Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkJHN">
 <div class="chapter ch19" data-usfm="JHN.19">
 <div class="label">19</div><div class="p"> 1Ane sembe Pilatusti Yesus poa, &#8220;Taeplam-taeplam loplulom,&#8221; aro nimi arukahiogpa, Yesus haingdi taeplam-taeplam lobek. 2Yin salerop nang tanekori alog aba agha tobekti, nimi saelba uhirop nangdi kwiria usoghag elektoba saogne wibekti, Yesusti usoghag nobirek. Nobi agha lebekti uwong ag agha poptangtop ag saogne agha Yesus nongag wangkirek. 3Wangkirekti sin pang yang ulamekti, Yesusag yubu lelamekti, &#8220;Yahudi nimi sembe yubu sia lero saelbamsilamne, an kiplangkeap,&#8221; aro wene alamekti, saeri taeplam-taeplam lolamek. </div><div class="p"> 4Unulamekpa nen Pilatus lambaogti, nimi maikno tanekoag yubu lelamogti, &#8220;Nari nimi ene a'unag poa lambane andarina, a'undi kembi agha el uro wamnep. Nari tam kembanba, nimi eneag tam palinne nhon babe imna komne el wamlulom,&#8221; aro ambatsiog. 5Wene seogpa, alog aba agha kwiria usoghag elektoba saogne Yesusti usoghag nobirekneap, uwong ag agha poptangtop ag saogne eldi nongag wangkirekneap enekamogpa, poa lambaek. Poa lambaekti, Pilatusti nimi maikno tanekoag yubu lelamogti, &#8220;Nimi ene kembalulom,&#8221; aro ambatsiog.</div><div class="p"> 6Wene seogpa, memnang Allah sembe palirop nang sikini yaboap, Allahri Mem Ae yae ua urop nangapti Yesus kembi agha yubu haum aro lelamekti, &#8220;Kalag sipto oplulam! Kalag sipto oplulam,&#8221; alamek.</div><div class="p">Wene alamekpa, Pilatusti sinag yubu lelamogti, &#8220;Nari tam kembanba, elag tam palinne nhon babe imna kom ane sembe, a'undam nimiri pabimundi, kalag sipto oplulom,&#8221; seog.</div><div class="p"> 7Wene seogpa, Yahudi nimi nubunang tanekori samoro yubu lelamekti, &#8220;Eldamne sembe, &#8216;Na Allah Elme wamna,&#8217; al dalamla ane sembe, nu Yahudi nimiri aruksirop yubu saelba ulamapne sunsunum uro elag tepnange timbanepneog wamla,&#8221; seek.</div><div class="p"> 8Sindi wene, &#8220; &#8216;Allah Elme wamna,&#8217; seog,&#8221; alamekne Pilatusti ka'ebaogti, el nen ma'aro log uaog. 9El log uaogpa, eldi ae nubunge enekoag nen wa'iogti wamogpa, Yesus poa wa'iek. Pilatusti Yesusag hailamogti, &#8220;Anna talange?&#8221; aro haibaog aghana, Yesusti yubu lemna koma wamog. 10Ane sembe Pilatusti nen yubu lelamogti, &#8220;Andi nanag, &#8216;Yubu lemnun kom,&#8217; senelamlam te? An sae lopto lilikenne babe, an kalag sipto opkenne babe nari saeag wamla. Nanag mikiba wamlange ekon talam te?&#8221; seog.</div><div class="p"> 11Wene seogpa, Yesusti samoro Pilatusag, &#8220;Imagneri andi saeag mikiba tatkeho kombana, andi nanag sa'a-sa'a uanep kom. Ane sembe na salero an saeag nembanel nimi enekori an malia uamenne phelekto mali sirikne ual,&#8221; seog.</div><div class="p"> 12Wene seogne ka'ebi agha Pilatusti, &#8220;Wela uahaneri, el sae lopto lipsene,&#8221; aro ulamog. Aghana Yahudi nimi nubunang tanekori haum aro yubu lelamekti, &#8220;Nimi etne eldamneri, &#8216;Na yubu sia lenne wamna,&#8217; al dalamla tanena, Kaisarap aisa nenep tangtop. Ane sembe andi nimi nene sae lobitmen tanena, anna yubu sia lenne Kaisar elkae kom,&#8221; aro haum alamek.