr&#224; xe amna naha, owya, ketxkon hat&#224;, &#224;wya. 34&#192;hn&#224;n kom yawo rma haxa nehxakon hat&#224;, Txesusu. &#192;ro ke, enur komo yahey hat&#224;. &#192;wya ahetxhe rma, tonke harha nehxatxkon hat&#224;. Noro yakoro totxown&#224; hat&#224;.</div>
 </div>
 </div>
</div>

Kuknonano me nàrwonàmye xarha tà, Txesusu. Àsok hana akayaryet kom me nay ha, Khoryenkom ha, kekon hatà. Anotomano ynye wyaro nay hamà. Onà wyaro nehxakon hatà, horykomo, tanoto kom hoko. Enmahrà ro toy hatà, tanoto kom horà, tànatàr hokon kom horà, kekon hatà, Txesusu. Tàwya nyamoro yonyetxhe, nànyahtxownà hatà, tànatàr waka, àhoko ehtxoho menye. Ronatàr hoko atamohtxoko, amnye rma, kekon hatà. Àkokmamàtxhe, 1 txenyeru wàmyaha, owyanye, ayatamoketxhet komo, kekon hatà. Àna hamà, 1 txenyeru màmyan hamà, amna wya, ketxkon hatà, nyamoro ha, kekon hatà, Txesusu. Àro rma ho, kamàmà yasawnuknutoko rma, anar komo yonyey hatà. Owto rakatawo nehxatxkon hatà, àhokohra mak hatà. Omnyam xarha, ronatàrà waka àtotxoko, àhoko oyehtxoho menye, kekon hatà, àwyanye. Àkokmamàtxhe, ayatamoketxhet komo wàmyaha, owyanye, kekon hatà, horykomo. Àro ke totxownà hatà, kekon hatà, Txesusu. Kamàmà thataw ehtoko, anar komo yanotomay xarha tà. Àro wyaro rma rha, kokonye ehtoko, anar komo xarha yanotomay hatà, kekon hatà, Txesusu.
Awanaka haxa anar komo yonyey hatà. Àhokohra nehxatxkon hatà. Àsok tawro àhokohra mahtxoko, amnye rma, kekon hatà, àwyanye. Amna yanotomahra nahtxoko, anar komo, ketxkon hatà. Àro ke àhokohra amna nahko, ketxkon hatà. Omnyam xarha, ronatàrà waka àtotxoko, àhoko oyehtxoho menye, kekon hatà, àwyanye, kekon hatà, Txesusu.
Kokmamtàhkay hatà. Àkokmamàtxhe rma, onà wyaro nkekon hatà, horykomo, tanoto komo yohà wya. Atamohxemotho komo anyehko, owya àtxenyerun komo yàmtoho me, kekon hatà. Wahoro htxero, mahtukme atamohxemotho komo wya ehemako, atamoketxhet komo. Mahyakanye, wahoro atamohxemotho komo wya ehemako, kekon hatà, horykomo, kekon hatà, Txesusu.
Àro ke nehemay hatà, àwyanye. Awanaka omohxemotho komo wya htxero nehemay hatà. 1 txenyeru yàmye hatà, àwyanye, kekon hatà. Enmahrà ro omohxemotho komo nomohtxownà haxa hatà. Onà wyaro nehutwetxkon hatà, nyamoro ha. Tkokmamnohtxowà, àro ke eho nyhe nehemen hamà, kàwyanye, ketxkon hatà, tàwyanye rma. 1 me rma rha nàmye hatà, àwyanye xarha, kekon hatà, Txesusu. Àro ke nàrwonatxkon hatà, nyamoro ha, horykomo hoko. Onà wyaro nketxkon hatà, àwya. Anar komo wya ehematxho wyaro rma rha meheman hamà, amna wya xarha, ketxkon hatà, àwya. Nyamoro ryhe, mexehra natamohtxowà. Amna haxa ryhe, enmahrà ro amna natamoknyo, tkokmamnohso ro. Kamàm nawo rma haxa amna nahko, tamotohso ro. Àsok tawro eho nyhe tàmpàra mahko, amna wya, ketxkon hatà, kekon hatà, Txesusu.
Onà wyaro nkekon hatà, horykomo, ukukur komo wya. Hoymo y, oyonkuhtohra ro mak wahko, kekon hatà, àwya. 1 txenyeru wàmyaha, owyanye, àkan haxa hawe, owyanye, kekon hatà. Àna hamà, 1 txenyeru màmyan hamà, amna wya, màkatxowà, rowya. Àro wyaro kahra kat mahtxoko, kekon hatà, horykomo, kekon hatà, Txesusu. Ahohtxoko rma, ayatamoketxhet komo, 1 txenyeru rma, kekon hatà. Àme rye rma tàmrà xe wehxaha, owyanye, nyamoro wya xarha, kekon hatà. Rano me rohra kat wàmyano, rotxenyerun hoye, kekon hatà. Thenyehra rowya tàmnàtoko, ohxehra kat wehxano, owyanye, kekon hatà. Ahohtxoko rma. Owyanye ahosàtxhe rma, àtotxoko, kekon hatà, horykomo, kekon hatà, Txesusu.
Àro wyaro rma rha, àme rye rma tàmryenon komo yowakryehe, Khoryenkomo, kekon hatà. Àro wyaro rma rha, anar komo yosnakan uro kany komo ryhe, wahoro htxero towakryexem me natxhe hampànà. Anar komo yohon uro kany kom haxa ryhe, mahtuk me towakryexem me natxhe hampànà, kekon hatà, Txesusu.

