Kusintii Andunya 6:1-4

Si waati iyi amanɛ ŋa à sinti ku kpɔ si ilɛ nɔ à bí ama inaabo ŋa, ŋɔi inɛi Ilaaɔ̃ ŋau à yɛ iyi ama inaaboi inɛi andunya ŋau à sĩa nɔ à cica ŋa à ce abo. Ŋɔi Aɔ̃ Lafɛ̃ɛ í ni, hundem kaa maa wa si amanɛ do ajɔ fei domi amanɛ ilu arai nɔ kukpɔi adɔ̃ɛ kaa re adɔ̃ cifa (120). Waati bɛɛbɛ mɔkɔ ngbɛ ŋai à wa si andunya hee do waati iyi inɛi Ilaaɔ̃ ŋa do ama inaaboi inɛi andunya ŋa à tɔtɔɔ à bíò ama nŋa ŋa. Mɔkɔ ngbɛ nŋu ŋau bɛ aŋai à nya iri wo tako.