ILOOWALI 2
2
1Yi mailapatolo mola ngoilanggubu aalamu pilopowali-Lio. 2Todulahee opitulio Allahu Taa̒ala malo poo̒lapato kalajaa-Lio boito, tulusi Tio lohuheli. 3Yi bilalakatia-Lio dulahee u opitulio boito wau pilopowali-Lio dulahee utolo-tolomodu, sababu todulahee boito Allahu Taa̒ala lohuheli lapatio mao̒ lopoo̒ lapato kalajaa-Lio. 4Ui-uitolo wungguli lou̒ ngoilanggubu aalamu pilowali-Lio.
Tamani Eeden
Tou̒ Eeya Allahu Taa̒ala lopowali mai ngoilanggubu aalamu, 5dipoluo bili u lobotu mai wau dipooluo pilomulo tohuta, kalana Eeya diipo lopo tuhutai didi wau dipoluo tau u mokalaja huta boito. 6Bo taluhe malo pentelai lonto walungo wau loo̒bata tudu lohuta.
7Lapatao̒ Eeya Allahu Taa̒ala lohama ngoi̒di huta, lopowali mao̒ lowali ngotaalio lo manusia, tulusi lopohiipao̒ napasi u longohi tutumulo ode delomo wulingio; yi maa tilumumulai manusia boito.
8Wumbutio mola Eeya Allahu Taa̒ala lohutu tamani to Eeden, to wimbihu tiimuru, wau pilopo tambati-Lio mao̒ teto manusia tamaa pilopowali-Lio boito. 9Eeya Allahu Taa̒ala lopobutu mai totoonulalo bungo lo ayu hidala-dalaala u mopiohe, u mongohi mai tilapulo huhuu-ngowaalo u mopiohe. To hungo lo tamani tumu-tumulo bungo lo ayu u mongohi tutumulo, wau bungo lo ayu u mongohi pongotota tomimbihu u mopiohe wau u moleeto.
10Dutula tuwau tolo-tolohe monto Eeden, moo̒obata tamani boito; wau to bulemengo lo Eeden dutula boito leitayade lowali tilitangoa wopato. 11U bohulio ilunte Pisoni; dutula boito tolo-tolohe pali-palita tohuta lo Hawila. 12Teto woluo hulawa tutu wau olo yilonta u mototolo odungga, wau boboo-tuwaalo poliyoto. 13Dutula u oluolio ilunte Gihoni; taluhio tolo-tolohe pali-palita tohuta lo Kus. 14Dutula u otolulio ilunte Tigirisi wau tolo-tolohe to wimbihu timuru lo Asyur. Dutula u opatio ilunte Eperat.
15Lapatao̒ Eeya Allahu Taa̒ala lopo tambati mao̒ manusia boito to Tamani Eeden u motolopani mao̒ wau molaala tamani boito. 16Allahu Taa̒ala lotahuda mai to manusia boito, “Yio̒ mowali molamela huhuu-ngowaalo monto ngoa̒amila bungo lo ayu to tamani boito, 17ngopohia monto bungo lo ayu u mongohi mai pongotota tomimbihu u mopiohe wau u moleeto. Hungolio diila mowali tamelomu; wonu tamelomu, yio̒ tantuulo mao̒ maamate todulahee boito olo.”
18Lapatao̒ Eeya Allahu Taa̒ala lotahuda, “Diila mopiohe manusia tumumula tutuwau. Wau̒ mamohutu mai sahabati u motuuu̒de u momantu mao̒ olio.” 19Yi Tio malohama huta ngoi̒di wau lopowali totoonulalo binatangi hidala-dalaala lotudulio wau binatangi lodulente. Ngoa̒amilalo dilelo mai lo Allahu Taa̒ala ode manusia boito u momiloheo̒ tanggula wolo u mawohilio to bibii-natangiyalo boito. Ui-uitolo asaliilio mai binatangi to tudulio wau to dulente tinggai loo̒tapu tanggulio. 20Odi-odieelo mola manusia boito helongohi mao̒ tanggulo to ngoa̒amila binatangi to tudulio wau to dulente. Bo diaaluo penu boli tuwau mao̒ to wolotalio mowali mali sahabati umotuuu̒de u momantu olio.
21Lapatao̒ Eeya Allahu Taa̒ala lohutu mai manusia leinuloto daa̒, wau tou̒ tio donggo yinu-yinuloto, Eeya Allahu Taa̒ala lomahutao̒ tala tuwau lodatala lonto batanga lo manusia boito, tulusi lolau̒beo̒ bakasiilio wolo tapu. 22Lonto datala boito Eeya lopowali taabua ngota, tulusi lodelo mao̒ olio ode manusia boito. 23Yi malo loi̒ya manusia boito,
“Utie tio, taa u tutuuwauwa wolau̒ –
tulalo lonto tulaluu̒, wau tapu lonto tapuu̒.
Tanggulau̒ tio taabua, sababu tio hilama lonto talolai̒.”
24Uitolo sababulio talolai̒ mololaa mao̒ tiyamo wau tiilolio, wau motituwau wolo dilelio, tulusi duduulota mowali tuwau.
25Talolai̒ wau taabua boito laalaala, bo timongolio diila molaasa moolito.
נבחרו כעת:
ILOOWALI 2: LAIGOR
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו