פסוקים פופולריים מ- मत्ती 6

שתף

ऐईकाजे पयले तुमी माहापुरू चो राज आउर हुनचो धरम चो खोज करा तेबे ऐ सपाय तीजमन बले तुमके मिरून जायदे।

आउर काली चो चिन्ता नी करा, कसनबल्लोने काली चो दिन आपलो चिन्ता खुद करेदे; आजी चो काजे आजी ची चो दुख खुबे आय।”

ऐईकाजे मय तुमचो ले बलेंसे कि आपलो जीव चो काजे ऐ चिन्ता नी करा कि आमी काय खाऊंदे आउर काय पीऊंदे; आउर ना आपलो देंह चो काजे कि काय पिंदुदें। काय जीव भात ले, आउर देंह फटीई ले बडुन भाती नुआय?

मान्तर जिदलदाय तुय पारथना कर से, तेबे आपलो बाकरा ने जा; आउर कपाट ढ़ाकुन भाती आपलो बुआ ले जोन गुपत ने आसे पारथना कर। तेबे तुचो बुआ जोन गुपत ने दकेसे, तुके ईनाम देयदे।

“आउर तुमी ऐ रीति ले पारथना करा: ‘हे आमचो बुआ, तुय जोन सरग ने आशीष; तुचो नाव पवितर माना जाओ।’ ‘तुचो राज ऐओ। तुचो इच्छा जसन सरग ने पुरा होऊ आय, असने धरतनी थाने बले होओ।’

‘आमचो दिनभर चो रोटी आजी आमके देस।’

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

“ऐईकाजे अगर तुमी माने चो अपराध छमा करा से, तेबे तुमचो सरग चो बुआ बले तुमके छमा करेदे।

बादरी चो चड़ीईमन के दका! हुनमन ना तो बुने सोत, ना काटु आत, आउर ना बेड़ामन ने सकलु आत; फेर बले तुमचो सरग चो बुआ हुनमन के खुआयसे। काय तुमी हुनमन ले जादा मल्या नुआहास?

“आपलो काजे धरतनी ने धन रूंडा नी करा, जोन थाने कीड़ा आउर काई नशाऊ आत, आउर जोन थाने चोर सेंध लगाऊ आत आउर चोरू आत। मान्तर आपलो काजे सरग ने धन रूंडा करा, जोन थाने ना तो कीड़ा आउर ना काई नशाऊ आत, आउर जोन थाने ना चोर सेंध लगाऊ आत आउर ना चोरू आत। कसनबल्लोने जोन थाने तुचो धन आसे हुता तुचो मन बले लगु रयदे।

“कोनी माने दुय मालिकमन चो सेवा नी करूक सके, कसनबल्लोने हुन गोटक ले बईर आउर दुसर ले मया संगायदे, नाहले गोटक ले मिलुन रयदे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।

ऐईकाजे जिदलदाय माहापुरू भाटा चो लाटा के, जोन आजी आसे आउर काली के भाटी ने जलाया जायदे, असन फटीई पिन्दाऊ आय, तो हे अल्पबिश्वासीमन, तुमके हुन ऐमन ले बडुन भाती केंव नी पिंदाये?

मान्तर जिदलदाय तुय दान करसे, तेबे जोन तुचो उजा हाथ करेसे, हुनके तुचो डेबरी हाथ नी जानुक सको। बल्ले तुचो दान गुपत रओ, आउर तेबे तुचो बुआ जोन गुपत ने दकु आय, तुके ईनाम देयदे।”

“खबड़दार राहा! तुमी मानेमन के दकातो काजे आपलो धरम चो काम नी करा, नाहले आपलो सरग चो बुआ ले काई बले फल नी पाआसे।”

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला। मान्तर जिदलदाय तुय उपास कर से तेबे आपलो मुण्ड थाने तेल लगाव आउर मुंह धो, बल्ले लोग नाई मान्तर तुचो बुआ जोन गुपत ने आसे, तुके उपासी जानो। ऐ हाल ने तुचो बुआ जोन गुपत ने दके से, तुके ईनाम देयदे।”