פסוקים פופולריים מ- Kushangumuka 17

שתף

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe

Lizina lyove kuvakalitumbula lalo Avilama, oloni likapwa Avilahama, omwo njilinakukupwisa kukulwila ya miyati yaingi.

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

“Kenga, njilikumiiya cikumiiyo nove. Njikukulaesa ngwange yove ukapwa kukulwila ya miyati yaingi.

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?”

Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.

Co mukatuuka ku situ ya cikonde ceni ngeci cikapwe cizivukiso ca cikumiiyo akati kange neni.

Oloni njikakolesa cikumiiyo cange na munove Isake, uje akasemuka kuli Sala a simbu ino vene mungolosika.”

Tunde ano na kulutwe, munapande kutuula mbututu woshe wa munalume omo ali na matangwa atanu na atatu akusemuka kwendi, amo na vindungo vakukitila mu vinjuvo vyeni, amo na vindungo lalo vakulanda kuli vangenzi. Eci cinapu cizivukiso ca cikumiiyo akati keni nange ku visemwa vyeni vyoshe vya kulutwe. Munalume woshe uvakakita mu vinjuvo vyeni, nambe wakulanda na vimbongo, napande kutuuka. Co cikumiiyo cange cikakala a mivila yeni mukupwa cikumiiyo ca ku myaka yoshe.