Akeu - WBT Version (NT,Genesis) Non-Drama

Akeu - WBT Version (NT) Non-Drama

Akeu - WBT Version (NT) Drama

<div class="version vid1504 iso6393aeu" data-vid="1504" data-iso6393="aeu">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Miqyail nail daoq, tsaol-aq pevq lee khi, jaol lee-a nail ganl</div><div class="p"> 1Iqmoeq-u nee Daoq jiav nail ngaol. Daoq al neq, Miqyail nee mail jaol khi Daoq al neq, Miqyail ngaol. 2Daoq al neq, iqmoeq-u nee Miqyail nee mail jaol nail ngaol.</div><div class="p"> 3Khal jaol, khal jiav nail iqsanl, aivq-i mail teivq-ai thaq nail ngaol. Khal teivq-ai thaq nail juq nail lavqkhoel, aivq-i mail maq teivq-ai thaq nail teevq phaq ail, maq jiav-ail. 4Aivq nail lavqkhoel bhai doevq nail phaq aol nail ngaol. Doevq nail al neq, tsaol-aq yaq nail aqbhaq ngaol. 5Aq bhaq al neq, aqnav nail lavqkhoel bhai bhaq nail ngaol. Aq nav neq, aqbhaq al bhai maq gaq lai nia-ail.</div><div class="p"> 6Miqyail-i mail bhi lee-a nail Yaol haq dai, mil-ai thaq nail teevq gaq jaol nail ngaol. 7Aivq neq, aqbhaq al nail ganl salkhil khanq lee-a nail ngaol. Aivq bhaq da nee tsaol-aq iqsanl mail, aqbhaq al bhai neema thaq tsaol lal dai, aivq salkhil khanq lee-a nail ngaol. 8Aivq neq, aqbhaq al maq ngel-ail. Aq bhaq al nail ganl salkhil khanq lee-a nail teevq-eel ngaol. 9Mal dil pevq nail aqbhaq al neq, miltsaq bhai lee khi, tsaol-aq yaq iqsanl bhai bhaq bhiq lee nail ngaol.</div><div class="p"> 10Aivq neq, miltsaq bhai jaol nail ngaol. Miltsaq niil aivq-i mail teivq-ai thaq nail ngaol. Thail hai ngaol-aoq, miltsaq yaq juq aivq bhai maq heeq nia-ail. 11Aivq nail jaol duq bhai, aivq lee khi ngaol-aoq, aivq nail jeq-e jaq-a juq aivq bhai maq hav-al. 12Thail hai ngaol-aoq, aivq bhai khal hav bhoel nail tsaol-aq, aivq bhai neema khal thaq tsaol nail tsaol-aq iqsanl mail, Miqyail nail yaq pevq lal nail aqkhaoq-anq ya-a nail ngaol. 13Aqyu juq Miqyail nail yaq pevq lal-a nail neq, jeq-e jaq-a bhaq da nee maq ngel-ail. Aqsivq haqjoil nail nee noeq neekhaol bhaq da nee iqsanl, maq ngel-ail. Yaqyov-aq nail nee noeq neekhaol bhaq da nee iqsanl maq ngel-ail. Miqyail bhaq da nee aqyu juq Miqyail nail yaq pevq lal-a nail ngaol.</div><div class="p"> 14Daoq al neq, tsaol-aq pevq lee khi, ngadao nee mail jaol lee-a nail ngaol. Aivq nail seiqleiq khaoqsail bhai nv juq ya moel-a nail ngaol. Seiq leiq khaoqsail al neq, Aqbhu Miqyail nee mail dov lee-a nail Yaqyov teevq gaq teevq-eel nail seiqleiq khaoqsail ngaol. Yaqyov al gaq neq, geeqlaoq eel jaol khi mail saljial ivq nail phaq teevq bhee aol nail ngaol.</div><div class="p"> 15Yaol haq aivq nail ganl salkhil khanq khi niail hai gul nail ngaol: &#8220;Ngaq nail haoqnao lee nail gaq neq, ngaq-ai nee maq tsil eeq nail ngaol. Khul khi mail dai ngal-aq neq, ngal maq doevq lee-u nee mail, aivq doevq nail ngaol dai, ngaq-i mail ge nail al gaq neq, aivq ngaol&#8221; dai, Yaol haq mail ma-ail salkhil khanq nail ngaol. 