פסוקים פופולריים מ- Marko 12

שתף

Yesuí, “Dvkv́mkàrì shvngbe taqkèní ring vtvng nø yaciq íe. ‘Israel dvcì cèrìé, ètá dánø̀ng! Kàngpè nøngmaq Gvray nø, Àng tiqgǿ wa í pè Gvray íe. Nà nøt mvsø̀n shvngbeí gø, nà dòngnøt shvngbeí gø, nà shánøt shvngbeí gø, nà nònggùn shvngbeí gø, Kàngpè nà Gvray kaq shóngshì ràe,’ wa ciq íe. Dvkv́mkà vníciq wa ciq nø, ‘Nà vdè sv̀ng èshóngshì dø, nà tiqdv́ng vsv̀ng kaq shóngshì ràe,’ wa ciq íe. Ya vníciq mvdv̀m ring we dvkv́mkà nø màvl,” wa vtá:nòe.

Yesuí Àng coqcv́nrì goò nø̀, “Ngàí jø̀ngjǿng vla:tnìni, vlu svdik taq zá:ngò rì àngmaq shvngbe mvdv̀m, dvshà we memà yamèí té zv́ng bǿà. Kadø íe wani dvgárìí nø, àngmaqí lv́ng vchéò rì taqkèní zíò we wa íe. Yamèí nø dvshà nìgø àng dvkúmshìlv́m shvngbe, àngò v́laò dv́ngte zv́ng bǿà,” a:lòe.

Yesu nø vlu svdik vzv̀ng kaq rung nø vsv̀ngrìí vlu gv̀msùng zá:ngò we sv̀ng yà:ngòe. Mvgàmrì mvme gǿí nø gv̀msùng mvmeme zá:ngòe. Íwe dvshà we memà tiqmè dì ráì nø̀, cvmaqcè wa vpø we kàmø gv̀msùngshicè vnígø̀m wa zá:ngòe.

Nøt mvsø̀n shvngbeí gø, cíngrál nøt shvngbeí gø, nònggùn shvngbeí gø, Gvray kaq shóngshì ràe. Vdè sv̀ng èshóngshi dø, vdè tiqdv́ng vsv̀ng kaq shóngshì ràe. Ya ciqní nø, wv́r núngpà nv̀ng shvrúng núngpà í dv́ngte mvdv̀mø té vpǿe,” a:lòe.

Yesuí àngmaq sv̀ng, “Kesaròrì nø Kesar sv̀ng, Gvrayòrì nø Gvray sv̀ng nàtv́nganø̀ng,” a:lòe. Wekà rvt àngmaq nø Àng sv̀ng dàá:mì.