</div><div class="p"> 13Sindi wene alamekne ka'ebaog ane sembe, Pilatusti Yesus poa lambaogti, yubu tam kareptop nimi puka urobag Pilatus pukog. El pukoghag aneko Ibrani yubuag, &#8220;Gabata,&#8221; aro engerop aghana, nun yubuag, &#8220;Kirik usa wali uro yangaroba,&#8221; aro engerobag aneko pukamog. 14Sum eneko kwaneng roti walerop komne tero ulamek ko'o Paskah ulamekti, Yahudi nimi tektek paptop sum sembe menekna togtop sum wamog. Sum eneko ae siro heng ik mol-mol aloghog abeneko Pilatus pukamogti, Yahudi nimiag Yesus sembe yubu lelamogti, &#8220;A'un sembe yubu sia lenne kembahut,&#8221; aro wene seog.</div><div class="p"> 15Wene seogpa, nimi tanekori yubu haum aro yubu lelamekti, &#8220;Oplulam! Oplulam! Kalag sipto oplulam,&#8221; aro wene alamek.</div><div class="p">Wene alamekpa, Pilatusti sinag yubu lelamogti, &#8220;A'un sembe yubu sia len nimi ene nari kalag sipto omnep te?&#8221; aro haibahiog.</div><div class="p">Wene aro haibahiogpa, memnang Allah sembe palirop nang sikini yabori, &#8220;Nu sembe yubu sia lenne ot nhonog wamlangena, ot Kaisar agha wamla,&#8221; seek.</div><div class="p"> 16Wene seek ane sembe Pilatusti, &#8220;El kalag sipto oplulom,&#8221; aro nimiri saeag nembaogpa, Yesus salero poa piek.</div><div class="s1">Yesus kalag sipto olobeka</div><div class="r">(Matius 27:32-44; Markus 15:21-32; Lukas 23:26-43)</div><div class="p"> 17Yesus kalag sipnep kal aneko toro eldi sa'oag pobirekpa, elmo poa palamog. Poa palamogti, so'o nhon Ibrani yubuag, &#8220;Golgota,&#8221; arobag aneko poa piog. Nuri yubuag, &#8220;Nimi Usog Ya'ol urobag,&#8221; aro engerobag poa piog. 18Poa piogpa, aneko el kalag siplobek. El kalag siplobek nena, nimi phende tara sip nhon, tara sip nhon kalag siplopsiekti, Yesus nusamag kalag siplobek.</div><div class="p"> 19Yesus siplobek kal enekoag Pilatusti, &#8220;Mome ene piplulom,&#8221; aro arukahiogpa, mome tobekti, kalag sipto pibek. &#8220;Mome piplulom,&#8221; seog nena, &#8220;Yesus Nazaretne, Yahudi nimi sembe yubu sia lenne,&#8221; aro mome tobekti, el kalag siplobek kal enekoag pibek. 20Yesus kalag siplobeka aneko as soro kalurop asag panne we kom. Apna mome toro pibek mome eneko Ibrani yubuap, Roma yubuap, Yunani yubuap mome toro pibek ane sembe, pibek mome neneko Yahudi nimi maiknori kemelamek. 21Ane sembe memnang Allah sembe palirop nang sikini yabori Pilatusag yubu lelamekti, &#8220;Mome toro piplamne neneko, &#8216;Yahudi nimi sembe yubu sia lenne,&#8217; aro mome topseng kom. Aghana andi mome tolapmendi, &#8216;Nimi neneri, &#8220;Na Yahudi nimi sembe yubu sia lenne wamna,&#8221; al dalamla,&#8217; aro mome toplulam,&#8221; seek. </div><div class="p"> 22Wene seek aghana, Pilatusti sinag samoro yubu lelamogti, &#8220;Nari mome topnange toptaldi wamlul,&#8221; aro ambatsiog.