פסוקים פופולריים מ- Ol Provep 15

שתף

Aa medame ne-para ronopi agaa meda tea-dare nipuna agaa kumapimi abulape. Goa pali rabu nipuna ratu yawe kone dia yalia. Go yapare neme aa meda-para ero agaa loa yala mapaliri mo aame ratu adaa yawoa ne-para ratu waru yawalia.

Adaa Aa-na rolo-para awalidare epe kone meape porana re go iada. Nena bipa ne narabuniaawa epe pora narataliri gore ne adaa bi mada nameali.

Aa medame epe agaa onaa luabu laketa rabu go agaa pageme onaa luabu nimu laipi kalape repena nonapina agaa pagalimi. Go yapare aa medame onaa-para wae agaa-teare onaa luabuna kone ma-oyalia.

Neme kogono meda pulalo pali-dare aanu adaapuna kone aba meape. Goa pali raburi mo nena palide kogono luabu ora epealia. Go yapare neme aa medana kone namealiri nena kogono ini namadialia rabu pama kalaipu kogono pusali.

Gore aa medana robaa-para epe kone saliare nipuna ini agaa-para epealia. Go yapare aa meda nipuna ini agaa-para roke rialiare nipuna robaa-para ota.

Adaa Aa-me su luabu-para pea yae rayo ada makuaaya. Nipumi epe aa wae aa luabu ado kiritea.

Gore neme oge oyaesinu saa pirua Adaa Aa-na agaa pago ratua nipuna rolo-para piti-daare gore ne epe-rupa pirua kedaa riawa yaeme mone adapu i amope page rabuaniaaya.

Ratu yawea aamere mo aa meda page ratu mayawaya. Go yapare epe lo robaa kumapu i aame aanu medaloma-na kone lo rabaa pawa ma-epeaya. Goa pua nimu lo robaa padane-para sua mapiraya.

Epe redepone aame kone aba waru niminaawa aa medana agaa orope abuta. Go yapare wae aa-me agaa aipapulu talo pea raburi nipuna agaa wae luabu pa ta.