<div class="version vid1865 iso6393kha" data-vid="1865" data-iso6393="kha">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Ka Jinglamphrang</span></div><div class="im"><span class="content">  </span><span class="bk"><span class="content">Ka Gospel Kat Kum U &#207;oannis</span></span><span class="content"> ka pyn-i &#239;a U Jisu kum U Ktien ba bymjukut jong U Blei, uba &#8220;la kylla long u briew bad u la im hapdeng jong ngi.&#8221; (1:14) Kumba ka kitab hi ka ong, &#239;a kane ka Gospel la thoh khnang ba ki nongpule &#239;a ka kin &#239;oh ngeit ba U Jisu u long U Nongpynim &#239;a uba la kular, U Khun U Blei, bad ba da ka jingngeit jong ki ha u kin &#239;oh &#239;a ka jingim (20:31).</span></div><div class="ip"><span class="content">Hadien ka jinglamphrang kaba pynithuh ba U Ktien ba bymjukut jong U Blei u dei U Jisu, ka bynta kaba nyngkong jong ka Gospel ka kdew &#239;a ki kambah kiba bun kiba pyn-i ba U Jisu u long uta u Nongpynim &#239;a uba la kular, U Khun U Blei. &#207;a kine la pynbud da ki jing&#239;akren kiba batai &#239;a kaei ba la pynpaw da ki kambah. Kane ka bynta jong ka kitab ka &#239;athuh kumno ba katto katne ngut ki briew ki la ngeit ha U Jisu bad ki la long ki nongbud jong u, katba kiwei pat ki pyrshah &#239;a u bad kim treh ban ngeit. Ki lynnong 13-17 ki &#239;athuh bniah &#239;a ka jing&#239;asyllok kaba jan jong U Jisu bad la ki synran ha ka miet ba la kem &#239;a u, bad ki ktien jong ka jingpynkhreh bad jingpynshlur jong u &#239;a ki ha ka janmiet shuwa ka jingsahnarphna &#239;a u. Ki lynnong kiba kut ki &#239;athuh shaphang ka jingshah kem bad ka jingtian bishar &#239;a U Jisu, ka jingsahnarphna bad ka jingmihpat jong u, bad ki jingmihpaw jong u ha la ki synran hadien ka jingmihpat.</span></div><div class="ip"><span class="content">&#207;a ka jing&#239;athuhkhana shaphang ka kynthei &#239;a kaba la kem ha ka jingklim (8:1-11) la ker braket namar kiba bun ki jingthoh bad ki jingpynkylla ktien kiba rim ki iehnoh kumta, katba kiwei ki jingthoh ki kynthup &#239;a ka ha kiwei pat ki jaka.</span></div><div class="ip"><span class="content">U &#207;oannis u ban &#239;a ka jingai &#239;a ka jingim bymjukut da U Khrist, ka jingai kaba sdang mynta bad kaba wan ha kito kiba pdiang &#239;a U Jisu kum ka lynti, ka jingshisha bad ka jingim. Kaba kham paw ha ka Gospel u &#207;oannis ka long ka jingpyndonkam &#239;a kiei kiei kiba ngi &#239;ohi man ka sngi ban kdew sha ki jingshisha ba kynja mynsiem, kum ka um, u kpu, ka jingshai, u nongap langbrot bad ki langbrot jong u, bad u dieng sohwai&#241; bad u soh jong u.</span></div><div class="iot"><span class="content">Ki Jingkdew</span></div><div class="io1"><span class="content">Ka jinglamphrang 1:1-18</span></div><div class="io1"><span class="content">U &#207;oannis u Nongpynbaptis bad ki synran kiba nyngkong jong U Jisu 1:19-51</span></div><div class="io1"><span class="content">Ka jingshakri U Jisu hapdeng ki briew 2:1&#8212;12:50</span></div><div class="io1"><span class="content">Ki sngi kiba khatduh ha Jerusalem bad hajan jong ka 13:1&#8212;19:42</span></div><div class="io1"><span class="content">Ka jingmihpat bad ki jingmihpaw U Trai 20:1-31</span></div><div class="io1"><span class="content">Ka jingpynkut: Sa kawei ka jingmihpaw ha Galila&#239;a 21:1-25</span></div>
      </div>
   </div>
</div>

Ka Jinglamphrang
Ka Gospel Kat Kum U Ïoannis ka pyn-i ïa U Jisu kum U Ktien ba bymjukut jong U Blei, uba “la kylla long u briew bad u la im hapdeng jong ngi.” (1:14) Kumba ka kitab hi ka ong, ïa kane ka Gospel la thoh khnang ba ki nongpule ïa ka kin ïoh ngeit ba U Jisu u long U Nongpynim ïa uba la kular, U Khun U Blei, bad ba da ka jingngeit jong ki ha u kin ïoh ïa ka jingim (20:31).
Hadien ka jinglamphrang kaba pynithuh ba U Ktien ba bymjukut jong U Blei u dei U Jisu, ka bynta kaba nyngkong jong ka Gospel ka kdew ïa ki kambah kiba bun kiba pyn-i ba U Jisu u long uta u Nongpynim ïa uba la kular, U Khun U Blei. Ïa kine la pynbud da ki jingïakren kiba batai ïa kaei ba la pynpaw da ki kambah. Kane ka bynta jong ka kitab ka ïathuh kumno ba katto katne ngut ki briew ki la ngeit ha U Jisu bad ki la long ki nongbud jong u, katba kiwei pat ki pyrshah ïa u bad kim treh ban ngeit. Ki lynnong 13-17 ki ïathuh bniah ïa ka jingïasyllok kaba jan jong U Jisu bad la ki synran ha ka miet ba la kem ïa u, bad ki ktien jong ka jingpynkhreh bad jingpynshlur jong u ïa ki ha ka janmiet shuwa ka jingsahnarphna ïa u. Ki lynnong kiba kut ki ïathuh shaphang ka jingshah kem bad ka jingtian bishar ïa U Jisu, ka jingsahnarphna bad ka jingmihpat jong u, bad ki jingmihpaw jong u ha la ki synran hadien ka jingmihpat.
Ïa ka jingïathuhkhana shaphang ka kynthei ïa kaba la kem ha ka jingklim (8:1-11) la ker braket namar kiba bun ki jingthoh bad ki jingpynkylla ktien kiba rim ki iehnoh kumta, katba kiwei ki jingthoh ki kynthup ïa ka ha kiwei pat ki jaka.
U Ïoannis u ban ïa ka jingai ïa ka jingim bymjukut da U Khrist, ka jingai kaba sdang mynta bad kaba wan ha kito kiba pdiang ïa U Jisu kum ka lynti, ka jingshisha bad ka jingim. Kaba kham paw ha ka Gospel u Ïoannis ka long ka jingpyndonkam ïa kiei kiei kiba ngi ïohi man ka sngi ban kdew sha ki jingshisha ba kynja mynsiem, kum ka um, u kpu, ka jingshai, u nongap langbrot bad ki langbrot jong u, bad u dieng sohwaiñ bad u soh jong u.
Ki Jingkdew
Ka jinglamphrang 1:1-18
U Ïoannis u Nongpynbaptis bad ki synran kiba nyngkong jong U Jisu 1:19-51
Ka jingshakri U Jisu hapdeng ki briew 2:1—12:50
Ki sngi kiba khatduh ha Jerusalem bad hajan jong ka 13:1—19:42
Ka jingmihpat bad ki jingmihpaw U Trai 20:1-31
Ka jingpynkut: Sa kawei ka jingmihpaw ha Galilaïa 21:1-25

सुनें - ÏOANNIS Ka Jinglamphrang