פסוקים פופולריים מ- Kenese 9

שתף

‘Ua fetalai atu fo‘i le Atua, “O le fa‘ailoga lenei o le feagaiga ‘ou te faia ma ‘outou, ‘atoa ma mea ola uma o ‘iā te ‘outou, e autupulagā lava; ‘ua ‘ou tu‘uina la‘u nuanua i le ao, e fai ma fa‘ailoga o le feagaiga a le lalolagi ma a‘u.

E i ai fo‘i le nuanua i le ao, ‘ou te va‘ai fo‘i i ai, e manatua ai le feagaiga e fa‘avavau ‘ua osia e a‘u o le Atua ma mea ola ‘ese‘ese uma lava o i le lalolagi.”

O sē na te fa‘amaligiina le toto o le tagata, e fa‘amaligiina lona lava toto e le tagata; auā o le fa‘atusa o le Atua na fai ai e ia le tagata.

‘Ua fa‘amanuia atu e le Atua ‘iā Noa ma ona atali‘i, ma ‘ua fa‘apea atu ‘iā te i latou, “‘Ia ‘outou fanafānau ma ‘ia uluola, ma ‘ia tumu le lalolagi ‘iā te ‘outou.

O mea ola uma e feoa‘i e a ‘outou ia e fai ma mea e ‘ai ‘ua ‘ou foa‘iina atu ma ‘outou o mea uma, e pei o la‘au afu e tupu lauolaola.

O le mata‘u ‘iā te ‘outou ma le fefe ‘iā te ‘outou e o‘o i manu vaefā uma o le lalolagi ma manu felelei uma, ma mea uma e feoa‘i i le ‘ele‘ele, ‘atoa ma i‘a uma o le sami; ‘ua tu‘uina atu ia i o ‘outou lima.

O ‘outou fo‘i, ‘ia ‘outou fanafānau, ma ‘ia ‘outou uluola; ‘ia ‘outou tuputupula‘iina i le lalolagi ma ‘ia ‘outou uluola ai.”