If you would like a copy of this version please contact info@davarpartners.org

Ruhaya Old Testament

<div class="version vid3040 iso6393hay" data-vid="3040" data-iso6393="hay">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s1">Ruhanga naraganisa Aburahamu</div><div class="p"> 1Omukama abonekera Aburahamu aha mialoni ya Mamure omw'ihangwe orwo yabaire ashuntamire aha ihemalye omu kishasi. 2Kugya kunaga amaisho, leba abashaija bashatu bamwemeleire omu maisho. Orwo yababoine aruga aha kishasi ky'eihemalye airukire kubatangilira, ainama akanga aha itaka 3nagamba ati, &#8220;Mukama wange osingire, otahingura mwiru wawe. 4Balete amaizi gake munabe amaguru, mwikye aha muti ogu; 5mbe nimpiga akakulya kake mukaboneke, ahanyuma mugendelere, mwamazire kutaha omw'omwiru wanyu.&#8221; Bagamba bati, &#8220;Kora nk'okwo wagamba.&#8221; 6Aho Aburahamu ataha bwangu omw'ihema mbali Sara yabaire ali, agamba ati, &#8220;Tekateka bwangu ebipimo bishatu by'ensano nungi, ogikande okore otukeki.&#8221; 7Ashuba agya omu buhyo, aihyamu enyana nto enungi, agiha omwiruwe agibaga aho n'aho, echumbwa. 8Ahanyuma akwata amajuta, n'amata n'enyama y'enyana eyo yachumba abibatangilira aha muti. Orwo balikulya wenene abemelera aha rubaju.</div><div class="p"> 9Bamubaza bati, &#8220;Mukazi wawe Sara alihai?&#8221; Abahorora ati, &#8220;Ali omw'ihema.&#8221; 10Omukama agamba ati, &#8220;Ndigaruka omu toigo mara omu makiro nk'aga, mukazi wawe Sara alizara omwana w'obwojo.&#8221; Sara akaba ali enyuma ya Aburahamu aha kishasi ky'eihema ahuliliize. 11Bombili bakaba bakuzire, bagurusire; kityo Sara nawe akaba yarugire omu ntwaza z'abakazi. 12Aha rw'ekyo ayeshekelera nagamba ati, &#8220;Nk'okwo nakaikwire, na ibanye yagurusire, nkyashemelerwaki?&#8221; 13Omukama abaza Aburahamu ati, &#8220;Kubaki Sara yasheka namba ati, &#8216;Nakuzarakwo omwana okwo nakaikwire?&#8217; 14Haliho kyona kyona ekigumira Omukama? Ndigaruka omu biro by'etoigo, kandi omu makiro ago Sara alizara omwana w'obwojo.&#8221; 15Kyonkai Sara ayetonga ati, &#8220;Tinasheka;&#8221; aha rw'okuba akatina. Omukama amugambira ati, &#8220;Chei, washekakwo.&#8221;</div><div class="s1">Aburahamu natonganira Sodoma</div><div class="p"> 16Aho abashaija baimukya bagiire Sodoma. Aburahamu agenda nabo abashendekeleize. 17Omukama agamba ati, &#8220;Inye nakusheleka Aburahamu ekyo ndikwija kukora, 18okwo nimbona okwo alitabukwamu eihanga lihango ely'amani n'okwo amahanga gona g'ensi galiherwa omugisha ahali wenene? 19Chei, kuba namuronkire kwija kukomeleza abaanabe na baijukurube kumpulira, bakakora ebili birungi mara eby'amazima. Kabalikora batyo ndimukolera buli kimoi ekyo ndagaine.&#8221; 20Ahanyuma Omukama agambira Aburahamu ati, &#8220;Orujojobo ahali Sodoma na Gomora rwakanya, n'obufu bwabo bw'aba buhango muno. 21Mbwenu nsongokeyo mbone nk'obufu bulikukorwa bona kuhonderana n'orujojobo orwo mpuliire; kakitali kityo, manye.&#8221;</div><div class="p"> 22Aho abashaija bonshatu baimukya bagya Sodoma. Kyonkai Aburahamu aguma aha Mukama. 23Agoba Omukama amubaza ati, &#8220;Kwokwokwo noija kusilikya nyakatetere n'omubi? 24Isi tulenge tuti halimu banyakatetere makumi gatanu omu kigo; orakisilikya oburwe kukiganyira aha rwa banyakatetere makumi gatanu abakilimu? 25Nikikabure ahali iwe kukora ekyab'eki, kwita omubi okaita na nyakatetere. Nyakatetere kushana omubi? Nikikabure ahali iwe. Omuramuzi w'ensi yona akoze amazima.&#8221; 26Omukama agamba ati, &#8220;Omu kigo kya Sodoma kandashangamu banyakatetere makumi gatanu ndakiganyira kyona aha rwa banyakatetere abo.&#8221; 27Aburahamu ashuba agamba ati, &#8220;Leba namalize kugambira Omukama, inye eitaka lyonkai, eijwi lishai. 28Tulenge tuti abatanu omu banyakatetere makumi gatanu baburaho, orasilikya ekigo kyona aha rw'abatanu ababuraho?&#8221; Omukama agamba ati, &#8220;Tinkisilikye kandashangamu makumi ganai na batanu.&#8221; 29Aburahamu ashuba agambira Omukama ati, &#8220;Tulenge tuti amakumi ganai bashangwamu?&#8221; Omukama amuhorora ati, &#8220;Aha rwa makumi ganai tinkisilikye.&#8221; 30Aho agamba ati, &#8220;Waitu Mukama otanigara, kangambe. Tulenge tuti hashangwamu makumi gashatu?&#8221; Omukama ahorora ati, &#8220;Kandashangamu makumi gashatu tinkisilikye.&#8221; 31Aburahamu agamba ati, &#8220;Leba namalize kufumora n'omukama. Tulenge tuti makumi gabili bashangwamu?&#8221; Omukama ahorora ati, &#8220;Aha rw'amakumi gabili tinkisilikye.&#8221; 32Aburahamu ashuba agamba ati, &#8220;Waitu Mukama otanigara, kangambe limoi ndekere. Tugambe tuti ikumi bashangwamu?&#8221; Omukama ahorora ati, &#8220;Aha rw'eikumi tinkisilikye.&#8221; 33Omukama kayamazire kufumora na Aburahamu agenda; Aburahamu agaruka owe.</div>
 </div>
 </div>
</div>

