פסוקים פופולריים מ- Ioane 2

שתף

Na faia e Iesu lenei ulua‘i fa‘ailoga i Kana i Kalilaia, ma fa‘aali mai ai lona mamalu; ‘ona fa‘atuatua ai lea o ona so‘o ‘iā te ia.

‘Ua fetalai mai Iesu ‘iā te ia, “Funa e, se a ‘ea se mea ‘ua e mana‘o mai ai ‘iā te a‘u? E le‘i o‘o i lo‘u itū aso.”

‘Ua fetalai atu Iesu ‘iā te i latou, “‘Inā fa‘atūtūmu ia o vai i suāvai.” ‘Ona latou fa‘atūtūmuina lea, ‘ua o‘o lava i lau. ‘Ua fetalai atu o ia ‘iā te i latou, “‘Inā asu ane ia, ‘inā ‘ave i lē pule i le tausama‘aga.” ‘Ona latou avatua lea.

‘Ua tali atu Iesu, ‘ua fa‘apea atu ‘iā te i latou, “‘Inā lepeti ia o lenei malumalu, ‘ona ‘ou toe faia lea i aso e tolu.”

‘Ua ia faia le sasa i maea tua iti, ‘ona tutuli atu ai lea ‘iā te i latou uma lava i fafo o le malumalu, o mamoe ‘atoa ma povi; ‘ua sasa‘a ifo fo‘i tupe a tagata fa‘atau tupe, ma fuli atu laulau. ‘Ua fa‘apea atu fo‘i o ia i ē fa‘atau lupe, “‘Ave ‘ese ia nei mea; ‘aua le fai le fale o lo‘u Tamā ma fale fa‘atau ‘oa.”