Chakruok 9
9
Singruok ma Nyasaye otimo gi Nowa
1 #
Chak 1.28. Nyasaye noguedho Nowa gi yawuote, mowacho nigi niya, “Medreuru mondo upong’ piny. 2Le duto mae piny, kod winy duto mae polo, gi gik moko duto mamol e lowo, kaachiel gi rech mae nam, noluoru, kendo aketogi e luetu. 3Gimoro amora man gi ngima, kendo mawuotho, nobed chiembu. Kaka ne amiyou alote, e kaka koro amiyou gigo duto. 4#T.Lawi 7.26, 27; 17.10-14; 19.26; R.Chik 12.16, 23; 15.23.To mak mana ni kik ucham gimoro mapok rembe ochuer piny, nikech remo e ngima. 5Ka remb dhano ochuer, to nachul kuor, bed le, kata dhano wadgi, ema onege.”
6 #
Wuok 20.13; Chak 1.26. “Ng’at monego dhano,
en bende nyaka nege,
nikech Nyasaye nochueyo dhano e kite owuon.
7 #
Chak 1.28. To un, medreuru mondo upong’ piny duto kendo uriti.”
8Nyasaye nomedo wacho ni Nowa gi yawuote niya, 9“Koro atimo kodu singruok, kaachiel gi nyikwau, 10kod gik mangima duto man kodu bende, kaka winy gi jamni gi le kod gimoro amora mosewuok e yie. 11Singruok matimo kodu e ma: Onge chieng’ moro kendo, ma pi nokethie piny gi gik mangima mantie.”
12Eka Nyasaye nowacho kendo niya, “Koro aketo lihudu mara e boche polo, mondo obed ranyisi mar singruok ma asetimo kodu kaachiel gi gik moko duto mangima. 13Enobed ranyisi mar singruok masetimo ni piny duto. 14Kinde moro amora ma amiyoe piny odudo, mi lihudu ochung’ e boche polo, 15to anapar singruok masetimo kodu kaachiel gi le duto ni pi ok nochak oketh gik mangima duto. 16Ka lihudu ochung’ e boche polo, to anane, kendo anapar singruokna mosiko e kinda kod gik mangima duto manie piny.” 17Nowacho ni Nowa niya, “Mano e ranyisi mar singruok matimo ni gik mangima duto manie piny.”
Nowa gi yawuote
18Yawuot Nowa manowuok e yiego ne gin Shem gi Ham kod Jafeth. Ham ne wuon Kanaan, 19Yawuot Nowa adekgi ema nobedo kwere ji duto manie piny ngima.
20Nowa ne en japur, kendo en ema nokwongo pidho mzabibu, mi olosogo divai. 21Nomadho divai momer, monindo duk e hembe. 22To Ham wuon Kanaan noneno dug wuon, mi nodhi onyiso owetene ariyo mane ni oko. 23Kane Shem gi Jafeth owinjo wachno, ne gikawo nanga, mi giketo e gokgi, kendo ne giwuotho gi kang’egi, mi giumo dug wuon-gi. Ne giloko wigi mondo kik gine duge. 24Kane Nowa ochiew bang’ mer, kendo ne ofwenyo gima ne wuode matin otimone, 25nowacho niya,
“Okwong’ Kanaan,
kendo obed misumba owetene.”
26Eka nomedo wacho niya
“Ruoth Nyasaye oguedh hemb Shem,
to Kanaan obed misumba Shem
27Nyasaye mondo omed Jafeth,
kendo nyikwaye mondo odag gi joka Shem.
To Kanaan obed misumba Jafeth.”
28Kane pi oseketho piny, Nowa nochako odak kendo kuom higni mia adek, 29eka notho kane en jahigni mia ochiko gi piero abich.
נבחרו כעת:
Chakruok 9: DHO15
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Dholuo DC Bible © Bible Society of Kenya and Bible Society of Tanzania, 1976.