</div><div class="p"> 23Yesus kalag siplolamek abeneko yin salerop nang tanekori Yesusti wangkamog ag kwiripto tobek. Yesusti wangkamog ag tobekti, yin salerop nang tombare taneko, &#8220;Nhondi nhon, nhondi nhon tobukap,&#8221; aro wangkamog ag taneko pogtaek. Pogtaek aghana, nen nhon Yesusti konag sip enekamog ag taia tau tipto wetneroba orogha wiropne nhon wangkamogne babe tobek. 24Tobekti yin salerop nang tanekori sin mamun yubu lelamekti, &#8220;Nuri ag ane ta'ebukap kom. Nuri kekneba toboghabeba, etneag po'obale nimi eneko toro alul,&#8221; aro yubu lebek. Undo uro yabinep andarina, samenag mome toro pairop yubuap sunsunup talul. Samenag mome toro pairop yubuna,</div><div class="q1">&#8220;Nimiri nari ag wangkamnonge aneko pogtaong.</div><div class="q2">Nari ag wangkamnonge nene sembe, &#8216;Tomnun,&#8217; aro kekneba toboghaong,&#8221;</div><div class="p">aro mome toro pibogne neneko sunsunum uro yin salerop nang tanekori unulamek.#Sepna 22:19</div><div class="p"> 25Undo unulamekpa, Yesus ilinap, elmuminap, Maria Klopasti kel enekoap, Maria Magdala kel enekoap Yesus siplobek kal peramag aneko sekamek. 26Sekamekpa Yesusti ilinap eldi yubu ka'ero neleptopne o'ona senelamneogne enekoap sekamdeka ipsiog. Ipsiogti Yesusti yubu lelamogti, &#8220;Nanin, el, &#8216;Name,&#8217; aro kembalulam,&#8221; seog. 27Eldi yubu ka'ero neleptopne o'ona senelamneogne enekoag Yesustina, &#8220;El, &#8216;Nanin,&#8217; aro kembalulam,&#8221; seog. Wene seog sum enekoag agha Yesusti yubu ka'ero neleptopne ponekori Yesus ilin enero poa eldi aeag wa'al piog.</div><div class="s1">Yesus tebaogha</div><div class="r">(Matius 27:45-56; Markus 15:33-41; Lukas 23:44-49)</div><div class="p"> 28Wene aro ambatsiogti, olog wamogha, &#8220;Nari uanepne ni komoptal,&#8221; aro Yesus el taog. El taogti, samenag mome toro pairop yubuap sunsunup talul aro Yesusti yubu lelamogti, &#8220;Na mag yo uanel,&#8221; seog.#Sepna 22:16; 69:22 29Aneko mag ikto liroba mag anggur sekne ikto libaekne nhon paiamekpa wamog. Wamogpa wia noghom-nesom saogha anggur sek mag anekoag werebongkia, &#8220;Telul,&#8221; aro pongoroba hisop koag labi agha Yesusti pamag towalengero pibek. 30Yesusti pamag pibekpa, teyambaog ane sembe yubu lelamogti, &#8220;Komoptal,&#8221; seog. Wene seogti, usog amubongkia eldi yame sae libogpa piog.</div><div class="s1">Yesus alukaeka</div><div class="p"> 31Kalag siplopsiek sum eneko Yahudi nimiri, &#8220;Inibilogleba ik nhon sum ningki tektek papto ulameberi, Sabat sum nubunge Allah omeklamukap,&#8221; aro anamag menekna togtop sum wamog. Sabat sum eneko nubunge wamog ane sembe, &#8220;Kalag siplopsiek nimi taneko tebaikti, kalag polbaikag,&#8221; aro Yahudi nimi nubunang taneko Pilatusag piek. Piekti mololamekti, &#8220;Kalag siplopsilom nimi taneko elem uro tebaukang aro yan sopsimunba, hain kom tahileba, sin nong teptoba kalag agha pelengkahilulom,&#8221; aro Pilatusag molona molbaek. 32Wene aro molbaekpa, wali seog ane sembe, yin salerop nang piekti, Yesusap nhon kalag siplopsiek nang abenekori yan nimi nhon samenag, nimi nhon amik yan yo'o sopsiek. 