פסוקים פופולריים מ- Marko 6

שתף

Vsvngrì vtíshì we luq rvtnø̀, àngmaqí v́mpà v́m gø mvlú:nò høq íe. Wervt Yesuí coqcv́nrì sv̀ng, “Vsv̀ng màvl we tiqyv́ng nøngmaq wa dìì nø̀ narshìá:mì,” a:lòe.

Íwe Yesuí àngmaq sv̀ng, “Kàdvtutshú nø kayv́ng gø dvgùng lú:nò we, vdè mvrìng, vdè rvprì nv̀ng vdè chø̀m vsv̀ngrìí nø màpǿò,” a:lòe.

Yesu nø kùngshí kèní léshì daqì ke, vsv̀ng loksok sv̀ng yv̀ng bǿà. Àngmaq nø roqshú màdá we vyv̀ngré dø í rvt, mvré lú:ngà nø̀ À:ngí àngmaq sv̀ng mvshǿl mvme pv̀n shvngøt pà:ngòe.

Àng sv̀ng àngmaq mvkv́m rvt Yesu dàe. Wervtnø̀ za we tiqmaq sv̀ng Àng wur hapshì nø̀ dvba:nò we wa mø̀í nìnø, dvgá dø dàlv́m bv̀nlì kapà gø we yv́ng À:ngí wá mvlú:nò. Weyv́ng kèní gùrhøm vl we tiqrvwá nø tiqrvwá sv̀ng Àng di nø̀ shvngø:tnòe.

Yesuí zidòng we pungwà chv̀ng nv̀ng ngà goní lá:ngò nø̀, muqlàng kaq dvjaqò sórí Gvray kaq oqà wa dá:ngí, zidòngrì vmø:tnò nø̀ vsv̀ng shvngbe kaq túnalv́m coqcv́nrì sv̀ng tvleòe. Nga goní gø shvngbe sv̀ng vwálaòe. Wekvt àngmaq shvngbe vm nø̀ vgàá:mì. Zidòng nv̀ng ngasha vché bǿà rì sv̀ng coqcv́nrìí rvku:lò nìnø tiqcé vníjvng dv̀n rvkul lún bǿà.