פסוקים פופולריים מ- યોહાન 15

שתף

આંય દારાક્ષા વેલો હાય: આને તુમુહુ ડાલખ્યા હાય; જો કેડો માઅ આરી જોળાય રેહે, આને આંય તીયા આરી જોળાય રીહુ, તોઅ ખુબ ફલ લાવેહે, કાહાકા માસે અલગ વીને તુમુહુ કાયજ નાહ કી સેક્તે.

તુમુહુ માઅ આરી જોળાય રેજા, આને આંય તુમા આરી જોળાયને રેહે, દારાક્ષા વેલા ડાલખ્યા, વેલા આરી જોળાય નાય રેતા, તે ફલ નાહ આપી સેકત્યા, તેહકીજ તુમુહુ માઅ આરી જોળાય નાય રર્યા તા, ફલ નાહ લાવી સેક્તે.

જો તુમુહુ માઅ આરી જોળાયને રીહા, આને માઅ ગોઠી પરમાણે ચાલાહા, તાંહા જો કાય તુમુહુ પરમેહેર બાહકાપે માગાહા, તોઅ તુમનેહે આપી.

તુમુહુ માને નાહ પસંદ કેયો, પેન માયુહુ તુમનેહે પસંદ કેયાહા, આને તુમનેહે કામ હોપ્યોહો કા તુમુહુ જાયને ફલ લાવા; આને આંય ઈચ્છા રાખુહુ કા ઇ ફલ તુમા જીવનુમે ચાલુ રેઅ, આને તુમુહુ માઅ નાવુકી જો કાય બી પરમેહેર બાહકાપે માગાહા તોઅ તુમનેહે આપી.

કેડો બી પોતા દોસદારુલે દેખાવા ખાતુર કા તોઅ તીયાલે પ્રેમ કેહે, બાદા કેતા હારો ઉપાય ઓ હાય, કા તોઅ પોતા દોસદારુ કેતા મોય જાય.

“દરેક ડાલખ્યા જે મામે જોળાલ્યા હાય” જે ડાલખ્યા ફલ નાહ લાવત્યા, તીયાહાને તોઅ વાડી ટાકેહે, આને જે ડાલખ્યા ફલ લાવત્યાહા, તીયાહાને તોઅ સાફ કેહે, કા આજી વાદારે ફલ લાવે.

“માઅ આજ્ઞા એ હાય, કા જેહકી માયુહુ તુમનેહે પ્રેમ કેયોહો, તેહકીજ તુમુહુ બી એક-બીજા આરી પ્રેમ કેરા.”

તુમુહુ ખુબ ફલ લાવા, તીયાકીજ માઅ પરમેહેર બાહકા મહિમા વેહે, તાહાજ તુમુહુ માંઅ ચેલા બોની સેકતાહા.

“ખેરો દારાક્ષા વેલો આંય હાય; આને માઅ બાહકો ખેડુત હાય.”

પેન જો કેડો બી માઅ આરી જોળાય નાય રેઅ, તીયાલે ડાલખી હોચે વાડીને ફેકી દેવામે આવેહે, આને જાંહા તે ડાલખ્યા હુકાય જાત્યાહા, તાંહા લોક તીયાહાને એકઠે કીને બાલી દેતેહે.

જેહકી આંય ખુશીમે હાય, તેહકીજ તુમુહુ બી ખુશીમે રેજા, આને તુમુહુ પુરી રીતીકી ખુશીમે રેજા, તીયા ખાતુર માયુહુ એ ગોઠયા તુમનેહે આખ્યાહા.

જેહકી માયુહુ માઅ પરમેહેરુ બાહકા આજ્ઞા પાલન કેયોહો, આને તીયા પ્રેમુમે બોની રીયોહો, તીયુજ રીતીકી જો તુમુહુ માઅ આજ્ઞા પાલન કેરાહા, તા તુમુહુ માઅ પ્રેમુમે બોની રીહા.

ઈયુ ગોઠી આજ્ઞા આંય તુમનેહે ઈયા ખાતુર દિહુ કા તુમુહુ એક-બીજા આરી પ્રેમ કેરા.

કાદાચ તુમુહુ જગતુ લોકુ હોચ્યા રેતા, તા જગતુ લોક આપુ માંહે હાય આખીને તુમનેહે પ્રેમ કેતે, પેન ઈયા લીદે કા તુમુહુ જગતુ લોકુ આરી સંબંધ નાહ રાખતા, પેન માયુહુ તુમનેહે જગતુ લોકુમેને પસંદ કી લેદાહા; ઈયા ખાતુર જગતુ લોક તુમા આરી નફરત કેતાહા.