<div class="version vid3627 iso6393dtb" data-vid="3627" data-iso6393="dtb">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Kopoilaan</span></div><div class="ip"><span class="content">Iti nopo buuk tinulis di Matius nga monuturan daton</span><span class="note f"><span class="label">#</span><span class=" body"><span class="fr">1:0 </span><span class="fk">daton: </span><span class="fqa">ditokou</span></span></span><span class="content"> di Abar do Aandai do i Yisusno i Raja do Momimijau i najanji do Kinoringan. I Yisusno pinorikatan do Kinoringan di janjiJo si di tongotulun di pogulupo di saralompo do Kitab Nijanji Laid. Insanpo mai do bansa Joudi minaganak di Yisus om irad do tulun do Joudi kovivijaanJo, nga iri nopo Abar do Aandai diri om okoniko tulun Joudi noo i vijauonJo, nga kasaangkat do bansa siti vonuvo.</span></div><div class="ip"><span class="content">Iti nopo buuk di Matius om nosusunno marong ponunulis, do kotimpuunon nopo om i kinosusuvan di Yisus, om iri nogi i pinomotisan</span><span class="note f"><span class="label">#</span><span class=" body"><span class="fr">1:0 </span><span class="fk">pinomotisan: </span><span class="fqa">pinomoptoisan</span></span></span><span class="content"> Disido, om i pinonsubaan do najamananJo, om iri nogi dii i karajaJo si Vonuvo Golilia. Sirino Isido minangaabar pasal do Kinoringan, om minonuduk di Abar do Aandai om minongolingos do toruol do tulun. Om koopod dii i Matius monuturan diri, om ponoritano isido kavagu di pinampanaan di Yisus mantad silo Golilia do minongoi silo bandar Yorusalim. Om notuturan disido pasal kovijaan di Yisus diri minggu do pongovian di poimvijaupo Isido siti vonuvo, do gosob di kinapatajanJo om kinovijaan kavagu Disido.</span></div><div class="ip"><span class="content">Iri nopo i ponudukan di Matius nga i Yisusno i Raja Tagajo om nogi Guru Tagajo, i potuduk do i Kinoringanno momorinta di tulunJo. Om kivaro kuasa di Yisus do papatarang do komoion di Undang-undang Ugama mantad do Kinoringan. Koguuan nopo do ponudukan di Yisus nga nountun do maja di puun do ponudukanJo. Kivaro limo puun do ponudukan diri. Kotiso: i ponudukan di Yisus siri kulud,</span><span class="note f"><span class="label">#</span><span class=" body"><span class="fr">1:0 </span><span class="fk">kulud: </span><span class="fqa">kotud</span></span></span><span class="content"> i kokomoi do gaagaya do tulun, kokomoi diri gaagayado tulun di apatut om iri oporlu si kovijaanjo, om koompusan do kovijaan do tulun di songonuvon di Kinoringan (pasal 5-7); koduvo: piipiro ponudukan vokon do pinotuduk Disido di opulu om duvo tulun Disido do pasal do gaagaya diolo do kumaraja (pasal 10); kotolu: piipiro poiradan pasal do gaagaya ontok do momorinta i Kinoringan di tulunJo (pasal 13); kaapat: ponudukan pasal onu komoion do sumiliu do tulun di Yisus (pasal 18); om kolimo: ponudukan pasal do koovian diti vonuvo om pasal do korikatan di Yisus sumiliu do raja siti vonuvo (pasal 24-25).</span></div><div class="ip"><span class="content">Oguu i sinorita siti saralom diti buuk do </span><span class="bk"><span class="content">Abar do Aandai di Tinulis di Matius </span></span><span class="content">do au nokotulis si buuk tinulisan do tulun vokon, irad diri tongotulun i moilo mongintutun di korombituon, mampanau i Pitrus si suribau do vaig, mongolingos i Yisus diri duvo tulun do nobolou, kinoonuan di Yisus di siin do sukai mantad si kabang do sada, om i tongopoiradan pasal di tongotulun kumaraja si kabun do anggur, i tulun do kivaro duvo tanak kusai, i pogiginakanan ontok do kumawin i tanak do raja, om iri opulu raraa.</span></div><div class="iot"><span class="content">Saralom diti Buuk</span></div><div class="io"><span class="content">1. Ngaran di komoloingan di Yisus Koristus om i kinosusuvanJo 1:1-2:23</span></div><div class="io"><span class="content">2. Karaja di Yaya Mamamatis 3:1-12</span></div><div class="io"><span class="content">3. Binotisan om pinonsubaan i Yisus 3:13-4:11</span></div><div class="io"><span class="content">4. Karaja di Yisus si tongotulun do silo Vonuvo Golilia 4:12-18:35</span></div><div class="io"><span class="content">5. Mantad Golilia mampanau rumikot silo Yorusalim 19:1-20:34</span></div><div class="io"><span class="content">6. Minggu di pongovian silo Yorusalim om siri misoliput pantok diri 21:1-27:66</span></div><div class="io"><span class="content">7. Novijau kavagu i Yisus om minintalang kavagu Isido 28:1-20</span></div><div class="ip"><span class="content">Nong kivaro tanda bintang (*) siri tinangaran, nga obuli iumon i komoion diri tinangaran si </span><span class="content">Kamus Kadajan</span>.</div><div class="ie"></div>
      </div>
   </div>
</div>

Kopoilaan
Iti nopo buuk tinulis di Matius nga monuturan daton di Abar do Aandai do i Yisusno i Raja do Momimijau i najanji do Kinoringan. I Yisusno pinorikatan do Kinoringan di janjiJo si di tongotulun di pogulupo di saralompo do Kitab Nijanji Laid. Insanpo mai do bansa Joudi minaganak di Yisus om irad do tulun do Joudi kovivijaanJo, nga iri nopo Abar do Aandai diri om okoniko tulun Joudi noo i vijauonJo, nga kasaangkat do bansa siti vonuvo.
