פסוקים פופולריים מ- ಮತ್ತಾಯ 12

שתף

ಅತ್ರೇಸ್ ಕಾಹೆತೆ, ಮೇ “ತುಮೂನ ಶಾತ್‌ ಬೋಲುಸ್‌ಕತೊ, ಅದ್ಮಿಖ್ಹಾರು ಫಾಯಿದೊಕೊಂತೆ ಬೋಲಾಸ್ತೆ ಹರೇಕ್ ವಾತೇನಿ ಬಾರೇಮ ನ್ಯಾವ್‍ನಿ ತೀರ್ಪ್‌ನ ದನ್ಮ ಗಣ್ತಿ ದೇವ್ಣುಪಡ್‌ಶೆ. ತಾರಿ ವಾತೆಥೀಸ್‌ ತೂ ನೀತಿವಾಳೊಕರಿ ತೀರ್ಪ್‌ ಮಳ್‌ಶೆ; ಅಜು಼ ತಾರಿ ವಾತೆಥೀಸ್‌ ತೂ ಅಪರಾದಿಕರಿ ತೀರ್ಪ್ ಮಳ್‌ಶೆ” ಕರಿ ಬೋಲ್ಯೊ.

ಅಲಾ ಖ್ಹಾಪ್‌ನ ಖಾನ್‌ದಾನ್‌ವಾಳ! ತುಮೆ ಖರಾಬ್ ರ‍್ಹವಾಪರ್, ತುಮಾರ ಮ್ಹೋಡವಾಟೆ ಅಛ಼್ಛು ವಾತೆ ಕಿಮ್ ನಿಕಳ್‌ಶೆ? ದಿಲ್ಮ ಭರೈರ‍್ಹೇಸ್ತೇಸ್‌ ಮ್ಹೋಡವಾಟೆ ನಿಕ್ಳಾಸ್‌.

ಏಕ್‌ ಅಛ್ಛು಼ ಅದ್ಮಿ ಇನಿ ಕಣ್ಗಿಮಾಥು ಅಛ಼್ಛು ರಾಛ಼ವ್‍ನ ಭಾರ್ ಕಾಡಸ್‌; ಏಕ್‌ ಖರಾಬ್ ಅದ್ಮಿ ಇನು ಖರಾಬ್ ಕಣ್ಗಿಮಾಥು ಖರಾಬ್ ರಾಛ಼ವ್‍ನ ಭಾರ್‌ಕಾಡಸ್‌.

ಇನಖ್ಹಾಜೇಸ್ ಮೇ ತುಮೂನ ಬೋಲುಸ್, ಅದ್ಮಿಖ್ಹಾರು ಕರಾತೆ ಹರೇಕ್ ಪಾಪ್ನ ಅಜು಼ ಗಾಳೆನಿ ವಾತೇನ ಮಾಪಿ ಛಾ಼; ಕತೋಬಿ ಪವಿತ್ರಾತ್ಮನ ವಿರೋದ್ ವಾತೆ ಬೋಲವಾಳಾನ ಮಾಪಿಕೊಯ್ನಿ.

“ತುಮೂನ ಅಛ್ಛು಼ ಪಂಡು ಹೋಣುಕತೊ ತುಮಾರಕನ ಅಛ್ಛು಼ ಝಾ಼ಡು ರ‍್ಹೇಣು. ತುಮಾರು ಝಾ಼ಡು ಅಛ್ಛು಼ ನಾ ರ‍್ಹಯೂತೊ, ಯೋ ಖರಾಬ್ ಪಂಡಾನಸ್‌ ಮ್ಹೇಲ್‌ಶೆ, ಏಕ್‌ ಝಾ಼ಡು ಕಿಮ್ನು ಕರಿ ಬೋಲಾನು ಯೋ ಮ್ಹೇಲಾತೆ ಪಂಡಾಥೀಸ್‌ ಮಾಲುಮ್‌ ಪಡಾಸ್‌”.