16Aivq nail lavqkhoel bhai geeqlaoq eel jaol teevq bhee aol nail ngaol. Geeq laoq al juq teevq phaq khai-aq neq, teevq phaq ngadao ya nail ngaol. 17Miqyail aoldaoq kovqdaoq bivq lavq-u phao, Maolseiq bhai juq khi, bivq lavq-a nail ngaol. Thail hai ngaol-aoq, geeqlaoq eel jaol khi saljial ivq nail phaq neq, Yeiqsul Khali nee mail dov lee-a nail ngaol. 18Tsaol-aq teevq gaq iqsanl, Miqyail bhai maq moeldaiq gaoq. Aivq teevq gaq taivq-ail Miqyail pevq khi, Aqbhu nail jail nq bhai jaol deel-nvq thaq nail Yaqyov al gaq neq, Miqyail khaq sil gaq pevq nail ganl, phao daiq lee-a nail ngaol.</div><div class="s">Ulcuvq saol bhiq nail Yaol haq salkhil khanq nail ganl</div><div class="p"> 19Yeiqlulsaqlaiq meenq bha jaol nail Yuldav nail tsaol-aq juq neq, Philma juq khi mail Leiqbhil tsaol-aq juq bhai, Yaol haq jaol nail bha khoel gai aivq-a nail ngaol. &#8220;Naol khaq sil gaq&#8221; dai, aqyu juq Yaol haq bhai nal daiq-u phao, Yaol haq salkhil niail hai khanq-a nail ngaol: 20-21Aivq maq jil mail, &#8220;Ngal neq, Khali maq ngel&#8221; dai, daol coev dai, ge bhiq-a nail ngaol. A bhai nee ngal-aq, aqyu juq gaoq nal daiq nail: &#8220;Thail hai phal-iq neq, naol Eillilya laiq.&#8221; &#8220;Ngal Eillilya maq ngel&#8221; dai, aivq ge kovq bhiq-a nail ngaol. &#8220;Naol Miqyail nail haqbhoil ge dan nail al gaq laiq&#8221; dai, gaoq nal daiq nail ngaol. &#8220;Maq ngel&#8221; dai, aivq gaoq ge kovq bhiq-a nail ngaol.</div><div class="p"> 22Tsaol-aq al juq ge nail: &#8220;Naol khaq sil gaq dai, nv juq bhai khoel-ai leevq-a nail tsaol-aq juq bhai cavq lai kivq dai, naol yovqgavq bhai yovqgavq, khaq sil gaq dai, ge heeq&#8221; dai, gaoq nal daiq nail ngaol.</div><div class="p"> 23Yaol haq ge nail: &#8220;Miqyail nail haqbhoil ge dan nail Ilsaqyal-i mail ge-ai thaq nail khe-ai,</div><div class="q1">&#8216;Heeqphaq lee nail haqbhoil</div><div class="q1">gailkhaol lav daol yaoq&#8217; dai,</div><div class="p">haqtsoiq haqyal bhai jaol khi gul nail al gaq, ngal ngaol&#8221; dai, ge kovq bhiq-a nail ngaol.</div><div class="p"> 24Naldaiq lee-a nail tsaol-aq al juq neq, Phaq liq sail juq-i mail khoel-ai leevq-a juq iqsanl, kheq nail ngaol. 25Aqyu juq ge nail: &#8220;Naol neq, Khali iqsanl maq ngel. Eillilya iqsanl maq ngel. Miqyail nail haqbhoil ge dan nail al gaq iqsanl maq ngel nail phal-iq neq, khul khi mail, naol yu bhai ulcuvq saol bhiq nail-aiq&#8221; dai, nal daiq-a nail ngaol.</div><div class="p"> 26Yaol haq ge nail: &#8220;Ngal yu bhai ulcuvq lavqkhoel bhai, ulcuvq saol bhiq nail ngaol. Thail hai ngaol-aoq, nul juq maq heeq nia nail tsaol-aq teevq gaq, nul juq nee mail jaol nail ngaol. 27Aivq neq, ngaq nail haoqnao lee nail gaq ngaol. Ngal neq, aivq nail saiqnaov neeqtsaq bhai iqsanl pheel nail maq geel-nvq ail&#8221; dai, ge bhiq-a nail ngaol.</div><div class="p"> 28Yaol haq Yaoldaq laoljaol a phao lel khel bhai jiav nail Bheiqtaq nil nail jul gu bhai jaol khi, ulcuvq saol bhiq-u phao, aqyu juq Yaol haq bhai al hai nal daiq-a nail ngaol.</div><div class="s">Miqyail nail Yaolyaq bhai hel daiq</div><div class="p"> 29Yaoq n yaoq, aivq jaol nail bha Yeiqsul lee nail bhai, Yaol haq ya moel-u phao, aivq ge nail: &#8220;Miltsaq yaq nail oeqbal bhai phi ha lee-a nail Miqyail nail Yaolyaq bhai hel daiq daiq. 30&#8216;Ngaq nail haoqnao lee nail gaq, ngaq-ai nee maq tsil eeq nail ngaol. Khul khi mail dai ngal-aq neq, ngal maq doevq lee-u nee mail aivq doevq nail ngaol&#8217; dai, ngaq-i mail ge nail al gaq neq, aivq ngaol. 31Iqmoeq u, ngal aivq bhai maq heeq kivq-al. Thail hai ngaol-aoq, Ilsaqleiqlav nail tsaol-aq aivq bhai aqmeeq-ai ya heeq ya moel dai, ngal lee khi, yu bhai ulcuvq lavqkhoel bhai ulcuvq saol bhiq lee-a nail ngaol&#8221; dai, ge bhiq-a nail ngaol.</div><div class="p"> 32Al ovqtavq, Yaol haq salkhil khanq khanq ail ge nail: &#8220;Meeq nail Haol nail Aqhaqlal khaoq khoiq khe-ai nqtavq kovtavq nee yavq kha lee khi, aivq nail kovtavq-ai deivq lee-a nail bhai, ngal ya moel-a nail ngaol. 33Iqmoeq-u ngal aivq bhai maq heeq kivq-al. Thail hai ngaol-aoq, &#8216;Ulcuvq lavqkhoel-ai yu bhai ulcuvq saol bhiq yaoq&#8217; dai, ngaq bhai khoel nail gaq, ngaq bhai niail hai ge lavq-a nail ngaol: &#8216;Tsaol-aq teevq gaq nail kovtavq bhai Meeq nail Haol nail Aqhaqlal yavq kha lee khi jaol nail bhai, naol ya moel-u phao, Meeq nail Haol nail Aqhaqlal lavqkhoel ulcuvq saol bhiq nail gaq neq, aivq ngaol dai, naol ya heeq kivq naol. 34Ngal al hai pevq lal-a nail bhai ya moel-a nail ngel-i mail, tsaol-aq al gaq neq, Miqyail nail Yaqyov ngaol dai, ngal salkhil khanq nail ngaol&#8217;&#8202;&#8221; dai, Yaol haq ge nail ngaol.</div><div class="s">Yaq laol iqmoeq ilmoeq pevq lal-a nail juq</div><div class="p"> 35Yaoq n yaoq, Yaol haq aivq nail yaq laol nvq gaq nee mail, a bhai gaoq thul phaol-nvq thaq nail ngaol. 36Aq-u phao, aivq Yeiqsul lee nail bhai ya moel khi, &#8220;Miqyail nail Yaolyaq bhai hel daiq daiq&#8221; dai, ge bhiq-a nail ngaol.</div><div class="p"> 37Yaq laol al nvq gaq, Yaol haq ge nail daoq al daoq ya gaiq khi, Yeiqsul nail haoqnao tsao thel laivq-a nail ngaol. 38Yeiqsul haoqnaol naol kovq kovq daiq khi, aqyu nvq gaq aivq nail haoqnao tsao thel lavq nail bhai, ya moel-u phao, &#8220;Nul nq nvq gaq khul hal pov lal-a nail-aiq&#8221; dai, nal daiq-a nail ngaol. Aq-u phao, aqyu nvq gaq: &#8220;Laqbhil-ol, naol khaq bha jaol nail-aiq&#8221; dai, aivq bhai nal daiq-a nail ngaol. Laqbhil dai ge nail neq, saq laq bhai ge nail ngaol.