Ruhaya DC Bible © Bible Society of Tanzania, 2001.

Omukama abonekera Aburahamu aha mialoni ya Mamure omw'ihangwe orwo yabaire ashuntamire aha ihemalye omu kishasi. Kugya kunaga amaisho, leba abashaija bashatu bamwemeleire omu maisho. Orwo yababoine aruga aha kishasi ky'eihemalye airukire kubatangilira, ainama akanga aha itaka nagamba ati, “Mukama wange osingire, otahingura mwiru wawe. Balete amaizi gake munabe amaguru, mwikye aha muti ogu; mbe nimpiga akakulya kake mukaboneke, ahanyuma mugendelere, mwamazire kutaha omw'omwiru wanyu.” Bagamba bati, “Kora nk'okwo wagamba.” Aho Aburahamu ataha bwangu omw'ihema mbali Sara yabaire ali, agamba ati, “Tekateka bwangu ebipimo bishatu by'ensano nungi, ogikande okore otukeki.” Ashuba agya omu buhyo, aihyamu enyana nto enungi, agiha omwiruwe agibaga aho n'aho, echumbwa. Ahanyuma akwata amajuta, n'amata n'enyama y'enyana eyo yachumba abibatangilira aha muti. Orwo balikulya wenene abemelera aha rubaju.
Bamubaza bati, “Mukazi wawe Sara alihai?” Abahorora ati, “Ali omw'ihema.” Omukama agamba ati, “Ndigaruka omu toigo mara omu makiro nk'aga, mukazi wawe Sara alizara omwana w'obwojo.” Sara akaba ali enyuma ya Aburahamu aha kishasi ky'eihema ahuliliize. Bombili bakaba bakuzire, bagurusire; kityo Sara nawe akaba yarugire omu ntwaza z'abakazi. Aha rw'ekyo ayeshekelera nagamba ati, “Nk'okwo nakaikwire, na ibanye yagurusire, nkyashemelerwaki?” Omukama abaza Aburahamu ati, “Kubaki Sara yasheka namba ati, ‘Nakuzarakwo omwana okwo nakaikwire?’ Haliho kyona kyona ekigumira Omukama? Ndigaruka omu biro by'etoigo, kandi omu makiro ago Sara alizara omwana w'obwojo.” Kyonkai Sara ayetonga ati, “Tinasheka;” aha rw'okuba akatina. Omukama amugambira ati, “Chei, washekakwo.”

Aho abashaija baimukya bagiire Sodoma. Aburahamu agenda nabo abashendekeleize. Omukama agamba ati, “Inye nakusheleka Aburahamu ekyo ndikwija kukora, okwo nimbona okwo alitabukwamu eihanga lihango ely'amani n'okwo amahanga gona g'ensi galiherwa omugisha ahali wenene? Chei, kuba namuronkire kwija kukomeleza abaanabe na baijukurube kumpulira, bakakora ebili birungi mara eby'amazima. Kabalikora batyo ndimukolera buli kimoi ekyo ndagaine.” Ahanyuma Omukama agambira Aburahamu ati, “Orujojobo ahali Sodoma na Gomora rwakanya, n'obufu bwabo bw'aba buhango muno. Mbwenu nsongokeyo mbone nk'obufu bulikukorwa bona kuhonderana n'orujojobo orwo mpuliire; kakitali kityo, manye.”
Aho abashaija bonshatu baimukya bagya Sodoma. Kyonkai Aburahamu aguma aha Mukama. Agoba Omukama amubaza ati, “Kwokwokwo noija kusilikya nyakatetere n'omubi? Isi tulenge tuti halimu banyakatetere makumi gatanu omu kigo; orakisilikya oburwe kukiganyira aha rwa banyakatetere makumi gatanu abakilimu? Nikikabure ahali iwe kukora ekyab'eki, kwita omubi okaita na nyakatetere. Nyakatetere kushana omubi? Nikikabure ahali iwe. Omuramuzi w'ensi yona akoze amazima.” Omukama agamba ati, “Omu kigo kya Sodoma kandashangamu banyakatetere makumi gatanu ndakiganyira kyona aha rwa banyakatetere abo.” Aburahamu ashuba agamba ati, “Leba namalize kugambira Omukama, inye eitaka lyonkai, eijwi lishai. Tulenge tuti abatanu omu banyakatetere makumi gatanu baburaho, orasilikya ekigo kyona aha rw'abatanu ababuraho?” Omukama agamba ati, “Tinkisilikye kandashangamu makumi ganai na batanu.” Aburahamu ashuba agambira Omukama ati, “Tulenge tuti amakumi ganai bashangwamu?” Omukama amuhorora ati, “Aha rwa makumi ganai tinkisilikye.” Aho agamba ati, “Waitu Mukama otanigara, kangambe. Tulenge tuti hashangwamu makumi gashatu?” Omukama ahorora ati, “Kandashangamu makumi gashatu tinkisilikye.” Aburahamu agamba ati, “Leba namalize kufumora n'omukama. Tulenge tuti makumi gabili bashangwamu?” Omukama ahorora ati, “Aha rw'amakumi gabili tinkisilikye.” Aburahamu ashuba agamba ati, “Waitu Mukama otanigara, kangambe limoi ndekere. Tugambe tuti ikumi bashangwamu?” Omukama ahorora ati, “Aha rw'eikumi tinkisilikye.” Omukama kayamazire kufumora na Aburahamu agenda; Aburahamu agaruka owe.

सुनें - Embandizo 18