The Revised Maasai Bible © 2018, Bible Society of Kenya www.biblesociety-kenya.org The Revised Maasai Audio Bible ℗ 2019, Davar Partners International (Audio) www.davaraudiobibles.org God's word open for all

The Revised Maasai Bible

Maasai - 2004 Biblia Sinyati Version (NT) Drama

<div class="version vid1816 iso6393mas" data-vid="1816" data-iso6393="mas">
 <div class="book bkACT">
 <div class="chapter ch1" data-usfm="ACT.1">
 <div class="label">1</div><div class="p"> 1 # 
 Lk 1.1-4
 Aigero te embuku naitera, Oloyanyiti Teofilo, mbaa pooki aaitera Yesu aas o naaiteng'enishe, 2o metabaiki ina olong apa nailepieki aaya shumata. Ore eton eitu eilepieki neitanapisho te ngolon e Nkiyang'et Sinyati, aitanap lelo tung'ana apa ootegelua metaa lkipaareta, lenyena. 3Ore te rishata oo nkolong'i artam, etulusoyie enkeeya enye, neitodol kewan ninche nkatitin kumok, too nkoitoi naaitadedeyie aaoru ninche olng'ash nchere keishu; netoduaa ninche ninye, eirorie ninche aimaki mbaa e nkitoria e Nkai. 4#Lk 24.49 Ore pee etumo ninche te nebo, neitanap Yesu ajoki, &#8220;Emipuo aaing'uaa Yerusalem, kake entaanyu enkishorunoto natejo Papa keishoru, anaa enatiaaka intae. 5#Mat 3.11; Mk 1.8; Lk 3.16; Yhn 1.33 Amu te nkare apa eibatisishe Yohana, kake ore too nkuti olong'i, keibatisai intae te Nkiyang'et Sinyati.&#8221;</div><div class="s">Eilepieki Yesu aaya shumata</div><div class="p"> 6Ore enotote ilkipaareta te nebo neikilikuan Yesu aajoki, &#8220;Olaitoriani, ei te na rishata irrinyoki Siraeli enkitoria?&#8221; 7Nejoki Yesu ninche, &#8220;Ore rishat o nkatitin Papa lai ake openy oitore makewan, nemeishoro intae entayiolo enkata naaku. 8#Mat 28.19; Mk 16.15; Lk 24.47-48 Kake ing'amumu intae engolon, tene elotu Enkiyang'et Sinyati shumata intae, niaakuku intae lchakenini laainei ti atua Yerusalem, o ti atua Yudea pooki o Samaria, o metabaiki ineeiting'ie enkop.&#8221; 9#Mk 16.19; Lk 24.50-51 Ore pee eidip atejo neijia, eing'orita ninche, neilepieki aaya keper neitemoo enkatampoi arishie nkonyek enye. 10Ore eimariri keper eduaaya ninye eloito, ore nabo kata nemaniki ltung'ana aare ooishopito nkilani naaibor eitashe. 11Nejo, &#8220;Lo lewa le Galilaya, oo pee intasheshe te ne aaing'or keper? Ore Yesu, ele oilepieki aaitung'uaa intae aaya keper keitu aikununye anaa ina nitoduaaitie elo keper.&#8221;</div><div class="s">Olotijing'a erishata e Yudas</div><div class="p"> 12Neitoki ninche aashuko Yerusalem aaing'uaa oldoinyo oji Olooloirienito otaaniki Yerusalem oba anaa elototo e nkolong e sabato. 13#Mat 10.2-4; Mk 3.16-19; Lk 6.14-16 Nejing ninche Yerusalem nepuo aailepaki olgilata le shumata le nkaji apa natijing'a: Aa Petero, Yohana, Yakobo o Anterea, Filipo o Tomas, Bartolomayo o Matayo, Yakobo le Alfayo o Simon loo olkirowuai, o Yudas ole Yakobo. 14Neiturrurro pooki anaa ake aasaisho te nebo, netii nkituaak naaisiritore, inaatii Mariamu ng'otonye Yesu o lalashera lenyena.</div><div class="p"> 15Ore tenena olong'i neitashe Petero tiatua ilalashera, oobaya eumata oo ltung'ana oobaya esiana iip o tikitam. 16Nejo, &#8220;Ilalashera laainei, meeta kata apake nemeitabari ilkigerot anaa enatejo Enkiyang'et Sinyati, alimunye Daudi, eimaki Yudas, laa ninye otorikuo ltung'ana ooetuo aaibung Yesu. 17Amu ole siana ang apa Yudas neishooki ematua enye te na siaai.&#8221;</div><div class="p"> 18 # 
 Mat 27.3-8
 &#8220;Neinyiang'ua ele tung'ani enkurma to lerrinyore le nkarrueisho enye, naa ine etanang'a etusulari neng'era adanya neitiakunye enkoshoke pooki. 19Nening iltung'ana pooki oomanya Yerusalem ina, nedung'oki ina kurma enkarna te nkutuk enye aajo Akeldama, (eji &#8216;Enkurma osarge&#8217;). 20#Olke 69.25, 109.8 Amu etisiraki te Mbuku e Olkerempe le Nkai aajo,</div><div class="q">&#8216;Metomijoono enkaji enye;</div><div class="q">nelaii oltung'ani omany.&#8217;</div><div class="q">Ore sii nchoo, &#8216;Meisiaaisho likae te rishata enye.&#8217;</div><div class="m"> 21Ore naa oltung'ani obo le lelo ooisiritore iyiook te ina kata pooki etii Yesu atua iyiook, 22#Mat 3.16; Mk 1.9, 16.19; Lk 3.21, 24.51eiteru te nkibatisare e Yohana, o metabaiki ina olong nailepieki Yesu aaya keper, aaitung'uaa iyiook, meeta kata nemeaku obo le lelo shakenini le mpiunoto te nebo iyiook.&#8221;</div><div class="p"> 23Neaku etegelutua ltung'ana aare: Yosef oji Barsabas (neji sii Yustus), o Matias. 24Neomon ninche nejo, &#8220;Olaitoriani, iyiolo iyie ltauja loo ltung'ana pooki. Ore te nkaraki ina, Olaitoriani, tuutaki iyiook olitudutayie te kulo pokira aare, 25ojing ena rishata aaku olkipaaret neisiaaisho amu eshomo Yudas ewueji enye apake.&#8221; 26Neosh enkukuo aadut nena arn pokira are. Nedoiki enkukuo Matias neikenakini encholiek e lelo kipaareta tomon o obo.</div>
 </div>
 </div>
</div>