</div><div class="p"> 39&#8220;Hel daiq lal yaoq&#8221; dai, Yeiqsul aqyu nvq gaq bhai ge bhiq-a nail ngaol. Al heel ngel-i mail, aqyu nvq gaq lai khi, aivq nail jaol duq bhai ya moel-a nail ngaol. Yanq al yanq neq, kivqhail lail ma phao naqli liq lavq nii dai bhee lal-aoq nail ngel-i mail, aq-u n-gaol aqyu nvq gaq a bhai jaol-a nail ngaol.</div><div class="p"> 40Yaol haq-i mail ge-a nail daoq al daoq ya gaiq khi, Yeiqsul nail haoqnao tsao thel laivq-a nail al nvq gaq nail lavqkhoel khe teevq gaq neq, Sil moq Bheiqtuvluv nail jaqbheq, Aq daiq laiq ngaol. 41Aq daiq laiq iqmoeq ilmoeq nl-a nail neq, aivq nail aqivq Sil moq bhai hal pov moel-ail khi, &#8220;Nv-nvq gaq Meiqsilya bhai moel-a nail ngaol&#8221; dai, ge bhiq-a nail ngaol. Meiqsilya dai ge nail neq, Khali bhai ge nail ngaol. 42A bhai nee ngal-aq, Aq daiq laiq neq, Sil moq bhai Yeiqsul jaol nail bha hel aivq-a nail ngaol. Yeiqsul Sil moq bhai hel daiq khi, &#8220;Naol neq, Yaol haq nail yaqyov Sil moq nial. Yaq hao neq, naoq bhai Geiqphal dai, ya khul naol&#8221; dai, ge bhiq-a nail ngaol. Geiqphal dai ge nail neq, lovmav bhai ge nail ngaol.</div><div class="s">Pillilpuv khi mail Naqdaq neiqlal bhai khul-a nail ganl</div><div class="p"> 43Niaohao Gaq liq lail milkhaoq bhai ail naol dai, Yeiqsul noeqceiv-ai thaq nail ngaol. Aq-u phao, aivq Pillilpuv bhai thaoq phuq khi, &#8220;Ngaq nail haoqnao tsao thel lavq yaoq&#8221; dai, ge bhiq-a nail ngaol.</div><div class="p"> 44Pillilpuv neq, Aq daiq laiq khi mail Bheiqtuvluv jaol nail Bheiqjeildaq meenq bhai jaol nail ngaol. 45Pillilpuv neq, Naqdaq neiqlal bhai hal pov moel-ail khi ge nail: &#8220;Maolseiq-i mail gevq-ai thaq nail, aoldaoq kovqdaoq lavqkhoel khi mail, Miqyail nail haqbhoil ge dan nail tsaol-aq juq-i mail gevq-ai thaq nail lavqkhoel, aqyu juq-i mail gevq-ai thaq nail tsaol-aq al gaq bhai, nv juq ya moel-aoq nail ngaol. Aivq neq, Naq saq lail meenq yaq, Yaolsai nail yaqyov Yeiqsul ngaol&#8221; dai, ge bhiq-a nail ngaol.</div><div class="p"> 46&#8220;Naq saq lail meenq bhai aqmeeq phaq dov lal nia nail laiq&#8221; dai, Naqdaq neiqlal nal daiq-a nail ngaol. &#8220;Hel daiq lal yaoq thoil&#8221; dai, Pillilpuv ge bhiq-a nail ngaol.</div><div class="p"> 47Yeiqsul Naqdaq neiqlal lal thail thaiq nail bhai ya moel-u phao, Naqdaq neiqlal nail ganl niail hai ge-a nail ngaol: &#8220;Ilsaqleiqlav nail tsaol-aq mal dil pevq nail gaq bhai hel daiq yaoq. Aivq neq, goiqbhaoq bhaoq nail neema maq aol ail&#8221; dai, ge bhiq-a nail ngaol.</div><div class="p"> 48&#8220;Naol ngaq bhai khal hai khi heeq kivq-a nail-aiq&#8221; dai, Naqdaqneiqlal Yeiqsul bhai nal daiq-a nail ngaol. &#8220;Pillilpuv naoq bhai maq khul-u nee mail, naol heeqpuv aqbhaol nail daoqthaoq bhai jaol-u phao nee, ngal naoq bhai moel-aoq nail ngaol&#8221; dai, ge kovq bhiq-a nail ngaol.</div><div class="p"> 49Naqdaq neiqlal ge nail: &#8220;Saq laq-ol, naol neq, Miqyail nail Yaqyov nial. Ilsaqleiqlav nail Heeqphaq iqsanl ngel ail nial&#8221; dai, Yeiqsul bhai ge bhiq-a nail ngaol.