פסוקים פופולריים מ- Yohanes 19

שתף

Arebikbuk, Yesus arye, aning akunum mitik anun dibukopura, ayupu nyabuk. “Winira akunuma,” nyabukce, adiparyuk el ngang yalyaling apsakukce dibuk.

Yesus daunmoka ani, ura, ‘Aning-aning nirya akunum winipmaniake,’ tenebukce, tonda, ‘Minop talak nabi nang arye, Allah yupu sekamik ning ara, atalak nong upnul’ tenen, ayupu nyabuk. Yesus arye, “Na mek patapnile,” nyabuka morobuk.

Sik nirya tikmeka noutamak arye, Yesus el lin Maria ap, Yesus wipdeiamuknye, el kanye weik arye deiyamuknye ap, neika tikrikba, Yesus arye eibuk. Eibukce, el lin biti nyabuk. “Nongo, an mi atia,” nyabuk. Nyabukopura, el kanye deiyamuknye, el kwit koprop tonok ati nyabuk. “Amio, an nin tikmal atia,” nyabuk. Yesus arye nyabuka ati, el kanye deiyamuknye kekebukce, atalak arye diprongobuka, doyanamuk talak noutamak nirya ara, anye birye, Yesus el lin yukubukba yayukura, el aikuk neika ulamukba, anye birye akil melilamuk.

Winipmekce, ‘Yesus el yok ton cepnuyap’ tenen, Yesus dam yanmek bukni, Yesus akunum dipmoka anya arye, el yan keil yok kum bulakik. Aning kum bukni, tonok yin talinanye birye, cang yo dula arye dobuka, Yesus el yace yok lukuka obukba, Yesus el nong noutam arye, ining ap, mek ap, weik arye biyuk.

Ara, Yesus el yok kum bulakik ning ara, nabi nang arye, Allah yupu minop talak sekamik ning, ‘Nong upnamle’ tenen, winibuk. Anang ara, talye mangkau kanye bobuka, winibik bukni, Allah arye Yesus ati, tenyamuk touk winibik. Allah yupu Mazmur noutamak ara, ayupu sekamik. ‘El yok tonok ning babye, kum cepnamake.’ Tonda, yuk buku Zakaria noutamak ara, ayupu ton sekamik. ‘El yace yok lukuka obiknye bira, eipnamake.’ Ati ara, Yesus el yok kum bulakik ning ara, nabi nang arye, Allah yupu minop talak sekamik ning ara, nong laka kibuk.

Pilatus arye, anang ati, Yesus aribukba, sik yin talin nang arye Yesus bobiyik. Bobiyikce, Yesus el wanwanun yo arebikba, Yesus elce bobuka biyuk. Yesus ap banmeka ani, mutuku si Golgota mutuku welebiyik. (Aramaik yupu deice arye Golgota nyalamik ning ara, amutuku urasin ara ninye kisok yok atonun uamuk mutuku ati, amutuku si ara, Golgota nyalamik.)

Onmekce, tace weik ning dobuka, kwanipdongobuka, Yesus el kisok deice koupdongobik. Tonda, atalak ara, weik ninye deiyok nang arye, dekna weik mirin baju ongolamaka atonun, Yesus el nong deice acang baju, er si juba ongopdeipmek.