Dubbii Nagayaa Ka Yohaannisii 19
19
Loltoonni Yesuusitti Baldan
(Mat. 27:27-32; Mar. 15:15-21)
1Kanaan maayessa Philaaxoos Yesuusiin qabee dhaansise. 2#Luq. 23:11 Loltoonnillee Korbobboo qore'ee maranii mataa irra kaayan; uffatta diimaa itti uwwisan. 3#18:22 Itti dhiyaatanii, «Mootii Yihuudi'ii nageenni siif haa ta'u» jedha'aa dhabanaasaniin. 4#18:29,38; Luq. 23:4 Philaaxoos ammo gara diidaa bayee, «Kunoo yakka tokkollee akka isa irratti hin argine akka beettan isa ammo gara diidaa isinii baasa» isaaniin jedhe. 5#Far. 22:6; Isa. 53:3 Yesuusillee Korbobboo qore'ee mata'atti godhatee uffata diimaa uffatee gara diidaa baye; Philaaxoosillee, «Namichi kunooti!» isaaniin jedhe.
6 #
18:31
Bulchoonni gadootaatii fi hojjattoonni hennaa argan, «Fannisi! Fannisi!» jedha'aa wocan. Philaaxoosillee, «ani yakka tokkollee isa irratti waan hin argineef, isin fuudha'aatii fannisaa'a» isaaniin jedhe.
7 #
5:18; 10:33; Ser. Lew. 24:16; Mat. 26:63-66 Yihuudonnillee deebisanii, «Nu seera qabna; akka seera keennaatitti du'uu barbaachisa. Ilma Rabbii waan uf godheef» isaan jedhan.
8Kanaaf Philaaxoos haga waan kana dhagaye guddisee sodaate. 9#Mat. 27:12-14; Mar. 14:61; Luq. 23:9 Deebi'ee gara moonaa bulcha'aa seenee, «Ati eessaa dhufte?» jedheen.
Yesuus ammo waan tokkollee hin deebifneef. 10Philaaxoos, «Natti hin himtuu? si fannisu'uuf si hiiku'uufillee akka baallii qabu hin beettuu?» jedheen.
11Yesuus deebisee, «Olii uduu sii kennamuu dhabaatee, silaa ana irratti baallii hin qabdu. Kanaafuu ka dabarsee sitti na kenneef cubbuun isaa ka caalu ta'a» jedheen.
12 #
18:37; Luq. 23:2; Hu. Er. 17:7 Asiin maayessa Philaaxoos hiiku'uunii fedhe, haa ta'uu ammo Yihuudonni, «Kana yoo hiitte, ati jaalalloo Qeesaariitii miti; ka mootii uf taasisu maruu faalleessaa Qeesaariiti» jedha'aa wocan.
13Philaaxoosillee waan kana dhagayee Yesuusiin gara diidaa gad baasee, gara hulee dhagaa baxxichaa ka afaan Ibraayisxiitiin, «Gabataa» jedhamuutitti barcumaa murti'ii irra taa'e. 14#Mar. 15:42 Guyyaanillee guyyaa faasika'aaf qophaayan ture; gara sa'aatii jahaatitti Philaaxoos Yihuudotaan, «Mootiin keessan kunooti» isaaniin jedhe.
15 #
18:37; 19:6; Luq. 23:18; Hu. Er. 3:13 Isaan ammo, «Balleessii! Fannis!» jedha'aa wocan.
Philaaxoosillee, «Mootii keessan fannisuu?» isaaniin jedhe.
Bulchoonni gadootaallee, «Qeesaarii achitti mootii biraa hin qabnu!» jedhanii deebisaniif. 16Kanaaf hennaa san akka fannifamu dabarsee isaanitti kenne.
Yesuus Fannifame
(Mat. 27:32-44; Mar. 15:21-32; Luq. 23:26-43)
17 #
Ser. Uma. 22:6
Kanaan maayessa Yesuusiin qabanii deemaniin; fannoo baadhatee gara gaara afaan Ibraayisxiitiin, «Golgootaa» jedhamu hulee «Buqqee mata'aa» jedhamutti baye. 18Achitti isa fannisan; isa woliin kaawwan bita'aa fi mirgaan; Yesuusiin ammo wodhakka'atti fannisan. 19Philaaxoosillee akkasuma barreeffama barreessee fannoo irra kaaye. Barreeffamni sun, «Yesuusii Naazireetii mootii Yihuudi'ii» jedha. 20#Ibr. 13:12-13 Huleen Yesuus itti fannifame waan gara qacha'aa dhiyaatuuf Yihuudonni hedduu barreeffama kana dubbisa'aa turan; afaan Ibraayisxiitiin, Roomaa'aatii fi Giriikiffaatiinillee barreeffameera. 21Kanaaf bulchoonni gadoota Yihuudi'ii Philaaxoosiin, «Akka inni, ‹ani mootii Yihuudotaati› jedhe ati, «Mootii Yihuudotaati jettee hin barreessin» jedhaniin.
