פסוקים פופולריים מ- Génesis 18

שתף

¿Á íyó ná kuvi ya̱ víjí nasɨ́kuitɨꞌ ya̱ saꞌá I̱toꞌoꞌ résa? Tiempúꞌ ñani ni̱ꞌ kui̱ya̱ꞌ kiji tukuni nikó ni̱ꞌ kine̱ꞌyá ni̱ꞌ noꞌó, saájee koo ɨɨn se̱ꞌya yɨ́ɨ́ Sara ―nkachiꞌ Ndiosíꞌ nu̱u̱nꞌ Abraham.

Saáva ñakuꞌ yuꞌuꞌ Sara, jee nkaꞌvi iniꞌ maáña: “Kua̱nɨꞌɨ ni̱ꞌ jee, ¿á kuvi ka̱ꞌ kusɨ̱ɨ̱ꞌ iniꞌ ni̱ꞌ ya̱ koo se̱ꞌya ni̱ꞌ rúja jee ya nyɨɨ yɨɨ́ ni̱ꞌ i̱toꞌoꞌ ni̱ꞌ rúja?” ñaniꞌ iniꞌ ña.

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.

Jee ña̱kuyatin ka̱ꞌ Abraham nu̱u̱nꞌ Ndiosíꞌ jee nkachiꞌ‑i: ―¿Á máá naáꞌ nijia xináánꞌ nkáá nú rá ñɨvɨ na̱a̱ꞌ jín rá ñɨvɨ niváꞌa rúja? Jee sa̱naanꞌ íyó u̱vi̱xiko u̱ji̱ꞌ (50) ñɨvɨ na̱a̱ꞌ nu̱u̱nꞌ ñuunꞌ vá, jee, ¿á máá naáꞌ nijia ya̱ xináánꞌ nú ñuunꞌ vá jee nkúnekáꞌnú iniꞌ nú rá ñɨvɨ ñuunꞌ vá jie̱ꞌe̱ꞌ rá u̱vi̱xiko u̱ji̱ꞌ (50) ñɨvɨ na̱a̱ꞌ vá résa?

Jee nkachiꞌ I̱toꞌoꞌ: ―Retú naniꞌinꞌ ni̱ꞌ u̱vi̱xiko u̱ji̱ꞌ (50) ñɨvɨ na̱a̱ꞌ nu̱u̱nꞌ ñuunꞌ Sodoma, jee jie̱ꞌe̱ꞌ ráa jee kunekáꞌnú iniꞌ ni̱ꞌ kune̱ꞌyá ni̱ꞌ nta̱ká rá ñɨvɨ nééꞌ yukuán ―nkachiꞌ Ndiosíꞌ.