</div><div class="p"> 50Yeiqsul ge nail: &#8220;&#8202;&#8216;Naol heeqpuv aqbhaol daoqthaoq bhai jaol-u nee mail, ngal naoq bhai moel-a nail ngaol&#8217; dai, ge nail ngel-i mail, naol ngaq bhai neema thaq tsaol nail laiq. Niidai nee maq tsil eeq nail ganl juq bhai iqsanl, naol ya moel naol&#8221; dai, ge bhiq-a nail ngaol. 51Yeiqsul gaoq ge nail: &#8220;Ngal nul juq bhai mal dil dai, ge lavq bhel. Nqtavq phao-ai thaq nail bhai nul juq ya moel naol. Miqyail nail nqtavq gaqkhoel Tsaol-aq nail Yaqyov nail kovtavq bhai tsaoq thoiq tsaoq dav dai, tsao nail bhai ya moel naol&#8221; dai, ge bhiq-a nail ngaol.</div>
 </div>
 </div>
</div>

Iqmoeq-u nee Daoq jiav nail ngaol. Daoq al neq, Miqyail nee mail jaol khi Daoq al neq, Miqyail ngaol. Daoq al neq, iqmoeq-u nee Miqyail nee mail jaol nail ngaol.
Khal jaol, khal jiav nail iqsanl, aivq-i mail teivq-ai thaq nail ngaol. Khal teivq-ai thaq nail juq nail lavqkhoel, aivq-i mail maq teivq-ai thaq nail teevq phaq ail, maq jiav-ail. Aivq nail lavqkhoel bhai doevq nail phaq aol nail ngaol. Doevq nail al neq, tsaol-aq yaq nail aqbhaq ngaol. Aq bhaq al neq, aqnav nail lavqkhoel bhai bhaq nail ngaol. Aq nav neq, aqbhaq al bhai maq gaq lai nia-ail.
Miqyail-i mail bhi lee-a nail Yaol haq dai, mil-ai thaq nail teevq gaq jaol nail ngaol. Aivq neq, aqbhaq al nail ganl salkhil khanq lee-a nail ngaol. Aivq bhaq da nee tsaol-aq iqsanl mail, aqbhaq al bhai neema thaq tsaol lal dai, aivq salkhil khanq lee-a nail ngaol. Aivq neq, aqbhaq al maq ngel-ail. Aq bhaq al nail ganl salkhil khanq lee-a nail teevq-eel ngaol. Mal dil pevq nail aqbhaq al neq, miltsaq bhai lee khi, tsaol-aq yaq iqsanl bhai bhaq bhiq lee nail ngaol.
Aivq neq, miltsaq bhai jaol nail ngaol. Miltsaq niil aivq-i mail teivq-ai thaq nail ngaol. Thail hai ngaol-aoq, miltsaq yaq juq aivq bhai maq heeq nia-ail. Aivq nail jaol duq bhai, aivq lee khi ngaol-aoq, aivq nail jeq-e jaq-a juq aivq bhai maq hav-al. Thail hai ngaol-aoq, aivq bhai khal hav bhoel nail tsaol-aq, aivq bhai neema khal thaq tsaol nail tsaol-aq iqsanl mail, Miqyail nail yaq pevq lal nail aqkhaoq-anq ya-a nail ngaol. Aqyu juq Miqyail nail yaq pevq lal-a nail neq, jeq-e jaq-a bhaq da nee maq ngel-ail. Aqsivq haqjoil nail nee noeq neekhaol bhaq da nee iqsanl, maq ngel-ail. Yaqyov-aq nail nee noeq neekhaol bhaq da nee iqsanl maq ngel-ail. Miqyail bhaq da nee aqyu juq Miqyail nail yaq pevq lal-a nail ngaol.
Daoq al neq, tsaol-aq pevq lee khi, ngadao nee mail jaol lee-a nail ngaol. Aivq nail seiqleiq khaoqsail bhai nv juq ya moel-a nail ngaol. Seiq leiq khaoqsail al neq, Aqbhu Miqyail nee mail dov lee-a nail Yaqyov teevq gaq teevq-eel nail seiqleiq khaoqsail ngaol. Yaqyov al gaq neq, geeqlaoq eel jaol khi mail saljial ivq nail phaq teevq bhee aol nail ngaol.
