1. Mose 10
10
I laba kol menshendar, kay van pal o Noah
1Kova hi ko liil, kay i laba činlo hi kol menshendar, kay van o Noaheskre čavendar: o Sem, o Ham oun o Yafet. Kolenge van čave boldo pal o baro pani.
O Yafeteskre čave
2O Yafet: Leskre čave hi o Gomer, o Magog, o Madai, o Yavan, o Toubal, o Meshek oun o Tiras.
3I menshe, kay van pal o Gomer, hi: o Ashkenas, o Rifat oun o Togarma.
4I menshe, kay van pal o Yavan, hi o Elisha, o Tarsis#10:4a Tarsis Spania , i Kitarya#10:4b Kitarya, ap hebretikes: Kittim. Yon djivan ap Ciprus oun Rodanarya#10:4c Rodanarya, yon djivan ap Rodos.. 5Kolendar venna i menshe, kay djivenna an i themma pash o baro pani.
Kolla hi i čave o Yafetestar pengre menshentsa. Lendar van bare familye. Hakeni rakras peskro rakepen oun djivas an peskro them.
O Hameskre čave
6O Ham: Leskre čave hi: o Koush, o Misrayim#10:6a Misrayim Egiptia , o Pout#10:6b Pout Libia oun o Kanaan.
7I menshe, kay van pal o Koush, hi: o Seba, o Havila, o Sabta, o Ragma, oun o Sabteka.
I menshe, kay van pal o Ragma hi: o Seba oun o Dedan.
8O Koush, les his i čavo, leskro lab his Nimrod. Kova his o ersto, kay las bari zoor pral vavar menshende ap i phoub. 9Oun yob his i baro yegari glan o baro Debleste. Doleske vell penlo: Kova hi i baro yegari glan o baro Debleste har o Nimrod. 10An ko ersto tsiro vas yob o ray pral i forya Babel, Erek, Akkad oun Kalne an o them Shinar. 11Kotar djas yob an o them Assour oun kras i forya Ninive, Rehobot-Ir, Kela 12oun ninna Resen, kay mashkral Ninive oun ko baro foro Kela hi.
13O Misrayim vas o dad kol menshendar Loud, Anam, Lehab, Naftou, 14Patros, Kaslou oun Kaftor#10:14 Kaftor Kreta , kolendar venna i Filistarya.
O Kanaaneskre čave
15O Kanaan#10:15 Leskro dad his o Ham. Leskro papo his o Noah.: Leskre čave hi o Sidon oun o Het. O Sidon hi o phoureder čavo. 16O Kanaan vas ninna o dad kol menshendar Yebous, Amor, Girgash, 17Hiv, Ark, Sin, 18Arvad, Zemar oun Hamat. Pal i tsiro ačan kolla bare familye, kay van pal o Kanaan, bouder gar khetne oun djan doureder. 19Lengro tselo them djas pral pash o foro Sidon oun tele pash o foro Gaza. Oun ap koy rig, kay o kham pre-djala, djas lo pash o foro Gerar oun doureder pash kol forya Sodom, Gomorra, Adma, oun Seboyim pash o foro Lesha.
20Kolla hi i čave o Hamestar pengre menshentsa. Lendar van bare familye. Hakeni rakras peskro rakepen oun djivas an peskro them.
O Semeskre čave
21O Yafeteskro phoureder phraal, o Sem, las ninna čave. Yob his o dad i tsele menshendar Eber.
22Kolla hi i čave o Semestar: o Elam, o Assour, o Arpaksad, o Loud, oun o Aram.
23O Aram: Leskre čave hi: o Ous, o Houl, o Geter, oun o Mash.
24O Arpaksad las i čavo, o Shela. Koleskro čavo hi o Eber. 25O Eber las douy čave: Yek kharas Peleg. An leskro tsiro ačan i menshe bouder gar khetne. Haki bari familya las peskro them.
O Peleges his i phraal. Kova kharas Yoktan. 26Koleskre čave his: o Almodad, o Shelef, o Hazarmavet, o Yera, 27o Hadoram, o Ouzal, o Dikla, 28o Obal, o Abimael, o Saba, 29o Ofir, o Havila, oun o Yobab. Kolla halauter van pal o Yoktan. 30Oun o them, kay yon khere his, his mashkral Mesha oun Sefar, kay hi čiddo an kol berge kote, kay o kham pre djala.
31Kolla hi i čave o Semestar pengre menshentsa. Lendar van bare familye. Hakeni rakras peskro rakepen oun djivas an peskro them.
32Kolla hi halauter i menshe, kay venna o Noaheskre čavendar. Lengre laba hi yaake pre činlo, te vell diklo, koon lengro dad hi, oun have menshe lendar venna. Kol menshendar venna i tsele menshe ap i phoub pal o baro pani.
נבחרו כעת:
1. Mose 10: Sint-Man2024
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.