33Yesusti yan babe, &#8220;Yan yo'o sobukap,&#8221; aro yingkina kemelamekag agha Yesus samenag tebaog. Ane sembe sindi Yesusti yan sobek kom. 34Yan sobek kom aghana, yin salerop nang taneko nhondi saeri toboghanep mal wengeag agha Yesus paroag alukaog. El paroag alukaog abeneko enengap maghap siria la'imbaog.</div><div class="p"> 35Elag unulameka ipsiogne ponekori, &#8220;Nari haingdi ililamsi,&#8221; aro sikne lag nenero ambareamsiog. Eldi yubu sikne agha ambarelamsil. Eldamneri sikne agha lelamlange el wamlari, &#8220;A'undi babe sikne aro seneraglamlulom,&#8221; aro sikne agha yubu lelamla. 36El tebaogha undo uro yabinep andarina, samenag mome toro pibekne sunsunup talul. Sunsunup tanep yubu enekona, &#8220;Eldi yo'o nhon babe sobukang kom,&#8221; aro mome toro pibek.#Keluaran - Lambaeka 12:46; Bilangan - A'iliroba 9:12; Sepna 34:21 37Nen nhon samenag mome toro pairop yubu wamlangena, &#8220;Sindi alukto obekne poneko kemelamukang,&#8221; aro mome toro pibog.#Zakharia 12:10; Lag Taogha 1:7</div><div class="s1">Yesus kirik hogtoba lomag pail pireka</div><div class="r">(Matius 27:57-61; Markus 15:42-47; Lukas 23:50-56)</div><div class="p"> 38Yesus tebaogpa, nimi nhon Arimateange si Yusup Pilatusag yaog. Yusupna Yesusti yubu ka'ero neleptopne nhon wamog aghana, Yahudi nimi nubunang sembe log senelamogti, eldi lag phoro, &#8220;Yesusag neleplamna,&#8221; aro ambareamsiog kom. Yusup poneko Pilatusag piogti, &#8220;Yesus nong teptoba kalag agha pelengero pabinun,&#8221; aro molbaog. Molbaogpa Pilatusti elag, &#8220;Hae poa pululam,&#8221; aro ambarog. Ane sembe Yesus nong teptoba tolaogti pabiog. 39Elap nhon pirek nimina, Nikodemus samenag inipnag Yesusag yaogne poneko babe, wene Yusupap nhon pirek. Nikodemus ponekori song wali-waliaba murap gaharuap ma'abi agha 30 kilogram saog liro poa piog.#Yohanes 3:1-2 40Sin abenekori Yesus nong teptoba aneko pelengkia leptekti, song wali-waliaba tanekoap nikag nimi teptop nimi kelepsirop ag agha kelebarek. Sin abenekori uarek nena, Yahudi nimiri nimi teptop nimi so'oag siksiroba ul palamekne sunsunum uro uarek. 41Yesus kalag sipto olobeka peramag aneko nimiri awe meroba nhon wamogpa, awe anekoag kirik lom hogtoba wendogne babe wamog. Hogtop kirik lom anekoag nimi teptoba wirikil pinep aghana, nhon babe anam wirikil wa'iamek kom. 42Sum eneko Yahudi nimiri menekna togtop sum wamogpa, tektek paptop sum tanuaogpa, kirik hogtoba aneko peramag wamog. Ane sembe hogtop kirik lom anekoag sindi Yesus nong teptoba wirikil wa'irek.</div>
 </div>
 </div>
</div>

Ane sembe Pilatusti Yesus poa, “Taeplam-taeplam loplulom,” aro nimi arukahiogpa, Yesus haingdi taeplam-taeplam lobek. Yin salerop nang tanekori alog aba agha tobekti, nimi saelba uhirop nangdi kwiria usoghag elektoba saogne wibekti, Yesusti usoghag nobirek. Nobi agha lebekti uwong ag agha poptangtop ag saogne agha Yesus nongag wangkirek. Wangkirekti sin pang yang ulamekti, Yesusag yubu lelamekti, “Yahudi nimi sembe yubu sia lero saelbamsilamne, an kiplangkeap,” aro wene alamekti, saeri taeplam-taeplam lolamek.
Unulamekpa nen Pilatus lambaogti, nimi maikno tanekoag yubu lelamogti, “Nari nimi ene a'unag poa lambane andarina, a'undi kembi agha el uro wamnep. Nari tam kembanba, nimi eneag tam palinne nhon babe imna komne el wamlulom,” aro ambatsiog. Wene seogpa, alog aba agha kwiria usoghag elektoba saogne Yesusti usoghag nobirekneap, uwong ag agha poptangtop ag saogne eldi nongag wangkirekneap enekamogpa, poa lambaek. Poa lambaekti, Pilatusti nimi maikno tanekoag yubu lelamogti, “Nimi ene kembalulom,” aro ambatsiog.
Wene seogpa, memnang Allah sembe palirop nang sikini yaboap, Allahri Mem Ae yae ua urop nangapti Yesus kembi agha yubu haum aro lelamekti, “Kalag sipto oplulam! Kalag sipto oplulam,” alamek.
Wene alamekpa, Pilatusti sinag yubu lelamogti, “Nari tam kembanba, elag tam palinne nhon babe imna kom ane sembe, a'undam nimiri pabimundi, kalag sipto oplulom,” seog.
Wene seogpa, Yahudi nimi nubunang tanekori samoro yubu lelamekti, “Eldamne sembe, ‘Na Allah Elme wamna,’ al dalamla ane sembe, nu Yahudi nimiri aruksirop yubu saelba ulamapne sunsunum uro elag tepnange timbanepneog wamla,” seek.
Sindi wene, “ ‘Allah Elme wamna,’ seog,” alamekne Pilatusti ka'ebaogti, el nen ma'aro log uaog. El log uaogpa, eldi ae nubunge enekoag nen wa'iogti wamogpa, Yesus poa wa'iek. Pilatusti Yesusag hailamogti, “Anna talange?” aro haibaog aghana, Yesusti yubu lemna koma wamog. Ane sembe Pilatusti nen yubu lelamogti, “Andi nanag, ‘Yubu lemnun kom,’ senelamlam te? An sae lopto lilikenne babe, an kalag sipto opkenne babe nari saeag wamla. Nanag mikiba wamlange ekon talam te?” seog.
Wene seogpa, Yesusti samoro Pilatusag, “Imagneri andi saeag mikiba tatkeho kombana, andi nanag sa'a-sa'a uanep kom. Ane sembe na salero an saeag nembanel nimi enekori an malia uamenne phelekto mali sirikne ual,” seog.
Wene seogne ka'ebi agha Pilatusti, “Wela uahaneri, el sae lopto lipsene,” aro ulamog. Aghana Yahudi nimi nubunang tanekori haum aro yubu lelamekti, “Nimi etne eldamneri, ‘Na yubu sia lenne wamna,’ al dalamla tanena, Kaisarap aisa nenep tangtop. Ane sembe andi nimi nene sae lobitmen tanena, anna yubu sia lenne Kaisar elkae kom,” aro haum alamek.
Sindi wene alamekne ka'ebaog ane sembe, Pilatusti Yesus poa lambaogti, yubu tam kareptop nimi puka urobag Pilatus pukog. El pukoghag aneko Ibrani yubuag, “Gabata,” aro engerop aghana, nun yubuag, “Kirik usa wali uro yangaroba,” aro engerobag aneko pukamog. Sum eneko kwaneng roti walerop komne tero ulamek ko'o Paskah ulamekti, Yahudi nimi tektek paptop sum sembe menekna togtop sum wamog. Sum eneko ae siro heng ik mol-mol aloghog abeneko Pilatus pukamogti, Yahudi nimiag Yesus sembe yubu lelamogti, “A'un sembe yubu sia lenne kembahut,” aro wene seog.
Wene seogpa, nimi tanekori yubu haum aro yubu lelamekti, “Oplulam! Oplulam! Kalag sipto oplulam,” aro wene alamek.
Wene alamekpa, Pilatusti sinag yubu lelamogti, “A'un sembe yubu sia len nimi ene nari kalag sipto omnep te?” aro haibahiog.
Wene aro haibahiogpa, memnang Allah sembe palirop nang sikini yabori, “Nu sembe yubu sia lenne ot nhonog wamlangena, ot Kaisar agha wamla,” seek.