Iti nopo buuk di Matius om nosusunno marong ponunulis, do kotimpuunon nopo om i kinosusuvan di Yisus, om iri nogi i pinomotisan Disido, om i pinonsubaan do najamananJo, om iri nogi dii i karajaJo si Vonuvo Golilia. Sirino Isido minangaabar pasal do Kinoringan, om minonuduk di Abar do Aandai om minongolingos do toruol do tulun. Om koopod dii i Matius monuturan diri, om ponoritano isido kavagu di pinampanaan di Yisus mantad silo Golilia do minongoi silo bandar Yorusalim. Om notuturan disido pasal kovijaan di Yisus diri minggu do pongovian di poimvijaupo Isido siti vonuvo, do gosob di kinapatajanJo om kinovijaan kavagu Disido.
Iri nopo i ponudukan di Matius nga i Yisusno i Raja Tagajo om nogi Guru Tagajo, i potuduk do i Kinoringanno momorinta di tulunJo. Om kivaro kuasa di Yisus do papatarang do komoion di Undang-undang Ugama mantad do Kinoringan. Koguuan nopo do ponudukan di Yisus nga nountun do maja di puun do ponudukanJo. Kivaro limo puun do ponudukan diri. Kotiso: i ponudukan di Yisus siri kulud, i kokomoi do gaagaya do tulun, kokomoi diri gaagayado tulun di apatut om iri oporlu si kovijaanjo, om koompusan do kovijaan do tulun di songonuvon di Kinoringan (pasal 5-7); koduvo: piipiro ponudukan vokon do pinotuduk Disido di opulu om duvo tulun Disido do pasal do gaagaya diolo do kumaraja (pasal 10); kotolu: piipiro poiradan pasal do gaagaya ontok do momorinta i Kinoringan di tulunJo (pasal 13); kaapat: ponudukan pasal onu komoion do sumiliu do tulun di Yisus (pasal 18); om kolimo: ponudukan pasal do koovian diti vonuvo om pasal do korikatan di Yisus sumiliu do raja siti vonuvo (pasal 24-25).
Oguu i sinorita siti saralom diti buuk do Abar do Aandai di Tinulis di Matius do au nokotulis si buuk tinulisan do tulun vokon, irad diri tongotulun i moilo mongintutun di korombituon, mampanau i Pitrus si suribau do vaig, mongolingos i Yisus diri duvo tulun do nobolou, kinoonuan di Yisus di siin do sukai mantad si kabang do sada, om i tongopoiradan pasal di tongotulun kumaraja si kabun do anggur, i tulun do kivaro duvo tanak kusai, i pogiginakanan ontok do kumawin i tanak do raja, om iri opulu raraa.
Saralom diti Buuk
1. Ngaran di komoloingan di Yisus Koristus om i kinosusuvanJo 1:1-2:23
2. Karaja di Yaya Mamamatis 3:1-12
3. Binotisan om pinonsubaan i Yisus 3:13-4:11
4. Karaja di Yisus si tongotulun do silo Vonuvo Golilia 4:12-18:35
5. Mantad Golilia mampanau rumikot silo Yorusalim 19:1-20:34
6. Minggu di pongovian silo Yorusalim om siri misoliput pantok diri 21:1-27:66
7. Novijau kavagu i Yisus om minintalang kavagu Isido 28:1-20
Nong kivaro tanda bintang (*) siri tinangaran, nga obuli iumon i komoion diri tinangaran si Kamus Kadajan

सुनें - Matius Kopoilaan