פסוקים פופולריים מ- Lucas 23

שתף

Vanꞌit tseꞌe je̱ Jesús vyaajñ: ―Tata, me̱e̱ꞌkxjada toꞌk aaj je̱ tyo̱kin ku̱x kaꞌa ya̱ꞌa̱ veꞌe du̱nu̱jávada ti veꞌe tyoondup. Vanꞌit tseꞌe je̱ tojpata̱jk je̱ Jesús je̱ vyit du̱pa̱jkvaꞌkxti je̱tseꞌe du̱nu̱kooꞌyidi.

Vanꞌit tseꞌe je̱ Jesús yꞌatso̱o̱jvji: ―Tyú̱vam xa a̱ts mitseꞌe nnu̱u̱jma je̱ts u̱xyam mitseꞌe mꞌijtnit a̱ts ma̱a̱t joma veꞌe je̱ Nteꞌyam je̱ jyayu du̱ja̱a̱jna du̱ta̱jka.

Vanꞌit tseꞌe je̱ Jesús du̱nu̱u̱jmi: ―Jesús, jaaꞌmyé̱tsu̱ a̱ts mits toꞌk aaj ku veꞌe myakkutojkꞌukvaannit.

Ku veꞌe veꞌem jyajty, vanꞌit tseꞌe je̱ Jesús ma̱kk kya̱jts. Jidu̱ꞌu̱m tseꞌe vyaajñ: ―Tata, je̱m xa a̱tseꞌe mits mka̱ꞌm ya̱ njaꞌvin mpu̱m. Ku veꞌe veꞌem vyaajñ, vanꞌit tseꞌe je̱ jyaꞌvin tyukvaatsji.

Ku veꞌe jye̱ꞌydi joma veꞌe je̱ it juuꞌ veꞌe du̱xa̱a̱j Kuxútum, je̱m tseꞌe je̱ Jesús du̱yakcruuzpe̱jtti ma̱a̱t nu̱me̱jtsk je̱ to̱kin toompada, toꞌk je̱ja je̱ Jesús yꞌakaꞌyu̱n paꞌayi je̱ts jadoꞌk yꞌanaja̱paꞌayi.

Kujk xa̱a̱j joꞌn tseꞌe vyeꞌna, vanꞌit tseꞌe nu̱jom je̱ it je̱ naax kyo̱o̱ꞌtsiku̱jx. Toojk yaaxp paatts je̱ꞌe̱ veꞌe je̱ it yꞌijt ko̱o̱ꞌts. Je̱ꞌe̱ ka̱jx tseꞌe veꞌem jyajty ku̱x vinko̱o̱ꞌtsi veꞌe je̱ aampa xa̱a̱j. Ka̱kojk tseꞌe kya̱a̱ꞌtsvaꞌkxy je̱ ata̱tyok juuꞌ veꞌe je̱p ma̱ja̱ tsaptu̱jkp tukꞌata̱tyuk je̱ it juuꞌ veꞌe je̱ kunooꞌkxu̱n munu̱yojk du̱ma̱a̱t.

Je̱ tojpa juuꞌ veꞌe du̱nu̱vintsá̱nip nu̱mó̱kupx je̱ tojpata̱jk, ku je̱ꞌe̱ veꞌe du̱ꞌix juuꞌ veꞌe tu̱tyunju̱ tu̱kya̱tsju̱, vanꞌit tseꞌe je̱ Nteꞌyam du̱yakma̱ji du̱yakjaanchi je̱tseꞌe vyaajñ: ―¡Tyú̱vamdam xa je̱ꞌe̱ veꞌe je̱ts kaꞌa ya̱ꞌa̱ veꞌe ya̱ jayu ti to̱kin tu̱du̱tún!