Yaol haq aivq nail ganl salkhil khanq khi niail hai gul nail ngaol: “Ngaq nail haoqnao lee nail gaq neq, ngaq-ai nee maq tsil eeq nail ngaol. Khul khi mail dai ngal-aq neq, ngal maq doevq lee-u nee mail, aivq doevq nail ngaol dai, ngaq-i mail ge nail al gaq neq, aivq ngaol” dai, Yaol haq mail ma-ail salkhil khanq nail ngaol. Aivq nail lavqkhoel bhai geeqlaoq eel jaol teevq bhee aol nail ngaol. Geeq laoq al juq teevq phaq khai-aq neq, teevq phaq ngadao ya nail ngaol. Miqyail aoldaoq kovqdaoq bivq lavq-u phao, Maolseiq bhai juq khi, bivq lavq-a nail ngaol. Thail hai ngaol-aoq, geeqlaoq eel jaol khi saljial ivq nail phaq neq, Yeiqsul Khali nee mail dov lee-a nail ngaol. Tsaol-aq teevq gaq iqsanl, Miqyail bhai maq moeldaiq gaoq. Aivq teevq gaq taivq-ail Miqyail pevq khi, Aqbhu nail jail nq bhai jaol deel-nvq thaq nail Yaqyov al gaq neq, Miqyail khaq sil gaq pevq nail ganl, phao daiq lee-a nail ngaol.

Yeiqlulsaqlaiq meenq bha jaol nail Yuldav nail tsaol-aq juq neq, Philma juq khi mail Leiqbhil tsaol-aq juq bhai, Yaol haq jaol nail bha khoel gai aivq-a nail ngaol. “Naol khaq sil gaq” dai, aqyu juq Yaol haq bhai nal daiq-u phao, Yaol haq salkhil niail hai khanq-a nail ngaol: Aivq maq jil mail, “Ngal neq, Khali maq ngel” dai, daol coev dai, ge bhiq-a nail ngaol. A bhai nee ngal-aq, aqyu juq gaoq nal daiq nail: “Thail hai phal-iq neq, naol Eillilya laiq.” “Ngal Eillilya maq ngel” dai, aivq ge kovq bhiq-a nail ngaol. “Naol Miqyail nail haqbhoil ge dan nail al gaq laiq” dai, gaoq nal daiq nail ngaol. “Maq ngel” dai, aivq gaoq ge kovq bhiq-a nail ngaol.
Tsaol-aq al juq ge nail: “Naol khaq sil gaq dai, nv juq bhai khoel-ai leevq-a nail tsaol-aq juq bhai cavq lai kivq dai, naol yovqgavq bhai yovqgavq, khaq sil gaq dai, ge heeq” dai, gaoq nal daiq nail ngaol.
Yaol haq ge nail: “Miqyail nail haqbhoil ge dan nail Ilsaqyal-i mail ge-ai thaq nail khe-ai,
‘Heeqphaq lee nail haqbhoil
gailkhaol lav daol yaoq’ dai,
haqtsoiq haqyal bhai jaol khi gul nail al gaq, ngal ngaol” dai, ge kovq bhiq-a nail ngaol.
Naldaiq lee-a nail tsaol-aq al juq neq, Phaq liq sail juq-i mail khoel-ai leevq-a juq iqsanl, kheq nail ngaol. Aqyu juq ge nail: “Naol neq, Khali iqsanl maq ngel. Eillilya iqsanl maq ngel. Miqyail nail haqbhoil ge dan nail al gaq iqsanl maq ngel nail phal-iq neq, khul khi mail, naol yu bhai ulcuvq saol bhiq nail-aiq” dai, nal daiq-a nail ngaol.
Yaol haq ge nail: “Ngal yu bhai ulcuvq lavqkhoel bhai, ulcuvq saol bhiq nail ngaol. Thail hai ngaol-aoq, nul juq maq heeq nia nail tsaol-aq teevq gaq, nul juq nee mail jaol nail ngaol. Aivq neq, ngaq nail haoqnao lee nail gaq ngaol. Ngal neq, aivq nail saiqnaov neeqtsaq bhai iqsanl pheel nail maq geel-nvq ail” dai, ge bhiq-a nail ngaol.
