פסוקים פופולריים מ- YOHANÉS 15

שתפו

Akuy dé pu’u anggor, méu rengkad. Céing ata ka’éng oné Akun agu Aku ka’éng oné hiak, hia te wua doy, ai be pé’ang mai Aku, méu toé ngancéng pandé apa-apas.

Ka’éng ga oné Aku agu Aku oné méuk. Cama ného rengka toé ngancéng wua kaut le run, émé hia toé cing oné mai pu’u anggory, nenggitu kolé néng méu, toé wuam émé toé ka’éng oné Akum.

Émé méu ka’éng oné Akum, agu curup Daku ka’éng oné méus, tegi apa kaut ngoéngs, méu te tibas.

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

Toé manga momang ata be lé main oné mai momang de cengata hitut oké mosén latang te haé reban.

Néténg rengka oné Aku situt toé wuas, rociks Liha, maik néténg rengka ata wuad, dawings Liha kudut tambang recut wuad.

Ho’oy perénta Daku: Porong méu momang taus, ného Aku poli momang méug.

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

“Akuy dé pu’u anggor ata molor, agu Ema Daku ata rébokn.

Céing ata toé ka’éng oné Akun, hia te rocik oké pé’angy ného rengka, agu dangon ga. Poli hitu congko lata oké oné api te tapas.

Sanggéd situ taés Laku agu méu kudut nisang nai Daku manga oné méuy agu nisang nai de méu ciri penongy.

Émé méu lut perénta Dakum, méu te ka’éng oné momang Dakum, ného Aku lut perénta de Emag, agu ka’éng oné momang Dihak.

Ho’oy perénta Daku oné méu: Momang ga cama haé atas.”

Émé rapangn méu oné mai linos toét toé lino momang méuy ného paéngn. Landing woko méu toé oné mai linos, maik Aku poli lir méu oné mai lino, itu tara kodos méu le lino.