פסוקים פופולריים מ- યોહાન 17

שתף

તોઅ વચન સત્ય હાય, ઈયા ખાતુર તીયાહાને તોઅ સેવા કેરા ખાતુર જગતુ બીજા લોકુમેને અલગ કે.

આને અનંત જીવન ઇ હાય, કા લોક તુલે એકુ-એક હાચા પરમેહેરુલે, આને ઇસુ ખ્રિસ્તુલે જીયાલે તુયુહુ મોક્લ્યોહો તીયાલે ઓખી સેકે.

“આંય ખાલી માઅ ચેલા માટે ઓતોજ નાહ પ્રાર્થના કેતો, પેન તીયા ગોઠ ઉનાયને જે માપે વિશ્વાસ કેરી, તીયા માટે બી આંય પ્રાર્થના કીહુ.” ઓ બાહકા, આંય પ્રાર્થના કીહુ, કા ઈયા જગતુ જે લોક માપે વિશ્વાસ કેતાહા, તે બાદા એક વેઅ; જેહેકી તુ માઅ આરી હાય, આને આંય તોઅ આરી હાય, આંય પ્રાર્થના કીહુ કા એ બાદા લોક બી આપુ આરી એક વેઅ, તાંહા જગતુ લોક વિશ્વાસ કેરી કા તુયુહુ માને મોકલ્યોહો.

તુ માઅ ચેલાહાને જગતુમેને લીઅ લેઅ, એહેકી આંય તુલે પ્રાર્થના નાહ કેતો, પેન એહેકી પ્રાર્થના કીહુ, કા તીયાહાને તુ શૈતાનુકી તીયા રક્ષા કે.

આને જેહેકી તુયુહુ માને મહિમા આપીહી, તેહકીજ માયુહુ બી તીયાહાને મહિમા આપીહી, ઈયા ખાતુર કા જેહેકી આપુહુ એક હાય, તેહકીજ તેબી એક બોની રેઅ. જેહેકી આંય તીયા આરી મીલીને રીહુ, આને તુ માઅ આરી મીલીને રીહો, તેહેકી તે એક-બીજા આરી મીલીને રેઅ, ઈયા ખાતુર કા જગતુ લોક જાંય સેકે કા તુયુહુ માને મોકલ્યોહો, આને તીયાહાને ઇ બી ખબર પોળે કા જેહેકી તુયુહુ માપે પ્રેમ રાખ્યોહો, તેહકીજ આંય બી માઅ ચેલાપે પ્રેમ રાખેહે.