פסוקים פופולריים מ- Geenesis 17

שתף

Abram jaara tari shocotejoquiaari noventa y nueve marijia, Pueyasoori nocua muetaquiaari. Naa na sequereeri: —Janiyari Pueyasojuanaani, cumaacaraca quijiajuhuanajaj. Janiyari quia panitiaani maninia quia quiniuria quiria pueyaracaanu. Majaari sesa miiniu.

Naacuatej, majaari tari quia jiyaniquishaanu quiniutianiya Abram. Janiyacuajaari quia jiyatenutaniya queraatia tiacaca camaruhua supuetanarani. Naacuatej quia sesaari Abraham.

Nio seetanujuanaa cua sequesano quiajaniyani, na nuhuaji quiocuajinio caneriquiano pueyaranojaariuhuaj, cunoori nio: Janiyari pueyaracaanu quia Pueyaso quiriquianoni, quiocuajinio caneriquiano pueyapue Pueyasojuhuaj.

—Nio quiarijia cua sequesano quiajaniyani, nioori seetanujuanaa: Quiaari queraatia pueyapue supuetana quiriquiano. Quiocuajinio caneno pueyari queraatia jiyaca camaruhua quiriquiano.

Pueyasoori saaja naa riucuaree Abrahamtej: —Janiyajanaacuajaari tari quia sequereeni, quia niquio Saraari quia mueya ranutaniya, cayaniyojua. Quiocua na jiyaniquiri Isaac. Tariucuacaanu seetanujuanaa cua sequesano quiajaniyacuaatej, janiyari quia niyanu Isaac caminiutianiuhua sequenu cunojaniuhuaj. Janiyari nocuajinio caneriquiano pueyapueecua cojuariquiano pueyaracaanu seetanujuanaa cua sequesano quiajaniyani.

Quiara, quiocuajinio caneno pueyarajuhuaj, janiyari niaarano niquitionutaniya puetunu nio Canaan jiyajanaani. Cunoori nio jiyacuaja quiaa tii quiyani. Nio jiyari niaarano pueyaracaanu. Janiyari nia Pueyaso quiriquianonijia.

Naa Pueyaso sequesano Abraham tojiniu nuhuajitij, mojoquetareeri. Na jiniji rupueteree jiyocuaari Pueyaso na maniniuhuaqueetanura. Sorequereejaariuhuaj naa na niishiriojosacari: “¿Tariucua cien marijia shocotejonu saaquianoteeri na naata manajotanujaarani? ¿Sarateeri mueya ranu naatajaarani? ¡Nojuajaari tariucua noventa marijia shocotejonu!”

Pueyasoori naa sequequiaari Abrahamjuhuaj: —Quia niquio Saraini, majaari tari naa na sesa quiniu quiniutianiya. Quiarijiajiniji na sesaari Sara.

Naa nia miiri tama nia cuaqueyajiniajaajatej, cuno cushirijiniji cua niishiniuria niajaniya, niaari cua saquiriojosano pueya. Cuno seetanujuanaa cua sequesano niaaranonij.

Janiya cutaraari seetanujuanaa cua sequesano quia niyanu Isaacra cojuanutaniyani, teyano Sara ranutaniya quiara tamonu marijiara juhua nio juucaraja. [Naa Pueyaso sequenu nuhuajitij, Abrahamri cuno juucaja tama na sapiquianacoocua jiyataquiaari, neyanu Ismael sapiquianacoocuajaajanio. Puetunu Abrahamta quijiaca sapiquianacoocuajanaari jiyatoosaaquiaarijuhuaj.]

Quiarijiajiniji, puetunu shusha rananu cayaniyojuajanaa na sapiquianacoocua cuaara jiyatasaaria ocho juuca na rasaanu nuhuaji. Quiocuajinio caneno pueya cuaara naa miiria pueyaracaanutej. Naajuhuaj, taucuacajinijinio nia cumaneecata nia masesano taucuaca naa nia jiyatarejuhuaj. Puetunu niajaniyajanaa, niaata quijiaca taucuacajuhuaj, naa miijiaca nia quiriquia pueyaracaanutej. Naa cua sequesano nia miiniuucua nia cuaqueyajiniatej, cuno cushiri nia jiitiasacari, majaari cua jatanu quiniutianiya niaarano cua sequesano niajaniyani. Naa niaarano quiriquiano pueyaracaanuuri.