Wene seek ane sembe Pilatusti, “El kalag sipto oplulom,” aro nimiri saeag nembaogpa, Yesus salero poa piek.


Yesus kalag sipnep kal aneko toro eldi sa'oag pobirekpa, elmo poa palamog. Poa palamogti, so'o nhon Ibrani yubuag, “Golgota,” arobag aneko poa piog. Nuri yubuag, “Nimi Usog Ya'ol urobag,” aro engerobag poa piog. Poa piogpa, aneko el kalag siplobek. El kalag siplobek nena, nimi phende tara sip nhon, tara sip nhon kalag siplopsiekti, Yesus nusamag kalag siplobek.
Yesus siplobek kal enekoag Pilatusti, “Mome ene piplulom,” aro arukahiogpa, mome tobekti, kalag sipto pibek. “Mome piplulom,” seog nena, “Yesus Nazaretne, Yahudi nimi sembe yubu sia lenne,” aro mome tobekti, el kalag siplobek kal enekoag pibek. Yesus kalag siplobeka aneko as soro kalurop asag panne we kom. Apna mome toro pibek mome eneko Ibrani yubuap, Roma yubuap, Yunani yubuap mome toro pibek ane sembe, pibek mome neneko Yahudi nimi maiknori kemelamek. Ane sembe memnang Allah sembe palirop nang sikini yabori Pilatusag yubu lelamekti, “Mome toro piplamne neneko, ‘Yahudi nimi sembe yubu sia lenne,’ aro mome topseng kom. Aghana andi mome tolapmendi, ‘Nimi neneri, “Na Yahudi nimi sembe yubu sia lenne wamna,” al dalamla,’ aro mome toplulam,” seek.
Wene seek aghana, Pilatusti sinag samoro yubu lelamogti, “Nari mome topnange toptaldi wamlul,” aro ambatsiog.
Yesus kalag siplolamek abeneko yin salerop nang tanekori Yesusti wangkamog ag kwiripto tobek. Yesusti wangkamog ag tobekti, yin salerop nang tombare taneko, “Nhondi nhon, nhondi nhon tobukap,” aro wangkamog ag taneko pogtaek. Pogtaek aghana, nen nhon Yesusti konag sip enekamog ag taia tau tipto wetneroba orogha wiropne nhon wangkamogne babe tobek. Tobekti yin salerop nang tanekori sin mamun yubu lelamekti, “Nuri ag ane ta'ebukap kom. Nuri kekneba toboghabeba, etneag po'obale nimi eneko toro alul,” aro yubu lebek. Undo uro yabinep andarina, samenag mome toro pairop yubuap sunsunup talul. Samenag mome toro pairop yubuna,
“Nimiri nari ag wangkamnonge aneko pogtaong.
Nari ag wangkamnonge nene sembe, ‘Tomnun,’ aro kekneba toboghaong,”
aro mome toro pibogne neneko sunsunum uro yin salerop nang tanekori unulamek.
Undo unulamekpa, Yesus ilinap, elmuminap, Maria Klopasti kel enekoap, Maria Magdala kel enekoap Yesus siplobek kal peramag aneko sekamek. Sekamekpa Yesusti ilinap eldi yubu ka'ero neleptopne o'ona senelamneogne enekoap sekamdeka ipsiog. Ipsiogti Yesusti yubu lelamogti, “Nanin, el, ‘Name,’ aro kembalulam,” seog. Eldi yubu ka'ero neleptopne o'ona senelamneogne enekoag Yesustina, “El, ‘Nanin,’ aro kembalulam,” seog. Wene seog sum enekoag agha Yesusti yubu ka'ero neleptopne ponekori Yesus ilin enero poa eldi aeag wa'al piog.