22Philaaxoosillee, «Waan barreessu barreesseera» jedhee deebiseef. 23Loltoonni Yesuusiin haga fannisaniin maayessa uffata isaa hulee afuritti qoodanii qoodaman. Qambisaa isaallee hin fudhatan. Qambisaan gubba'aa haga jalaa ka gad diratan malee ka hodhamee miti. 24#Far. 22:18 Kanaaf,
«Hixaa itti haa buufannuu malee, hin biinxinu woliin jedhan.
Kunillee, «uffata kiyya gar gar qoodaman,
kittaa kiyyallee hixaa itti buufatan» ka jedhame
dubbiin kitaabaa akka raawwatamuuf worri loltootaa akkas godhan.
25 #
Luq. 2:35; Mar. 15:40-41 Haa ta'uu ammo fannoo Yesuusii biratti haadha isaa, obboleettii isaa, haadha manaa Qalayoophe'ee, Maariyaamii Maqidala'aatii fi Maariyaamillee achi dhaabatanii turan. 26#13:23; 20:2; 21:7; 2:4 Yesuusillee haadha ufiitii fi darasaa jaalatu isa bira ka dhaabata'aaru hennaa arge, haadha isaatiin, «Haadha tiyya! mucaan kee kunooti» isi'iin jedhe.
27Asiin maayii darasichaan, «Haati tee kunooti» jedheen. Achiin maayessa sa'aatii san irraa jalqabee darasichi gara mana ufii galeen.
Yesuus Du'e
(Mat. 27:45-56; Mar. 15:33-41; Luq. 23:44-49)
28 #
17:4; 18:4; Far. 22:15 Kanaan maayessa Yesuus wonti maruu akka raawwatame beekee dubbiin kitaabaa akka raawwatamuuf, «Dheebodhe» jedhe.
29 #
Far. 69:21
Meeshaan daadhiin woyini'ii dhangaggooftuun itti guuttame tokko achi jira; isaan keessaa tokko fiigee dhufee qaccee ule'eetitti carqii hidhee daadhii woyini'ii dhangaggooftuu keessatti cuuphee, akka afaanitti cophu dhiyeesseef. 30#Luq. 12:50 Yesuus haga hadhaayaa san fudhateen maayii «raawwatame» jedhee mata'aan gad rarra'ee lubbuu ufii dabarsee kenne.
Cinaacha Yesuusii Woraanan
31 #
Ser. Lew. 23:7; Kes. Deb. 21:22-23 Yihuudonni guyyaan guyyaa ayyaanaaf qophaayan waan ta'eef guyyaan Sambataa sun guddaa waan tureef reeffi isaa guyyaa Sambataa fannoo irra akka hin oolle luka cabsanii akka buusaniif Philaaxoosiin kadhatan. 32Loltoonnillee dhufanii luka namicha Yesuusiin afo'otti isa woliin fanniffamee cabsan. 33Hennaa gara Yesuusii dhufan inni sirima akka du'e arganii luka isaa ammo hin cabsine. 34#20:25; Yoh. 1ffaa 5:6,8 Haa ta'uu ammo loltoota keessaa tokko ebo'oon kalee woraannaan yoosuu dhiinninii fi bisaan keessaa jige. 35#21:24 Ka kana argellee akka isin amantaniif rage; ragaanillee dhuga'a, isinillee ammo akka amantan inni akka dhugaa dubbatu hin beeka. 36#Ser. Ba'u. 12:46; Ser. Lak. 9:12; Far. 34:20 Kun wonti ta'eef dubbiin kitaaba Rabbii ka, «Lafeen hin cabu» jedhu akka raawwatamuuf. 37#Zakk. 12:10; Mudh. Yoh. 1:7 Akkasuma kitaabni biraallee, «Worri woraane hin arga» jedha.
Yesuus Awwaalame
(Mat. 27:57-61; Mar. 15:42-47; Luq. 23:50-56)
38 #
7:13; 12:42 Asiin maayii waan Yihuudiin sodaateef dhossa'atti ka darasaa Yesuusii ture, Yooseefiin Armaatiya'aa reeffa Yesuusii fudhachu'uuf Philaaxoosiin kadhate. Philaaxoosillee hin kenneef. Kanaaf dhufee reeffa Yesuusii fudhate. 39#3:1-2; 7:50-52; Mat. 2:11 Akkasuma Niqoodimoosiin achiin dura halkaniin gara Yesuusii dhufe qumbi'ii fi hadhaa hargiisaan wolitti makame haga karbee xaasaa afurtamaa gayu qabatee dhufe. 40Reeffa Yesuusiillee fuudhee akka seera Yihuudonni itti sattaranitti urgo'oon uffata woyaa qoolaatiin sattaran. 41Urgee inni itti fannifame sanitti biqiltu'utu jira. Hulee biqiltu'uu sanitti haga hennaa sanii womaa itti hin awwaalamne. 42Kanaaf huleen awwaalaa dhiyoo waan tureef haga gaafa Yihuudonni qophaayaniitiif reeffa Yesuusii achi kaayan.
נבחרו כעת:
Dubbii Nagayaa Ka Yohaannisii 19: KitWoy
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