Xerusaryen hona tetxkon hatà, Txesus komo. Tàtonàr kom me, tànhananàhrà ro komo yarày hatà, Txesusu, toto komo hyaye. 12 komo rma yarày hatà. Asama yarye tàtontokonye rma, onà wyaro nkekon hatà, àwyanye.
Xerusaryen hona tàtetxow hamà, kekon hatà. Tahohsosom me mpànà naha ha, Toto me Enusaho, Xuknewyana yoh komo wya, Khoryenkom màn yonye ro yoh komo wya, àyweronàhyamano ynye ro komo wya xarha. Nyamoro ryhe, twayehkahorye naha ketxhe hampànà, noro hoko, kekon hatà, Txesusu.
Nahohsetxhe xarha hampànà, Xuknewyanahnà komo wya. Nyamoro rma newnohyatxhe hampànà. Nàhpokyatxhe xarha hampànà, kekon hatà. Yahkotohen hona namoyathetxhe xarha hampànà. Twayhàtxhe, nasanàmyaha harha hampànà, noro ha. Osorwawo ro enmahàtxhe, nasanàmyaha harha hampànà, kekon hatà, Txesusu.

Txesusu hyaka nomokye hatà, Txaku yonà, Xowaw yonà rma. Sekmeknew muru komo rma nyamoro ha, Txaku komo. Nyamoro yakoro rma nomokye hatà, àyon komo, Txesusu hyaka. Noro yakrataka neryewtay hatà, tosoknar ho, ehonomnà me tàwya xenyàr ke. Nàrwonàmye hatà, akoro. Uro enytxako, kekon hatà, àwya. Eten xe manaye, kekon hatà, Txesusu, àwya. Eten xe manaye. Onà wyaro neyukye hatà, wosà. Toto komo kayaryet me mosonyhen hatà, amnye ha, kekon hatà. Ehonomnà me xaxa mosonyhen hatà. Ehonomnà me rma rha romryerà komo yenyàr xe wehxaha, owya, kekon hatà. Toto komo kayaryet me harha oyehtoko, onà wyaro kasko, moxamo wya, romryerà komo wya. Rohanaka eryewtatxoko, omoro howehehra, omoro xarha howehe, kasko, àwyanye, owyaro rma rha ehonomnà me ehtxoho menye, kekon hatà, Txaku komo yonà, Txesusu wya. Onà wyaro haxa neyukye hatà, Txesusu. Àna matà, rohanawo toto yehtxoho hutwahra ro mak manaha ha, kekon hatà. Rowyaro rma rha eryewhamnohxemo komo ryhe, ehonomnà me harha natxhe hampànà, rohanaw harha, kekon hatà, wosà wya. Ryeryewhamtoho wenàmtàhkehe hampànà, kekon hatà, Txaku komo wya. Toto wya twokru yontàhkantokono wyaro, ryeryewhamtoho wenàmtàhkehe hampànà. Rowyaro rma rha katà menàmtàhketxowà, oyeryewhamtoho komo, kekon hatà. Àhà, amna nenàmtàhkehe, ketxkon hatà, Txaku komo. Yaworo màketxhe, kekon hatà, Txesusu. Rowyaro rma rha oyeryewhamtoho komo menàmtàhketxhe hampànà. Enàmtàhkanyenhàrà rma yeryhera mak wehxaha, uro, ehonomnà me harha, rohanaka harha, kekon hatà. Àsok tawro hana. Royàmà nwahanonkatxho komo ryhe, rohanaka texem me natxhe hampànà, kekon hatà, Txesusu, Txaku komo wya.