Aigero te embuku naitera, Oloyanyiti Teofilo, mbaa pooki aaitera Yesu aas o naaiteng'enishe, o metabaiki ina olong apa nailepieki aaya shumata. Ore eton eitu eilepieki neitanapisho te ngolon e Nkiyang'et Sinyati, aitanap lelo tung'ana apa ootegelua metaa lkipaareta, lenyena. Ore te rishata oo nkolong'i artam, etulusoyie enkeeya enye, neitodol kewan ninche nkatitin kumok, too nkoitoi naaitadedeyie aaoru ninche olng'ash nchere keishu; netoduaa ninche ninye, eirorie ninche aimaki mbaa e nkitoria e Nkai. Ore pee etumo ninche te nebo, neitanap Yesu ajoki, “Emipuo aaing'uaa Yerusalem, kake entaanyu enkishorunoto natejo Papa keishoru, anaa enatiaaka intae. Amu te nkare apa eibatisishe Yohana, kake ore too nkuti olong'i, keibatisai intae te Nkiyang'et Sinyati.”

Ore enotote ilkipaareta te nebo neikilikuan Yesu aajoki, “Olaitoriani, ei te na rishata irrinyoki Siraeli enkitoria?” Nejoki Yesu ninche, “Ore rishat o nkatitin Papa lai ake openy oitore makewan, nemeishoro intae entayiolo enkata naaku. Kake ing'amumu intae engolon, tene elotu Enkiyang'et Sinyati shumata intae, niaakuku intae lchakenini laainei ti atua Yerusalem, o ti atua Yudea pooki o Samaria, o metabaiki ineeiting'ie enkop.” Ore pee eidip atejo neijia, eing'orita ninche, neilepieki aaya keper neitemoo enkatampoi arishie nkonyek enye. Ore eimariri keper eduaaya ninye eloito, ore nabo kata nemaniki ltung'ana aare ooishopito nkilani naaibor eitashe. Nejo, “Lo lewa le Galilaya, oo pee intasheshe te ne aaing'or keper? Ore Yesu, ele oilepieki aaitung'uaa intae aaya keper keitu aikununye anaa ina nitoduaaitie elo keper.”

Neitoki ninche aashuko Yerusalem aaing'uaa oldoinyo oji Olooloirienito otaaniki Yerusalem oba anaa elototo e nkolong e sabato. Nejing ninche Yerusalem nepuo aailepaki olgilata le shumata le nkaji apa natijing'a: Aa Petero, Yohana, Yakobo o Anterea, Filipo o Tomas, Bartolomayo o Matayo, Yakobo le Alfayo o Simon loo olkirowuai, o Yudas ole Yakobo. Neiturrurro pooki anaa ake aasaisho te nebo, netii nkituaak naaisiritore, inaatii Mariamu ng'otonye Yesu o lalashera lenyena.
Ore tenena olong'i neitashe Petero tiatua ilalashera, oobaya eumata oo ltung'ana oobaya esiana iip o tikitam. Nejo, “Ilalashera laainei, meeta kata apake nemeitabari ilkigerot anaa enatejo Enkiyang'et Sinyati, alimunye Daudi, eimaki Yudas, laa ninye otorikuo ltung'ana ooetuo aaibung Yesu. Amu ole siana ang apa Yudas neishooki ematua enye te na siaai.”
“Neinyiang'ua ele tung'ani enkurma to lerrinyore le nkarrueisho enye, naa ine etanang'a etusulari neng'era adanya neitiakunye enkoshoke pooki. Nening iltung'ana pooki oomanya Yerusalem ina, nedung'oki ina kurma enkarna te nkutuk enye aajo Akeldama, (eji ‘Enkurma osarge’). Amu etisiraki te Mbuku e Olkerempe le Nkai aajo,
‘Metomijoono enkaji enye;
nelaii oltung'ani omany.’
Ore sii nchoo, ‘Meisiaaisho likae te rishata enye.’
Ore naa oltung'ani obo le lelo ooisiritore iyiook te ina kata pooki etii Yesu atua iyiook, eiteru te nkibatisare e Yohana, o metabaiki ina olong nailepieki Yesu aaya keper, aaitung'uaa iyiook, meeta kata nemeaku obo le lelo shakenini le mpiunoto te nebo iyiook.”
Neaku etegelutua ltung'ana aare: Yosef oji Barsabas (neji sii Yustus), o Matias. Neomon ninche nejo, “Olaitoriani, iyiolo iyie ltauja loo ltung'ana pooki. Ore te nkaraki ina, Olaitoriani, tuutaki iyiook olitudutayie te kulo pokira aare, ojing ena rishata aaku olkipaaret neisiaaisho amu eshomo Yudas ewueji enye apake.” Neosh enkukuo aadut nena arn pokira are. Nedoiki enkukuo Matias neikenakini encholiek e lelo kipaareta tomon o obo.

सुनें - Iasat 1