एहुना नाःआ कागद बदीरे
नाःआ कागद बदीरे
मनुवाकूराः सुरइत मुरइतरे होड़कू तलारे डेरानेना भगवानराः ओरो टुटीगनेना हना सरवन, ईसू मसी हवे माःआन नाःआ कागद उदुःगेता (एहु 1:14)। ईसू, भगवानरीग बेटात, मसी हवे माःआन होड़कू बिसवासगोड ञवन लगा अरू हाँयराः ञावते जीवकू पवाः लगा नाःआ कागदरे ओजाःतो इदा।
ईसू भगवानराः ओरो टुटीगनेना हना सरवन हवे माःआन एहुना कता उदुःकेरा। हाँय ईसू एचेतेरा हना एटाः एटाः बयाव जुवाः इयाःआ कहड़ीकूनते भगवान जबानतेरा हाँयग मसी माःआने कता उदुःबाःगोतेरा। नाःआ कहड़ीकूनराः मतलोब हना तयोमरेय एचे सुदीबूतना। ईसूराः सरवनकू अयूमतेरा हँकू अते अदोम होड़कू ईसू एचेरेकू बिसवासतेरा अरू हाँयरिकुःआ चेलाकूकू बड़ाँवनेना मनदो अदोम होड़कू हाँयकू घंटावतेरा अरू मेरकू बिसवासगडीग। पाठ 13 अते 17 वरी ईसूकू साबतेरा हना रइत ईसू अनँयगरिकुःआ चेलाकू सुदा मुरुक कताकूने कता उदुःतेरा अरू हाँयराः गुजुः अते मड़ंग रइत हाँय चेलाकूतेन एचेरे अलोपे बोर माःआने कता बहालगोतेडकू। टुटीग पाठकूनरे ईसू करा इयाकू एचे साबतिरिया, करा इयाकू फड़ियावतिरिया अरू करा इयाकू ञेड गोएगतिरिया अरू गोएगतो होड़कू अते हाँय करा इयाय जियाव रेमनेना अरू जियाव रेमनेनखन चेलाकू एचेरे करा इयाय एचे ञेलनेना हना हों ओजाःतो इदा।
एहुना मीटोंग मइद कता नाःआ कागद अते अबू उदुःवा लगाय चहाःतना। ईसू, दूर, सताय अरू जीव हवे माःआनकू बिसवासगेयता हँकुःआ होड़कू लगा भगवान ओरो टुटीगनेना हना जीवे एमेवाकूता। होड़कू बिसवासगेतान मेला हना जीव हँकू एचेरे बुँहड़ीनता अरू कहियो मेर टुटीगगुःता। एहुना ओजाःतेरा हना नपाय सरवनरे दाः, रुटी, मरसल, सरवाहा अरू भेड़ाकू, अंगूर लरंग अरू डइड़कून, नाःआ जमाकून अउल-तउलकेडखन भगवानराः राइज बदीरेय कता उदुःकेरा।
बिसय सूची
ईसू इये हवे? 1:1-51
ईसूराः सातगोटोंग बयाव जुवाः इयाःआ बुताकून 2:1–11:44
गुजुः अते मड़ंग ईसूराः टुटीग दिनकून 11:45–19:42
अनँयग चेलाकू एचेरे ईसूराः एचे ञिलुः20:1–21:25
נבחרו כעת:
एहुना नाःआ कागद बदीरे: kfp
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© (Active) Wycliffe Bible Translators, Inc. All rights reserved.