Tàwyanye Txaku komo rwonà yonytxatxhe rma, ewakhàra nehxatxkon hatà, ukukur komo. Txesusu nhananàhrà ro komo rma rha nyamoro ha, 10 komo rma. Tkukur kom hoko, 2 kom hoko rma, ewakhàra nehxatxkon hatà. Kohonye nyhe ehonomnà me tesnàr komo xe natxow hamà, moxamo, ketxkon hatà, Txaku kom hoko.
Tàhyaka haxa nanyehtxownà hatà, Txesusu. Onà wyaro nkekon hatà, àwyanye. Àsok hana natxow ha, toto kayaryet kom ha, anaro rha yana kayaryet kom ha, kekon hatà. Ehonomnà me rma haxa natxow hamà, tàmryenon komo yoho rma haxa mak ha. Tàmryenonàthàyamo rma yanotometxow hamà, ehonomnà komo. Tanàhnohso ro nanotometxow hamà, kekon hatà, Txesusu, tànhananàhrà ro komo wya. Omnyam haxa ryhe, nyamoro wyarohra mpànà ehtxoko. Ehonomnà me oyesnàr komo xe oyehtokonye, okukur komo yanoto me xaxa mpànà ehtxoko, kekon hatà. Àro wyaro rma rha wehxaha, uro, Toto me Enusaho. Anotomano ynye mehra mak komokye. Toto komo yanoto me haxa ryhe komokye, kekon hatà. Toto komo yonyhoryeny me ryhe komokye. Rano me ro rma kwayehyaha hampànà, rowya enyhoryetxho menye. Anhàn komo hyaye towtoho komo wehemehe, rowayehrà ke, kekon hatà, Txesusu, tànhananàhrà ro komo wya.

Taa. Xeryko hoye tetxkon hatà, Txesus komo. Akoronye tetxkon hatà, toto komo, thenyenohnà komo.
Asama yahetawo nehxatxkon hatà, toto, asako. Enhunu ro rma mokyam nehxatxkon hatà. Tàhyahanye Txesusu tonàrà yonytxatxownà hatà. Àro ke nàrwonàmtxownà hatà, teryewrye ro. Ha y, ketxkon hatà, Dafe heno yohamàtho omoro hatà. Amna hnàn yawo exko, ketxkon hatà. Neytxownà mak hatà, toto komo. Tatàknye ehtxoko, ketxkon hatà, àwyanye. Tatàknye ehtxoko. Thenyehra nàrwonatxkon hatà, enhunu ro komo, teryewrye ro rma haxa mak hatà. Amna yohà y, Dafe heno yohamàtho omoro hatà. Amna hnàn yawo exko, ketxkon hatà.
Kràk, horohye hatà, Txesusu. Nanyehtxownà hatà, tàhyaka. Àsok oynyàr komo xe manatxowà, rowya, kekon hatà, àwyanye. Amna yohà y, amna yontanàhrà xe amna naha, owya, ketxkon hatà, àwya. Àhnàn kom yawo rma haxa nehxakon hatà, Txesusu. Àro ke, enur komo yahey hatà. Àwya ahetxhe rma, tonke harha nehxatxkon hatà. Noro yakoro totxownà hatà.

सुनें - Matewsà 20