Yaol haq Yaoldaq laoljaol a phao lel khel bhai jiav nail Bheiqtaq nil nail jul gu bhai jaol khi, ulcuvq saol bhiq-u phao, aqyu juq Yaol haq bhai al hai nal daiq-a nail ngaol.

Yaoq n yaoq, aivq jaol nail bha Yeiqsul lee nail bhai, Yaol haq ya moel-u phao, aivq ge nail: “Miltsaq yaq nail oeqbal bhai phi ha lee-a nail Miqyail nail Yaolyaq bhai hel daiq daiq. ‘Ngaq nail haoqnao lee nail gaq, ngaq-ai nee maq tsil eeq nail ngaol. Khul khi mail dai ngal-aq neq, ngal maq doevq lee-u nee mail aivq doevq nail ngaol’ dai, ngaq-i mail ge nail al gaq neq, aivq ngaol. Iqmoeq u, ngal aivq bhai maq heeq kivq-al. Thail hai ngaol-aoq, Ilsaqleiqlav nail tsaol-aq aivq bhai aqmeeq-ai ya heeq ya moel dai, ngal lee khi, yu bhai ulcuvq lavqkhoel bhai ulcuvq saol bhiq lee-a nail ngaol” dai, ge bhiq-a nail ngaol.
Al ovqtavq, Yaol haq salkhil khanq khanq ail ge nail: “Meeq nail Haol nail Aqhaqlal khaoq khoiq khe-ai nqtavq kovtavq nee yavq kha lee khi, aivq nail kovtavq-ai deivq lee-a nail bhai, ngal ya moel-a nail ngaol. Iqmoeq-u ngal aivq bhai maq heeq kivq-al. Thail hai ngaol-aoq, ‘Ulcuvq lavqkhoel-ai yu bhai ulcuvq saol bhiq yaoq’ dai, ngaq bhai khoel nail gaq, ngaq bhai niail hai ge lavq-a nail ngaol: ‘Tsaol-aq teevq gaq nail kovtavq bhai Meeq nail Haol nail Aqhaqlal yavq kha lee khi jaol nail bhai, naol ya moel-u phao, Meeq nail Haol nail Aqhaqlal lavqkhoel ulcuvq saol bhiq nail gaq neq, aivq ngaol dai, naol ya heeq kivq naol. Ngal al hai pevq lal-a nail bhai ya moel-a nail ngel-i mail, tsaol-aq al gaq neq, Miqyail nail Yaqyov ngaol dai, ngal salkhil khanq nail ngaol’ ” dai, Yaol haq ge nail ngaol.

Yaoq n yaoq, Yaol haq aivq nail yaq laol nvq gaq nee mail, a bhai gaoq thul phaol-nvq thaq nail ngaol. Aq-u phao, aivq Yeiqsul lee nail bhai ya moel khi, “Miqyail nail Yaolyaq bhai hel daiq daiq” dai, ge bhiq-a nail ngaol.
Yaq laol al nvq gaq, Yaol haq ge nail daoq al daoq ya gaiq khi, Yeiqsul nail haoqnao tsao thel laivq-a nail ngaol. Yeiqsul haoqnaol naol kovq kovq daiq khi, aqyu nvq gaq aivq nail haoqnao tsao thel lavq nail bhai, ya moel-u phao, “Nul nq nvq gaq khul hal pov lal-a nail-aiq” dai, nal daiq-a nail ngaol. Aq-u phao, aqyu nvq gaq: “Laqbhil-ol, naol khaq bha jaol nail-aiq” dai, aivq bhai nal daiq-a nail ngaol. Laqbhil dai ge nail neq, saq laq bhai ge nail ngaol.
“Hel daiq lal yaoq” dai, Yeiqsul aqyu nvq gaq bhai ge bhiq-a nail ngaol. Al heel ngel-i mail, aqyu nvq gaq lai khi, aivq nail jaol duq bhai ya moel-a nail ngaol. Yanq al yanq neq, kivqhail lail ma phao naqli liq lavq nii dai bhee lal-aoq nail ngel-i mail, aq-u n-gaol aqyu nvq gaq a bhai jaol-a nail ngaol.
