פסוקים פופולריים מ- Yohanes 11

שתף

Nyabukopura, Yesus arye nyabuk. “Kam Bulina Deiyoknye ap, Kam Una Deiyoknye ap, na aunune. Yatanye do nirya, nati dib tenepnilinye bira, el nong dipmalya babye, kam pia unamle. Yata ninye do nirya, nati dib tenebikirye, na ap talima dukdongobuka unyak ninye nirya ara, sik nong dibikce babye, pia kamuk unamake. Anyapmakin yupu ara, dib tenepmalam do?” Yesus arye Marta biti nyabuk.

Nyabukba, Yesus arye tamubuka nyabuk. “Kume, ‘Dip tenepminyopura, Allah el weik mambul ulya ap, weik mambul pil dolul ning ap eipnamlume,’ kum nyapkise do?” nyabuk.

Nyabikba, Yesus arye engenmok.

Nyabuka nyapdeiprikura, yuk nang arye, Yesus dam binuka laka nyabikura, kekebuk. Yesus arye ayupu kekebukce, nyabuk. “Auk talipmal bukni, Lazarus kum dipnamle. Kume, auk dinmala deiyok ara, ‘Allah el Mi Koprop arye mambul pil doliba, ninye eibikirye, se anye bira weik mambul’ tenen, ‘El si erepnamak’ tenen, auk talilule. Allah el weik mambul ulya ap, weik mambul pil dopnamle ning ap eipnamlume. Tonda, ‘Auk talipmalye talak noutamak arye, Allah el Mi Koprop arye pil dopnamle deice arye, ninye arye Allah el si babye ereipnamak’ tenenauk talipmale,” Yesus arye nyabuk.

Yesus arye nyabukopura, weik yupu deice arye nyabuk, “Lazaruso, keil deiya pum bisik arye, bai tam asukum yalyame,” nyabuk. Nyabukura, adiparyuk diamuknye Lazarus kam bukukce, akeil deiya pum bisik arye bai tam yayuk. El yan ap, el taruk ap, namin kain arye kitipmeka ara, tuba upmok. Tonda, el urasin kitipdongopmek baju ara, tuba upmok. Winibuka ati, Yesus arye awekmek ninye ati nyabuk. “El nong weina ati, kitipmek cang kain nirya kwiribuka loplopmunyeura, Lazarus binule,” nyabuk.

Lazarus el nong dobuka keil deiya dongobikce, weik keil dobuka akeil deiya buplan tirikdongobik. Otalak arye akunum weipmek bukni, Yesus arye Lazarus nong dongobik keil deiya dam yayukce, tuba tamubuka tonap bouku sukubuka, malye kanye bobuk.

Nyabukopura, ayupu ton nyabuk. “Nun kwit koprop Lazarus ara, mapmal bukni, narye elti, kam bulilbinune,” nyabuk. (Ara, Lazarus dipmok ati, Yesus arye, “Lazarus mapmale,” nyabuk)