San Mateo 4
4
Kaj tunta u yor a Jesús ten a kisin
(Mr. 1.12-13; Lc. 4.1-13)
1Jesús pura' ten u Pixʌn K'uj, yok'o u lu'mi tu mʌnʌ' nukuch che' woro tikin lu'm yʌn, tiu tunta' u yor ten a kisin.
2Kaj mʌni cuarenta u k'ini y bexi' cuarenta ak'ʌ' u muk'tik u jʌnʌ ti' K'uj, wij'chʌji. 3A kisin xok'i ti' a Jesús ti' u tuntik u yor y lʌji' ka tu ya'ti':
—Wa jach u Ti'ech K'uj, a'ti' a je' a tunich u waysubʌj aj pʌn.
4Jesús tu nuka ti':
—Toj ts'ibʌ' yok'o u t'ʌn K'uj: “Mo' che jari pʌn ku ts'ek u kuxta a winik. Jari u t'ʌn K'uj, lʌji' ku jach ts'ek u kuxta a winik.”
5Y pachi a kisin tu bisa' a Jesús ix Jerusalén a kʌjta a toj lʌji' K'uj yʌni, tu nʌ'sa tu ne kʌ'nʌ u jo' u yatoch K'uj, 6Y tu ya'ti':
—Wa jach u Ti'ech K'uj, purabʌj kaba; toj ts'ibʌ' yok'o u t'ʌn K'uj:
“Ku bin u tuchi'te ti' tech a ángeles, ti' u kʌnʌntikech;
y yete u k'ʌo' ku bin u li'sech,
ti' ma' k'ʌrʌ'che'tik tunich yete a wok.”
7A Jesús tu nuka ti':
—Ts'ibʌ' bexi' yok'o u t'ʌn K'uj: “Mʌnʌ' a tuntik u yor ak Ts'uri a K'uj.”
8Ij ka' bisa' a Jesús ten a kisin yok'o wits tu jach ne kʌ'nʌ, y tu laj e'sa'ti' tu woro u kʌjtai a lu'm a ne ts'uriukʌ' y u muk'o. 9Y a kisin tu ya'ti' a Jesús:
—Tu woro a je' a ba' ka wirik ki bin ts'atech, wa ka wuts'ik a pix ti' ten y ka k'ujintiken.
10A Jesús tu nuka ti':
—Xen, Satanás, toj ts'ibʌ' yok'o u t'ʌn K'uj: “Jari ak Ts'uri a K'uj ka bin a k'ujintik y jari ka meaj ti'.”
11Lʌji' tuk'in a kisin tu p'ʌta a Jesús; ij taro' a ángeles ti' u meajo' ti' a Jesús.
Jesús ku chu'sik u tsikbʌtik u t'ʌn K'uj ix u lu'm Galilea
(Mr. 1.14-20; Lc. 4.14-15; 5.1-11; 6.17-19)
12Ka tu yua a Jesús mʌka a Juan, suti ix Galilea. 13Chen moj p'ati ix Nazaret, toj jari bini tu kʌjta ix Capernaum u xur u petai a Galilea a to'o tita u lu'm a Zabulón y Neftalí. 14A je' a ba' mʌni lʌji' ti' u nup'u a ba' ts'ibʌ' yok'o u ju'ni a profeta Isaías a ku yei'k:
15«U lu'm a Zabulón
a tiʌ tu xur a peta',
y u lu'm a Neftalí,
a tiʌ tʌtʌjʌn ti Jordán:
Y Galilea, to'o tu laj kʌjo' tu woro a moko' mo' judíos.
16A winiko' a ku mʌno' ix ts'uak'ʌ
tu yira jump'e kip' ne sasi,
ti' a mok tio' yok'o u ts'uak'ʌ tu yʌn kimi.»
17La'kin kaj chu'mpʌ a Jesús u tsikbʌtik u t'ʌn a K'uj y bex tu ya'a: «Sute'x a t'ʌne'x ti' K'uj, ka wirke'x ya xok'i a tu ku wesintik K'uj a tiʌ kʌ'.»
Jesús ku t'ʌnik laj tu nup xi'ra au nʌj meaj lʌji' luts kʌy
(Mr. 1.16-20; Lc. 5.1-11)
18Tʌn u mʌn Jesús yok'o u xur u peta' a Galilea, tu yira a Simón yete Andrés u yits'in a Simón, tʌn u purko' a ba'i tuku chuka' kʌy ix peta', y lʌji' u nʌj meajo', a luts kʌy. 19Y Jesús tu ya'tio':
—T'ure'x in pach, y ten kin bin in wayse'x a meaj, a ku lutsik winik.
20Toj se'p' tu p'ʌto' a ba'i tuku chuka' kʌy ij bino' tu pach a Jesús.
21Chen bini más tataj Jesús, tu yira a Jacobo yete Juan u yits'in a Jacobo, lʌji' u ti'o' Zebedeo, ti' yʌno' yok'o chem tʌn u ki utskintiko' a ba'i tuku chuka' kʌy. Jesús tu pʌyo'. 22Y toj se'p' tu p'ato' u tet y u chemo' ij bino' tu pach a Jesús
Jesús ku kʌ'sik ne pim winik
(Lc. 6.17-19)
23Jesús mʌni yok'o tu woro u lu'mi Galilea y yok'o u nʌji tuku much'ik u bʌjo' a judíos u xake u t'ʌn K'uj, tij mʌni tu kʌ'sa. Tʌn u tsikbʌtik u jach tsoyi u t'ʌn K'uj tu ku wesintik K'uj y bexi' tu ts'ʌka a winiko' a mok mo utso' y to'o yʌn ba' ku yui'ko'. 24Y laj ch'ikibini u tsikbʌta' ch'ik tu woro Siria, tu woro a ba' tu meta a Jesús y chu'mpʌ u tasa ti' a mok mo' utso' y yʌj ba' ku yui'k y bexi' a mok akʌ' kisin tu yok'o y mok ku p'uju u yaji y bexi' a mok muj xima y muj pek. Y a Jesús tu laj ch'ensa tu woro'.
25Y ne pim u winki Galilea, y Decápolis, y Jerusalén y Judea y u winki tʌtʌjʌn ti' a Jordán tʌn u t'urik u pach a Jesús.
נבחרו כעת:
San Mateo 4: PLacNaha
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Sociedad Biblica de México AC