Yaol haq-i mail ge-a nail daoq al daoq ya gaiq khi, Yeiqsul nail haoqnao tsao thel laivq-a nail al nvq gaq nail lavqkhoel khe teevq gaq neq, Sil moq Bheiqtuvluv nail jaqbheq, Aq daiq laiq ngaol. Aq daiq laiq iqmoeq ilmoeq nl-a nail neq, aivq nail aqivq Sil moq bhai hal pov moel-ail khi, “Nv-nvq gaq Meiqsilya bhai moel-a nail ngaol” dai, ge bhiq-a nail ngaol. Meiqsilya dai ge nail neq, Khali bhai ge nail ngaol. A bhai nee ngal-aq, Aq daiq laiq neq, Sil moq bhai Yeiqsul jaol nail bha hel aivq-a nail ngaol. Yeiqsul Sil moq bhai hel daiq khi, “Naol neq, Yaol haq nail yaqyov Sil moq nial. Yaq hao neq, naoq bhai Geiqphal dai, ya khul naol” dai, ge bhiq-a nail ngaol. Geiqphal dai ge nail neq, lovmav bhai ge nail ngaol.

Niaohao Gaq liq lail milkhaoq bhai ail naol dai, Yeiqsul noeqceiv-ai thaq nail ngaol. Aq-u phao, aivq Pillilpuv bhai thaoq phuq khi, “Ngaq nail haoqnao tsao thel lavq yaoq” dai, ge bhiq-a nail ngaol.
Pillilpuv neq, Aq daiq laiq khi mail Bheiqtuvluv jaol nail Bheiqjeildaq meenq bhai jaol nail ngaol. Pillilpuv neq, Naqdaq neiqlal bhai hal pov moel-ail khi ge nail: “Maolseiq-i mail gevq-ai thaq nail, aoldaoq kovqdaoq lavqkhoel khi mail, Miqyail nail haqbhoil ge dan nail tsaol-aq juq-i mail gevq-ai thaq nail lavqkhoel, aqyu juq-i mail gevq-ai thaq nail tsaol-aq al gaq bhai, nv juq ya moel-aoq nail ngaol. Aivq neq, Naq saq lail meenq yaq, Yaolsai nail yaqyov Yeiqsul ngaol” dai, ge bhiq-a nail ngaol.
“Naq saq lail meenq bhai aqmeeq phaq dov lal nia nail laiq” dai, Naqdaq neiqlal nal daiq-a nail ngaol. “Hel daiq lal yaoq thoil” dai, Pillilpuv ge bhiq-a nail ngaol.
Yeiqsul Naqdaq neiqlal lal thail thaiq nail bhai ya moel-u phao, Naqdaq neiqlal nail ganl niail hai ge-a nail ngaol: “Ilsaqleiqlav nail tsaol-aq mal dil pevq nail gaq bhai hel daiq yaoq. Aivq neq, goiqbhaoq bhaoq nail neema maq aol ail” dai, ge bhiq-a nail ngaol.
“Naol ngaq bhai khal hai khi heeq kivq-a nail-aiq” dai, Naqdaqneiqlal Yeiqsul bhai nal daiq-a nail ngaol. “Pillilpuv naoq bhai maq khul-u nee mail, naol heeqpuv aqbhaol nail daoqthaoq bhai jaol-u phao nee, ngal naoq bhai moel-aoq nail ngaol” dai, ge kovq bhiq-a nail ngaol.
Naqdaq neiqlal ge nail: “Saq laq-ol, naol neq, Miqyail nail Yaqyov nial. Ilsaqleiqlav nail Heeqphaq iqsanl ngel ail nial” dai, Yeiqsul bhai ge bhiq-a nail ngaol.
Yeiqsul ge nail: “ ‘Naol heeqpuv aqbhaol daoqthaoq bhai jaol-u nee mail, ngal naoq bhai moel-a nail ngaol’ dai, ge nail ngel-i mail, naol ngaq bhai neema thaq tsaol nail laiq. Niidai nee maq tsil eeq nail ganl juq bhai iqsanl, naol ya moel naol” dai, ge bhiq-a nail ngaol. Yeiqsul gaoq ge nail: “Ngal nul juq bhai mal dil dai, ge lavq bhel. Nqtavq phao-ai thaq nail bhai nul juq ya moel naol. Miqyail nail nqtavq gaqkhoel Tsaol-aq nail Yaqyov nail kovtavq bhai tsaoq thoiq tsaoq dav dai, tsao nail bhai ya moel naol” dai, ge bhiq-a nail ngaol.

सुनें - Yaolhaq 1