Wene aro ambatsiogti, olog wamogha, “Nari uanepne ni komoptal,” aro Yesus el taog. El taogti, samenag mome toro pairop yubuap sunsunup talul aro Yesusti yubu lelamogti, “Na mag yo uanel,” seog. Aneko mag ikto liroba mag anggur sekne ikto libaekne nhon paiamekpa wamog. Wamogpa wia noghom-nesom saogha anggur sek mag anekoag werebongkia, “Telul,” aro pongoroba hisop koag labi agha Yesusti pamag towalengero pibek. Yesusti pamag pibekpa, teyambaog ane sembe yubu lelamogti, “Komoptal,” seog. Wene seogti, usog amubongkia eldi yame sae libogpa piog.

Kalag siplopsiek sum eneko Yahudi nimiri, “Inibilogleba ik nhon sum ningki tektek papto ulameberi, Sabat sum nubunge Allah omeklamukap,” aro anamag menekna togtop sum wamog. Sabat sum eneko nubunge wamog ane sembe, “Kalag siplopsiek nimi taneko tebaikti, kalag polbaikag,” aro Yahudi nimi nubunang taneko Pilatusag piek. Piekti mololamekti, “Kalag siplopsilom nimi taneko elem uro tebaukang aro yan sopsimunba, hain kom tahileba, sin nong teptoba kalag agha pelengkahilulom,” aro Pilatusag molona molbaek. Wene aro molbaekpa, wali seog ane sembe, yin salerop nang piekti, Yesusap nhon kalag siplopsiek nang abenekori yan nimi nhon samenag, nimi nhon amik yan yo'o sopsiek. Yesusti yan babe, “Yan yo'o sobukap,” aro yingkina kemelamekag agha Yesus samenag tebaog. Ane sembe sindi Yesusti yan sobek kom. Yan sobek kom aghana, yin salerop nang taneko nhondi saeri toboghanep mal wengeag agha Yesus paroag alukaog. El paroag alukaog abeneko enengap maghap siria la'imbaog.
Elag unulameka ipsiogne ponekori, “Nari haingdi ililamsi,” aro sikne lag nenero ambareamsiog. Eldi yubu sikne agha ambarelamsil. Eldamneri sikne agha lelamlange el wamlari, “A'undi babe sikne aro seneraglamlulom,” aro sikne agha yubu lelamla. El tebaogha undo uro yabinep andarina, samenag mome toro pibekne sunsunup talul. Sunsunup tanep yubu enekona, “Eldi yo'o nhon babe sobukang kom,” aro mome toro pibek. Nen nhon samenag mome toro pairop yubu wamlangena, “Sindi alukto obekne poneko kemelamukang,” aro mome toro pibog.


Yesus tebaogpa, nimi nhon Arimateange si Yusup Pilatusag yaog. Yusupna Yesusti yubu ka'ero neleptopne nhon wamog aghana, Yahudi nimi nubunang sembe log senelamogti, eldi lag phoro, “Yesusag neleplamna,” aro ambareamsiog kom. Yusup poneko Pilatusag piogti, “Yesus nong teptoba kalag agha pelengero pabinun,” aro molbaog. Molbaogpa Pilatusti elag, “Hae poa pululam,” aro ambarog. Ane sembe Yesus nong teptoba tolaogti pabiog. Elap nhon pirek nimina, Nikodemus samenag inipnag Yesusag yaogne poneko babe, wene Yusupap nhon pirek. Nikodemus ponekori song wali-waliaba murap gaharuap ma'abi agha 30 kilogram saog liro poa piog. Sin abenekori Yesus nong teptoba aneko pelengkia leptekti, song wali-waliaba tanekoap nikag nimi teptop nimi kelepsirop ag agha kelebarek. Sin abenekori uarek nena, Yahudi nimiri nimi teptop nimi so'oag siksiroba ul palamekne sunsunum uro uarek. Yesus kalag sipto olobeka peramag aneko nimiri awe meroba nhon wamogpa, awe anekoag kirik lom hogtoba wendogne babe wamog. Hogtop kirik lom anekoag nimi teptoba wirikil pinep aghana, nhon babe anam wirikil wa'iamek kom. Sum eneko Yahudi nimiri menekna togtop sum wamogpa, tektek paptop sum tanuaogpa, kirik hogtoba aneko peramag wamog. Ane sembe hogtop kirik lom anekoag sindi Yesus nong teptoba wirikil wa'irek.

सुनें - Yohanes 19