פסוקים פופולריים מ- Rasul 2

שתפו

Nyabikura, Peterus arye tamubuka nyabuk. “Anggun nirya ara, anggun malye winilulum ning ap, kanye malye tenelulum ning ap, ‘Allah arye namin kipsilirye, kum daneipnamsil’ tenen, anggun malye ning nirya batakmunyak arye, donga tamubuka, Allah el tam kipropmunyeura, nunda Yesus el si deice aryuk mek dongopnamsiape. Winibibyeura, Allah arye nun bico ati, talye arisulul Dib Kanye ara, arepsilyeura, dopropnalume.

Yesus arye wipdeibuk Rasul nang, sik peterelamik yupu kekelamik ning ap, din neika ansinibuka dilamik ning ap, neika Allah morolamik ning ap, bico tenen, melilalamik akarye, sik kanye dukdongobuka neika ulamik. ‘Nun aninguk winiptibye’ tenen, patalamuka ati, yuk ning tenena kum arye aninguk winilamik.

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Ubukura, unmeka ani, weik kum anye dobuk akarye lelim weik arye nyalamle touk, weik lelim im deice arye yayukura, sik bukmek aik pum dana-dana nirya wekuk akarye, weik lelim nyanmok. Alelim nyanmokbuk, sik nirya sitang deice ara uku buk dilamle atonun winibukak eibikura, aning bokuka sik nong deice tonok-tonok yanuka bukuk. Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Winilamik akarye, asum-asum nirya, Yahudi yala nang, sik malye winilamik ning dekna ati, Allah arilbalamik aik dam bulubuka wekelbalamik. Tonda, sik anyaik-anyaik nirya bulubuka weklamik akarye, din ning bokuka, kanye deilildalamik akarye, din neikauk dilamik. Tonda kanye kum wililamikce, talye neik kanyeuk bobuka ansinibuka ulamik. Tonda, Allah el si erena ati, “Allah el pia telebe,” nyabuka el si erelamikura, amutuku nirya, Allah arye yuk ninye lyelamuk akarye, dobuka deipra balamukura, Yesus ati min arye dib tenelamik nang ap tabaklamik akarye, weik kipnin balamik.

‘Allah el nyasilya ara, aning-aning nirya kum upnamle talak akunum dam uplyopura, narye ninye mutuku-mutuku nirya ati, na Dib Kanye weika arye arepnamne. Sik mapu ap, sik kil mapu ap, arye, Allah el yupu lakak ani, nyanamake. Sik kam nang ara, tuba bukmakce diparyuk lengdar atonun ning eipnamaka deice arye, na yupu laka nyanamsine. Sik wisi nang ara, lengdar mapmakce deice arye, na yupu laka nyanamsine.

Yesus dib tenelamik nang nirya arye, neika ulamik anye, sik talyamik ning nirya, ‘Na’ tenen, mulona kum ak arye, neika arilalamikce, aning nirya ansinibuka talilamik. Ara, sik talilamik ning dobuka deklamikura, yata nang do nirya, asum-asum sik patapneto uk, dobuka arilalamik.

Winiplyopura, yata nang do nirya, ‘Allah arye melipnamnile’ tenen, nun ni Allah el si nyabuka moronyak nang ara, Allah arye aninye nirye lyepnamlarya.’ “Allah nyapdeibukura, Yoel sekuk yupu ara, nyapsine,” Peterus arye nyabuk.

Pia weik sum, nun ni el mambul sum, min kum yanamlye talak ara, keting ara, pia kunuknamle. Wala ara, ining bi atonun pia lyupnamle.