פסוקים פופולריים מ- ṮAKWIIN 11

שתפו

Dhali Tap̱a ki o gwo mo ki: Hili mo mo ma, uni ta ’kwani jin ṯala en ’de/ mo dhali uni ’baar mo wal ’twan ṯal ’de/ mo, dhali a’di ta jasi monṯel ’pen jin ṯwa/a/ mo a’di jin mina uni mii mo, dhali ma to yin jin mina uni o bwa mmomii mo tani a’di midi diki ta to jin midi p̱i uni e mo. Iiyu/ mo dhali dhalki ana iina ka ’cesh mo dhali tuŋkur uni ’twa/ is mo ki uni mini ’koki mish ciḵ gwo ka gam ’kup̱ mo jin wala uni mo.

Dhali yan’ko’d uni ki o gwo mo ki: Iiyu/ mo dhalki ana nyaŋa dhan ’peŋkuman bampa/ gom is bana mo dhali gu’b jin turatur, a’di jin midi gu ’kup̱ piti gamki mis mo dhali dhalki ana ’kwara gwo gom is bana mo isi ciki/ ki ana ’konuki c̱eker bwa e bwam/e gi mony’ceshi ’baar mo.

Wakan gway piti yuḵu gway ka Baabil mo haali/ Tap̱a tuŋkurki ’twa/ gi mony’ceshi ’baar mo is mo, dhali ’peni mun mo tani Tap̱a ki c̱eker uni bwa eya ris bwam/e gi mony’ceshi ’baar mo.

Dhali aris ’kwani ’baar mo kun ’koni mony’cesh mo tani uni ta gi jasi ’twan ’de/ jin wala uni kadhamo/ mo dhali ’twa/ yisa misha uni ki thatha/ thatha/ yisa.

Dhali Tap̱a a’di thulki’d ka ’cesh mo mmop̱ar ’peŋkuman bampa/ e mo dhali gu’ba turga/ yan mo a’di jin nyaŋkina iya/ gi ’kwani mo.

Wakan Tap̱a ki c̱eker uni bwa e mo ’baar mo ’peni mun ntagi bwam/e gi mony’ceshi ’baar mo, dhali uni dhalki ’peŋkuman bampa/ ’pen ki dar gi mo jin ’kona uni ki ’ka a’di ’kup̱ mo.