פסוקים פופולריים מ- Mateo 26

שתף

Ticauadirra-rreraza Deoza uati tiquenarri, uima oppina tehe torrezape tirraparimaneza uima tinanemana-rreraniuarrine. Tibodidenipe ibora teraha tessiredenina mirrira tarraro −naui nade Zeso.

Nazapa pouadeniza: —Obodi ocassera tarrarorrine ouatiabote-te canani. Tiadenipe arriza tibomanaccarri. Ouazama tinoccodeni bissaccana −naui nade Zeso.

Nazapa Zeso tocca-cca naza poua baccouarri namiza pona naza Imehiza uati tarrari: —Abi, arri madirra tocassiuauerauiuarrinecca uima onihi noueraqui? Nouerezape peperri. Madirra bazimacca uimasiri manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine touini onerrereraha, oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade.

Arrarrari zezepa ouemenecca uima. Deo madirra tezerre rrehe canireuiuarrinecca uima torraniuarrine. Niza oua ozoqqueza ouemene toqquezape narraro rrehe canirenirri parrissa torranitoui. Arri ouemene toccarrarope madirra bazimaza uima bicani torraniuarrine. Narrarope madirra bazimacca uimasiri manaconi ouaza torrezape Deopa poccadeni uimasiri peperri inananiuarrine.

Nezape rripade iquerreneza Zeso pao idi naza Deoza uati tarrari: —Rrehe, Abi Deo ticca danirri iaza bica taui −nade. Nazapa pao icanarobeza dize rrai da, dize rrai da inarizade. Ia pocca zozosse tabaqquiza uati tarrari: —Arra, apa tiquenarro. Arrirrarope ouimecca uima −nade Zeso.

Zotodepa ze inauiuarrine zeze equidi naza Deoza uati tarrari: —Rrehe, Abi Deo ticca danirri iaza bica taui −nade. Nazapa iaza da icanaza iaza uati tarrari: —Arra, ze tarizemanarro, tiadeni bazima.

Nazapa poua uatimadedeniuarri ccanirrari. Bacco nanizapa cauadirrauira qqui tarrari. Nazapa Pedoroza Zeso uaua narrari: —Ticauadirrarraroqui? Zome nocconi ocarra-rrereraha tinoccodeni bissade tiparriremane-rrerarraroqui?

Arrirrarope tiadeniza uati onarraro: Uva pperrene ze inarraripa ze onapoma-rraraccauitoui. Niza occa Abicca cacauehe torranissa teza titezerre uva pperrene ouaha zatira ze inauitoui −nade Zeso.

Nazapa Zeso atti Pedoro bodi uatomanirrari: —Tacara uaua narraraccazapa tetti tinamaizani 3 nanitoui −naporrari. Arra Zeso atti Pedoro bodi uatomanizapa qquenaza orrirrari nade.

Nazapa: —Rrina, titememanarri. Arrana, rridapanapa oua ccaccorade ccarronaui −naui nade Zeso.

Naraha Zeso narrariza: —Parri! Ticca massito anitinanirri. Rrazirecca massitoza madirra irrine auarraripa niza zotode poua naco rrazirecca massitoza inanazoqque-manauitoui −nade.